【專訪】Amorepacific香港一姐：乘韓風躍起

【蘋果日報】千禧年起，女士們開始身陷韓流漩渦，現任Amorepacific香港區董事總經理的葉豐盈（Fion），早看破漩渦後的商機──港女幻想擁有韓國女神的白滑肌。於2002年，當時在職場打滾不足十年的Fion已決定創業，並到韓國傾代理。


記者：邱曉欣

當年不代表任何大公司的Fion，僅靠在消費品公司工作6、7年的經驗，竟獲邀到韓國見面洽談。她花上一整個月時間「做功課」，「研究返晒市場上嘅銷售渠道、有邊啲品牌成功？有啲咩品牌失敗？原因又係乜？」 然後帶着裝滿資料的行李箱，與一個繙譯到韓國一試。


總公司收回港澳代理

事實上，Amorepacific早於90年代已想開拓香港市場，更派遣韓國管理人員駐港四年，惜未能與歐美日品牌匹敵。直至Fion主動叩門，三小時的講解，公司深信找到一個可信賴的「地頭蟲」，最終交出Amorepacific港澳代理權。經過一番市場研究，Fion決定先引入主打中價產品的Laneige來港，為首個攻港的韓國化妝護膚品品牌，後來陸續引入雪花秀（Sulwhasoo）、etude house、「呂」等。而早年《太陽的後裔》女主角宋慧喬用上的雙色漸變唇膏及氣墊BB霜，更掀起陣陣搶購潮。


韓國總公司於2016年收回港澳代理權，對Fion來說是14年來拼搏的成績表。「唔少國際企業，喺世界各地會以合資或者代理嚟做前期市場開發，去到某一個地步再逐一收購返」。觀乎世界上不少奢侈品牌如Louis Vuitton、Chloé、Burberry等，都陸續把中國或香港區業務由代理轉回直營。


Fion形容，成為總公司全資附屬公司後，公司對員工福利更是毫不吝嗇。香港公司總員工數目約700人，為了留住人才及妥善調配人手，今年首次推出30日無薪假及額外40日有薪假，在年中無休的零售業界可謂絕無僅有。


推30日無薪假免顧忌

「（員工會覺得）請no pay leave係唔得，好影響自己紀錄、升職加薪嘅機會等」，為免同事顧忌，公司決定行前一步，推出每年申請最多30日的無薪假，同事不需提供任何原因解釋。Fion說：「有同事老公鍾意去long haul旅行、又有同事仔女入小一想跟緊啲功課、有啲希望發展一下工作以外嘅興趣。」另外，額外40日有薪假包括：身體檢查假、遺失銀包證件假、子女畢業亦可申請有薪假參與畢業禮，不用「射波」。


今年公司上調前線員工底薪25%，變相減少依賴分紅，Fion笑言，「一間舖頭員工齊心啲，條數都會靚啲」。香港業務乘「韓瘋」而起，但總不能依靠潮流眷顧。「我哋喺香港17年，韓風都唔係吹咗17年㗎！」Fion說，會在業務根基上繼續努力，未來會循序漸進把其他品牌帶來港。