吳啟明落唔到手炒司機

【蘋果日報】日前網上瘋傳一條掛有中港車牌的座駕於中環灣仔繞道逆線行駛的片段，原來涉事司機是吳啟明聘用，事發時他正是後座乘客。吳啟明昨日傍晚到上環的私房菜上班，他憶述當時情況：「梗係好驚，咁樣衝過去，第二日收到朋友傳段片畀我，我即刻搵司機叫佢自首。」他透露65歲司機現時如常上班：「本來作為老闆可能都會炒咗個司機，但我落唔到手，炒咗佢，佢生計都成問題，又要面臨刑事檢控，又冇錢請律師。」
吳啟明指警方暫時未有邀請他到警署助查，又指已為司機請了大律師，他說：「其實係唔小心不幸嘅事件，司機係一個好沉默嘅人，佢有15分，揸車人士就會明白，佢平日好安全。」並指事發後胞弟吳啟華好緊張，立刻慰問他。
採訪：卓寶花
攝影：陳俊強
長青網 - 一站式長者及護老者生活資訊網站