新聞類別
娛樂
詳情#
【蘋果日報】
景黛音復出為ViuTV拍攝新劇《退休女皇》，對撼無綫劇集《白色強人》，噚日佢同姜濤、李紫僖等喺九展出席記者會。昔日「EYT三小花」戚美珍同廖安麗特意送上花牌祝賀，景黛音話：「幫我多謝佢哋，好有心，我真係好耐冇見佢哋。」問到三小花會唔會再合作？景黛音即耍手兼擰頭：「唔好喇啩！我都變咗大老花，我講我呀，唔係講佢哋呀！」
讚姜濤表現好
景黛音話唔好講到力撼無綫劇集咁嚴重，純粹係ViuTV製作部副總裁金廣城邀請，佢話：「我邊有資格撼無綫，我貪得意，又係為咗泰民（韓團SHINee成員），我唔係講笑㗎！」《退休女皇》最初斟泰民扮演景黛音個仔，最後變成姜濤，景黛音大讚姜濤表現好好，唔似第一次做戲。
恨做泰民阿媽
相隔32年再拍劇，景黛音淡定話冇緊張，亦唔難重新適應拍劇生活，不過就堅決話唔會再繼續拍劇：「今次答應拍劇係因為金生應承我，搵我嘅偶像泰民一齊合作，但後來因為配合唔到時間，如果真係叫到佢就另計。如果佢做到我個仔，我會好開心，我好羨慕佢媽媽。」提到囡囡已經18歲，佢話囡囡冇興趣入行。而姜濤對於景黛音讚佢做戲好好，佢話：「我喺YouTube睇佢以前主持嘅節目，同佢相處過，佢係一個好直接嘅人。」
撰文：馮仁昭
景黛音復出為ViuTV拍攝新劇《退休女皇》，對撼無綫劇集《白色強人》，噚日佢同姜濤、李紫僖等喺九展出席記者會。昔日「EYT三小花」戚美珍同廖安麗特意送上花牌祝賀，景黛音話：「幫我多謝佢哋，好有心，我真係好耐冇見佢哋。」問到三小花會唔會再合作？景黛音即耍手兼擰頭：「唔好喇啩！我都變咗大老花，我講我呀，唔係講佢哋呀！」
讚姜濤表現好
景黛音話唔好講到力撼無綫劇集咁嚴重，純粹係ViuTV製作部副總裁金廣城邀請，佢話：「我邊有資格撼無綫，我貪得意，又係為咗泰民（韓團SHINee成員），我唔係講笑㗎！」《退休女皇》最初斟泰民扮演景黛音個仔，最後變成姜濤，景黛音大讚姜濤表現好好，唔似第一次做戲。
恨做泰民阿媽
相隔32年再拍劇，景黛音淡定話冇緊張，亦唔難重新適應拍劇生活，不過就堅決話唔會再繼續拍劇：「今次答應拍劇係因為金生應承我，搵我嘅偶像泰民一齊合作，但後來因為配合唔到時間，如果真係叫到佢就另計。如果佢做到我個仔，我會好開心，我好羨慕佢媽媽。」提到囡囡已經18歲，佢話囡囡冇興趣入行。而姜濤對於景黛音讚佢做戲好好，佢話：「我喺YouTube睇佢以前主持嘅節目，同佢相處過，佢係一個好直接嘅人。」
撰文：馮仁昭
回應 (0)
