新聞類別
港聞
詳情#
【蘋果日報】【《蘋果》專訪】本土民主前線黃台仰和李東昇早前因為六四30年與港府硬推《逃犯條例》修訂，決定公開隱藏逾年的難民身份。二人香港時間昨日凌晨在德國柏林接受《蘋果》獨家專訪，黃台仰指，《逃犯條例》修訂勢令香港「收皮」，港人有必要將對中共的不滿告知世界。他否認不再支持港獨，而是按局勢調整策略，面對惡法當前，二人與本港泛民合作「唔會唔可能」。
本民前黃台仰和李東昇早前公開其難民身份後稱現時不再提倡港獨，被指背棄因旺角騷亂入獄的梁天琦和港獨支持者。黃台仰接受《蘋果》專訪時否認不再支持港獨，「我係話唔提倡，唔代表唔支持」，並指至今仍認同「以武制暴」概念，「一直所講嘅以武制暴，係面對政權同警察嘅暴力，我哋要用返相應程度嘅力量去對抗」。
稱可與泛民合作反惡法
黃台仰說，2015年成立本民前時的心態是想和政權鬥爭，「係可以有進攻，可以有防守」，當時嘗試進攻。但中共越趨專制，近年香港一直處於「捱打」狀態，《逃犯條例》修訂更是進一步把香港「收皮」，有需要變得較保守，集中防守港人原有的自由、民主及人權等。黃指，要成功防守就必須引起國際關注，二人會繼續與不同國家議員聯絡，解釋香港情況，而民陣6月9日發起大遊行反修例，港人也要清楚地告知世界，怎樣不滿中共的統治手法。
被問到本民前是否與支持和平理性非暴力的泛民主派沒有分別？黃認為，本民前會隨局勢有不同策略，和甚少改變的泛民仍然不同，「我相信所有想香港好嘅人，都希望爭取返香港人應有嘅權利，可以保護返我哋有嘅嘢，而佢哋（泛民）策略、手法係咁多年都冇變過，我哋2014年之後嘗試用啲新手法，睇吓有冇新出路，咁然後發生咗好多新事情，亦了解多咗敵人，先可以調整策略，搵到個合適方法，同佢鬥落去又好，保護香港又好」。
但黃認為，本民前與泛民現時共同面對修例，「若然大家有啲咩可以溝通，覺得OK可以一齊做，我唔會話（合作）冇可能囉」，過去本民前也曾和泛民對話，「當時唔係完全切割，只不過係大家當時對成個政治局勢睇法好唔同，所以暫時搵唔到合作或磨合個位」。
身陷囹圄的梁天琦是否知悉二人調整策略？黃說，與梁是很有默契的長期戰友，「唔需要解釋咁多」。他透露，流亡後曾與梁聯絡，惟梁後來入獄，基於安全理由不便寫信，至今一直未有接觸。但他說，如梁在獄中有看新聞，相信也會為他們獲得庇護感到高興，「走之前，佢好希望我哋有個安全、唔錯嘅生活，呢個係佢同我哋講嘅嘢」。他續指，有德國議員料將就梁天琦事宜有下一步行動。
李東昇：流亡顯示審訊不公
李東昇則說，流亡外國不單認為自己面對的審訊不公，更希望藉難民身份獲批，向國際社會證明除了他們，「依家（在港）坐監嘅政治犯，佢哋嘅審訊都係不公平嘅」。李說，德國大學生話題多圍繞生活，但香港年輕人卻要討論上街，縱然自己能否返港是未知之數，但會為香港繼續前途努力，「香港作為自己嘅根，希望所有人可以活喺有自己權利、自由嘅地」。二人也指，近日忙於考試，即將在哥廷根修讀大學課程，亦打算認識在德港人，了解他們的想法，暫未有計劃組織其他流亡海外人士。
長青網 - 一站式長者及護老者生活資訊網站
本民前黃台仰和李東昇早前公開其難民身份後稱現時不再提倡港獨，被指背棄因旺角騷亂入獄的梁天琦和港獨支持者。黃台仰接受《蘋果》專訪時否認不再支持港獨，「我係話唔提倡，唔代表唔支持」，並指至今仍認同「以武制暴」概念，「一直所講嘅以武制暴，係面對政權同警察嘅暴力，我哋要用返相應程度嘅力量去對抗」。
稱可與泛民合作反惡法
黃台仰說，2015年成立本民前時的心態是想和政權鬥爭，「係可以有進攻，可以有防守」，當時嘗試進攻。但中共越趨專制，近年香港一直處於「捱打」狀態，《逃犯條例》修訂更是進一步把香港「收皮」，有需要變得較保守，集中防守港人原有的自由、民主及人權等。黃指，要成功防守就必須引起國際關注，二人會繼續與不同國家議員聯絡，解釋香港情況，而民陣6月9日發起大遊行反修例，港人也要清楚地告知世界，怎樣不滿中共的統治手法。
被問到本民前是否與支持和平理性非暴力的泛民主派沒有分別？黃認為，本民前會隨局勢有不同策略，和甚少改變的泛民仍然不同，「我相信所有想香港好嘅人，都希望爭取返香港人應有嘅權利，可以保護返我哋有嘅嘢，而佢哋（泛民）策略、手法係咁多年都冇變過，我哋2014年之後嘗試用啲新手法，睇吓有冇新出路，咁然後發生咗好多新事情，亦了解多咗敵人，先可以調整策略，搵到個合適方法，同佢鬥落去又好，保護香港又好」。
但黃認為，本民前與泛民現時共同面對修例，「若然大家有啲咩可以溝通，覺得OK可以一齊做，我唔會話（合作）冇可能囉」，過去本民前也曾和泛民對話，「當時唔係完全切割，只不過係大家當時對成個政治局勢睇法好唔同，所以暫時搵唔到合作或磨合個位」。
身陷囹圄的梁天琦是否知悉二人調整策略？黃說，與梁是很有默契的長期戰友，「唔需要解釋咁多」。他透露，流亡後曾與梁聯絡，惟梁後來入獄，基於安全理由不便寫信，至今一直未有接觸。但他說，如梁在獄中有看新聞，相信也會為他們獲得庇護感到高興，「走之前，佢好希望我哋有個安全、唔錯嘅生活，呢個係佢同我哋講嘅嘢」。他續指，有德國議員料將就梁天琦事宜有下一步行動。
李東昇：流亡顯示審訊不公
李東昇則說，流亡外國不單認為自己面對的審訊不公，更希望藉難民身份獲批，向國際社會證明除了他們，「依家（在港）坐監嘅政治犯，佢哋嘅審訊都係不公平嘅」。李說，德國大學生話題多圍繞生活，但香港年輕人卻要討論上街，縱然自己能否返港是未知之數，但會為香港繼續前途努力，「香港作為自己嘅根，希望所有人可以活喺有自己權利、自由嘅地」。二人也指，近日忙於考試，即將在哥廷根修讀大學課程，亦打算認識在德港人，了解他們的想法，暫未有計劃組織其他流亡海外人士。
長青網 - 一站式長者及護老者生活資訊網站
留言 (0)
