新聞類別
娛樂
詳情#
【蘋果日報】30年前的6月4日凌晨，天安門廣場傳來陣陣槍聲，令人心寒，當時身在北京的導演張堅庭趁着六四30周年，上載影片回憶往事。他憶述當年6月3日晚上親歷軍人入城時仍心有餘悸，6月4日清晨最初聽到拍掌聲以為學生已經安全撤離，卻是坦克車在馬路上行走。張堅庭最後希望大家毋忘六四：「係人類應該有嘅道義。」
在1989年的6月初，六四事件發生前，張堅庭正在寫《表姐，你好嘢！》劇本，北京學運熾烈，於大學修讀歷史的他悔恨未趕及見證「五四運動」，當時又聞天安門學生擬退場，有感今次學運大抵已屆尾聲，故想親身見證這歷史性一刻，於是與製片及另一位好友一齊上京。張堅庭前日在其YouTube頻道上載長達21分鐘的影片，詳述當年的六四回憶。
張堅庭在片段指他出發前，曾聯絡當時在無綫新聞部任職的浸會舊同學，對方淡定謂：「完喇！仲上嚟做乜呀？」張堅庭稱：「但係都想上嚟睇吓呀！」又問對方應入住哪家酒店較好，結果張堅庭選了不少傳媒入住的北京飯店：「我6月2號去，周圍行，當時條街好旺，我影咗好多相，但唔知點解啲相唔見咗。瞓覺嗰陣，電話響，朋友打嚟話『聽講軍人入城喎！』我即刻扎醒『係咩？』行出騎樓，又唔係咁誇張喎，於是落去長安街行吓，即係依家嘅東方廣場。氣氛有啲詭異，啲北京市民同軍人一堆堆咁坐咗喺度，大媽呀、大叔呀，有一種緊張但係又悠閒嘅感覺，有人踩單車、有人乘涼，因為我曾經喺香港電台做過part time，咁我就掛咗個證，同人傾偈，嗰晚都冇乜嘢。」
暴風雨前感覺詭異
張堅庭續言：「6月3號嘅上晝，我哋又周圍行，都係一堆堆，有學生有軍人，喺廣場上、毛澤東紀念館、人民英雄紀念碑，當時有好多外國記者。」到晚上，氣氛明顯不尋常，張堅庭憶述仍有點緊張：「當時我就……覺得……喺露台見到，有一種『今夜星光燦爛』嘅感覺，有啲燈射住，嗰種感覺係好詭異，有一種節日氣氛。我都唔記得係咪7、8點，我就落去行，當時已set up咗，警察多咗，但仍然有啲大媽三三兩兩同軍人傾偈。我只記得行行吓，唔知邊度衝咗架小型裝甲車出嚟，沿長安街向天安門廣場飆過去，啲市民就用石頭掟佢。架車一行，我哋驚，唔知佢會唔會開槍。」
張堅庭憶述當時裝甲車施放催淚彈，他立即跑回房間：「北京飯店有條長廊，裝甲車放咗兩個催淚彈，嘩！嗰陣我哋即刻飆入去，沿住長廊返酒店。我跑得好快，砰砰嘭嘭返入房。快到我兩個朋友都睇唔到，返番房喇，瞓咗陣，跟住電話響，『喂，軍隊入城喇！』香港啲朋友打畀我哋。」他續言：「醒咗之後當然瞓唔到，就喺酒店行，又由騎樓望出去，去到深夜嘅時候，好多消息傳來傳去，有一間房好多香港記者喺度。我落去又唔係，喺度行嚟行去，聽到窗門砰砰嘭嘭，唔知係咪槍聲。我同學嚟問我『喂，阿庭，我有幾盒新聞帶，我交畀你，你聽日走嘅時候幫我帶返香港。』」
當時與張堅庭同行的朋友一口答應，收下放入房。回房未幾，張堅庭思前想後：「死喇，餅帶交咗畀我哋，如果有乜唔妥，我哋冇公司幫我哋，我哋當時係self employed，唔係嘉禾僱員，當時預備拍《表姐》，於是我問番我同學：『喂，唔掂，呢兩餅帶，我唔想攞，因為我要保護我啲老友，你自己有大公司喺後面，有得疏通；但如果畀我哋，變咗間諜，我哋唔方便。』跟住佢就攞番。」
槍聲響起記者狂叫
張堅庭憶述，當時很多年輕記者驚聞或目睹屠殺慘狀，情緒難以自控：「天光之時，我就走咗入去成班香港記者嘅房，當時訊息已經好多，有開槍，死咗好多人。香港啲記者可能比較green，冇乜戰地採訪經驗，我見到有啲記者歇斯底里，癲癲哋咁，我見到其中一個直頭喺張床度跳、嗌，我嚇咗一跳。有個香港記者喺露台出面，突然伏喺度唔郁，其他記者問『佢係咪中彈呀？』又一輪歇斯底里，個記者之後慢慢爬番入嚟。當時成班記者基本上都做唔到採訪，可能係因為真係開槍，佢哋可能有電話聯絡到，知道唔係講笑，今次真係死好多人。」張堅庭離房後，爬行到一位英國記者的房間，因為當時情況太亂，不斷傳出砰砰嘭嘭響聲，黑暗間沒法確認是否子彈，為安全計，大家都用爬行方式出入保命。
坦克聲誤以為掌聲
張堅庭估計對方是BBC記者，聊到天色漸亮，張堅庭忽然聽到一陣掌聲，以為有人在樓下鼓掌：「咦，拍手掌？唔通學生離開廣場？點講呀……唔係話勝利，而係傾掂數、安全撤離？」英國記者問他：「你聽到乜？」張堅庭答：「我聽到有人拍手掌。」英國記者反問：「係咩？」他想了想，拿起攝影機，用黑布蒙着，走出露台拍攝。張堅庭好奇想看，但又害怕。未幾，英記者放下攝影機，跟他說：「唔係，呢啲唔係掌聲，係坦克聲。」張堅庭恍然大悟，這是坦克在馬路上的聲音。
英國記者示意張堅庭離開，張堅庭就回房跟兩友人商量：「唔對路喎！」他稱當時已是早上6時許，三人到酒店大堂：「之後喺度食嘢、飲豆漿，發覺連糖都冇，就畀個藉口自己，此地不宜久留。」他決定馬上就走，兵分三路找車，結果找到一輛的士，先議好行車路線，張堅庭急中智生：「我拎住香港電台個證，我就當自己記者，如果去到邊度俾人截停咗（意即出示證件以脫身），總之方向就係去機場。」
司機激動想撞軍車
沿路張堅庭見到有燒焦的地方，司機一邊激動地憶述3日晚上所見的種種，激動時更想撞軍車，幸好最後順利到達機場。由於當時新聞封鎖，機場人員似乎不大了解事件：「好奇怪，機場好似完全唔知出面發生乜事，過海關時完全冇問題，又唔會睇你啲行李，佢哋好似啱啱瞓醒咁，好似唔係好大件事，我諗可能收音機冇播，你以為係一啲騷亂，因為學生運動都持續咗好耐。」
張堅庭本來以為一切順利，豈料返港航班「大機變細機」：「當時情況係好混亂，我哋三個大隻佬完全係冇同情心，人性最差嘅走晒出嚟，推開啲人，我就去換飛。」張堅庭謂，六四屠城很多細節，也是返港才知。返港後他一度掙扎是否將六四事件加入《表姐》劇本中，但經反覆思量後最後都刪掉，因為《表姐》屬喜劇，加入六四情節頗為不合。
接着近兩年，張堅庭回想「六四」情景及綜合所得之消息，都會有一種莫明的激動：「有時揸揸吓車，會突然喊十幾分鐘然後停，咁樣持續咗年幾兩年。」張堅庭在「六四30」留下歷史紀錄：「一個香港嘅後生仔，30年前，我都係三十幾歲，當時喺嗰個環境入面記錄咗嗰段時間。雖然記憶有啲模糊，但某啲場面，事件本身，係我一生人唔會忘記。」最後，張堅庭認真表示：「毋忘六四。基本上我覺得，唔係政治立場問題，而係人類應該有嘅道義，如果我哋生活喺一個公民社會，應該有嘅道義。」
撰文：翁可人
長青網 - 一站式長者及護老者生活資訊網站
在1989年的6月初，六四事件發生前，張堅庭正在寫《表姐，你好嘢！》劇本，北京學運熾烈，於大學修讀歷史的他悔恨未趕及見證「五四運動」，當時又聞天安門學生擬退場，有感今次學運大抵已屆尾聲，故想親身見證這歷史性一刻，於是與製片及另一位好友一齊上京。張堅庭前日在其YouTube頻道上載長達21分鐘的影片，詳述當年的六四回憶。
張堅庭在片段指他出發前，曾聯絡當時在無綫新聞部任職的浸會舊同學，對方淡定謂：「完喇！仲上嚟做乜呀？」張堅庭稱：「但係都想上嚟睇吓呀！」又問對方應入住哪家酒店較好，結果張堅庭選了不少傳媒入住的北京飯店：「我6月2號去，周圍行，當時條街好旺，我影咗好多相，但唔知點解啲相唔見咗。瞓覺嗰陣，電話響，朋友打嚟話『聽講軍人入城喎！』我即刻扎醒『係咩？』行出騎樓，又唔係咁誇張喎，於是落去長安街行吓，即係依家嘅東方廣場。氣氛有啲詭異，啲北京市民同軍人一堆堆咁坐咗喺度，大媽呀、大叔呀，有一種緊張但係又悠閒嘅感覺，有人踩單車、有人乘涼，因為我曾經喺香港電台做過part time，咁我就掛咗個證，同人傾偈，嗰晚都冇乜嘢。」
暴風雨前感覺詭異
張堅庭續言：「6月3號嘅上晝，我哋又周圍行，都係一堆堆，有學生有軍人，喺廣場上、毛澤東紀念館、人民英雄紀念碑，當時有好多外國記者。」到晚上，氣氛明顯不尋常，張堅庭憶述仍有點緊張：「當時我就……覺得……喺露台見到，有一種『今夜星光燦爛』嘅感覺，有啲燈射住，嗰種感覺係好詭異，有一種節日氣氛。我都唔記得係咪7、8點，我就落去行，當時已set up咗，警察多咗，但仍然有啲大媽三三兩兩同軍人傾偈。我只記得行行吓，唔知邊度衝咗架小型裝甲車出嚟，沿長安街向天安門廣場飆過去，啲市民就用石頭掟佢。架車一行，我哋驚，唔知佢會唔會開槍。」
張堅庭憶述當時裝甲車施放催淚彈，他立即跑回房間：「北京飯店有條長廊，裝甲車放咗兩個催淚彈，嘩！嗰陣我哋即刻飆入去，沿住長廊返酒店。我跑得好快，砰砰嘭嘭返入房。快到我兩個朋友都睇唔到，返番房喇，瞓咗陣，跟住電話響，『喂，軍隊入城喇！』香港啲朋友打畀我哋。」他續言：「醒咗之後當然瞓唔到，就喺酒店行，又由騎樓望出去，去到深夜嘅時候，好多消息傳來傳去，有一間房好多香港記者喺度。我落去又唔係，喺度行嚟行去，聽到窗門砰砰嘭嘭，唔知係咪槍聲。我同學嚟問我『喂，阿庭，我有幾盒新聞帶，我交畀你，你聽日走嘅時候幫我帶返香港。』」
當時與張堅庭同行的朋友一口答應，收下放入房。回房未幾，張堅庭思前想後：「死喇，餅帶交咗畀我哋，如果有乜唔妥，我哋冇公司幫我哋，我哋當時係self employed，唔係嘉禾僱員，當時預備拍《表姐》，於是我問番我同學：『喂，唔掂，呢兩餅帶，我唔想攞，因為我要保護我啲老友，你自己有大公司喺後面，有得疏通；但如果畀我哋，變咗間諜，我哋唔方便。』跟住佢就攞番。」
槍聲響起記者狂叫
張堅庭憶述，當時很多年輕記者驚聞或目睹屠殺慘狀，情緒難以自控：「天光之時，我就走咗入去成班香港記者嘅房，當時訊息已經好多，有開槍，死咗好多人。香港啲記者可能比較green，冇乜戰地採訪經驗，我見到有啲記者歇斯底里，癲癲哋咁，我見到其中一個直頭喺張床度跳、嗌，我嚇咗一跳。有個香港記者喺露台出面，突然伏喺度唔郁，其他記者問『佢係咪中彈呀？』又一輪歇斯底里，個記者之後慢慢爬番入嚟。當時成班記者基本上都做唔到採訪，可能係因為真係開槍，佢哋可能有電話聯絡到，知道唔係講笑，今次真係死好多人。」張堅庭離房後，爬行到一位英國記者的房間，因為當時情況太亂，不斷傳出砰砰嘭嘭響聲，黑暗間沒法確認是否子彈，為安全計，大家都用爬行方式出入保命。
坦克聲誤以為掌聲
張堅庭估計對方是BBC記者，聊到天色漸亮，張堅庭忽然聽到一陣掌聲，以為有人在樓下鼓掌：「咦，拍手掌？唔通學生離開廣場？點講呀……唔係話勝利，而係傾掂數、安全撤離？」英國記者問他：「你聽到乜？」張堅庭答：「我聽到有人拍手掌。」英國記者反問：「係咩？」他想了想，拿起攝影機，用黑布蒙着，走出露台拍攝。張堅庭好奇想看，但又害怕。未幾，英記者放下攝影機，跟他說：「唔係，呢啲唔係掌聲，係坦克聲。」張堅庭恍然大悟，這是坦克在馬路上的聲音。
英國記者示意張堅庭離開，張堅庭就回房跟兩友人商量：「唔對路喎！」他稱當時已是早上6時許，三人到酒店大堂：「之後喺度食嘢、飲豆漿，發覺連糖都冇，就畀個藉口自己，此地不宜久留。」他決定馬上就走，兵分三路找車，結果找到一輛的士，先議好行車路線，張堅庭急中智生：「我拎住香港電台個證，我就當自己記者，如果去到邊度俾人截停咗（意即出示證件以脫身），總之方向就係去機場。」
司機激動想撞軍車
沿路張堅庭見到有燒焦的地方，司機一邊激動地憶述3日晚上所見的種種，激動時更想撞軍車，幸好最後順利到達機場。由於當時新聞封鎖，機場人員似乎不大了解事件：「好奇怪，機場好似完全唔知出面發生乜事，過海關時完全冇問題，又唔會睇你啲行李，佢哋好似啱啱瞓醒咁，好似唔係好大件事，我諗可能收音機冇播，你以為係一啲騷亂，因為學生運動都持續咗好耐。」
張堅庭本來以為一切順利，豈料返港航班「大機變細機」：「當時情況係好混亂，我哋三個大隻佬完全係冇同情心，人性最差嘅走晒出嚟，推開啲人，我就去換飛。」張堅庭謂，六四屠城很多細節，也是返港才知。返港後他一度掙扎是否將六四事件加入《表姐》劇本中，但經反覆思量後最後都刪掉，因為《表姐》屬喜劇，加入六四情節頗為不合。
接着近兩年，張堅庭回想「六四」情景及綜合所得之消息，都會有一種莫明的激動：「有時揸揸吓車，會突然喊十幾分鐘然後停，咁樣持續咗年幾兩年。」張堅庭在「六四30」留下歷史紀錄：「一個香港嘅後生仔，30年前，我都係三十幾歲，當時喺嗰個環境入面記錄咗嗰段時間。雖然記憶有啲模糊，但某啲場面，事件本身，係我一生人唔會忘記。」最後，張堅庭認真表示：「毋忘六四。基本上我覺得，唔係政治立場問題，而係人類應該有嘅道義，如果我哋生活喺一個公民社會，應該有嘅道義。」
撰文：翁可人
長青網 - 一站式長者及護老者生活資訊網站
回應 (0)
