居港泰人：唔知佢叫乜名

【蘋果日報】曾為已故泰王哭崩的居港泰人，對哇集拉隆功加冕的喜慶程度未如泰國熾熱，更有人指「唔知佢叫乜名」。
來港30多年的馮小姐說：「佢係皇帝（蒲眉蓬）個仔嘛！」但名字就不知道。她解釋由於自己已住慣香港，「嗰邊（泰國）係嗰邊嘅事，唔留意呢啲喇！」
亦有居港泰人指工作太忙，未有時間留意新聞。李小姐居港32年，問她可知泰王名字，她搖頭指「我唔清楚」，記者隨後向她展示新泰王相片，她恍然大悟「哦！認得！」又笑指「我梗係知（佢做過咩），但唔講得㗎嘛！」哇集拉隆功醜聞多多，私生活亦一團糟。
「以前可能有少少誤會咗，依家就完全接受！」居港泰人阿蓮說。「初初我都覺得佢……都係（花花公子）嘅，但每個人就算係皇帝又好，普通市民又好，都會有呢啲私人嘢。」她來港26年仍心繫故土，因新泰王於7月28日生日，會為泰王穿黃衣到7月底。扭轉她對新泰王的印象，因烏汶叻公主年初竟宣佈參加競選總理，「我哋嗰陣好擔心，心諗點得呀」。不過，當胞姊參選消息甫被報道，新泰王馬上行動出信譴責，令阿蓮感覺到他定海神針的能力。
■記者盧珮瑤
長青網 - 一站式長者及護老者生活資訊網站