馬國明母：阿仔叫唔好答咁多

【蘋果日報】許志安與黃心穎各自背住另一半在車廂偷情，記者昨走訪馬國明居住的太古城時遇到其母親，當馬媽媽被問到黃心穎背住馬國明偷食時，她說：「我唔知喎，乜嘢新聞呀？」談到馬及黃的感情關係，以及最近一次幾時見面，馬媽媽說：「好耐喇，係喺過年嗰段時間，之後冇再見佢（黃心穎）。」
對黃心穎印象普通
問到馬國明是否在家中？馬媽媽說：「係呀，佢冇嘢喎，仲喺度睇緊波，晏啲仲話要開工。」會否擔心兒子？她說：「唔知喎，我又未證實到。」當記者指報道已出街，馬媽媽說：「許志安？即係Sammi個老公？我未睇喎，唔知真定假。」
問到兒子是否十分投入感情，馬媽媽說：「我真係唔係好理呢啲嘢，我見佢三、四次，都係話唔使開工，咪帶返嚟屋企食飯。」問到對心穎的印象？她說：「吓，好普通啫，即係唔會話鍾意佢，又或者好唔鍾意佢，個人都冇乜嘢。」其後記者將短片給馬媽媽看，看完後她說：「係咪拍戲嚟㗎？」其間馬國明曾致電媽咪，隱約聽到馬媽媽表示樓下有很多記者等他，收線後馬媽媽說：「阿仔話叫我唔好答你哋咁多嘢喎！」
■娛樂組記者
長青網 - 一站式長者及護老者生活資訊網站