心悠裝假胸似薄餅

【蘋果日報】劉心悠日前在北角宣傳新片《九龍不敗》，戲中她扮演中醫角色，因患上乳癌而切除胸部，故要以特技化妝，用布包裹胸部貼上人造皮製成假乳房，感覺侷促，心悠說：「搞到好似pizza胸咁，仲有個好靚紋身，戲中講我媽媽都係乳癌離世，於是將我同佢嘅一幅畫紋到胸前。」心悠每次拍攝前，都由專人替她裝假胸紋身，似裸體一樣。


片中的動作場面都交給了張晉負責，不過心悠都要挑戰飛車戲，她自誇駕駛技術了得，曾參加女子賽車得冠軍，但平日很少在香港駕駛，她說：「現場全部都係名車，導演叫我唔使驚，照踩油去，最記得有場戲喺山上面飄移，點知真係整花咗架車，我都唔敢追問要賠幾錢。」


採訪：卓寶花

攝影：仇志德

場地提供：明珠海景