袁詠儀擔心Sammi

【蘋果日報】「安心偷食」曝光後，震驚娛圈和觀眾粉絲，圈中藝人也議論紛紛。本報昨日在銅鑼灣作街頭訪問近五十人，幾乎一致認為黃心穎姣力十足，更戥鄭秀文（Sammi）和馬國明慘。
袁詠儀：
「自己老公成日都話，冇話冇咗邊個唔得，唔係(目及)住就得，要做好自己，任何事都要自強，我同Sammi熟啲，內心係有少少擔心Sammi。」
跟黃心穎合作《學是學非》的劉穎鏇：
「佢嘅私人生活唔知，因為我哋唔係咁close，一齊工作就有傾偈，但私下就冇約會。」
跟馬國明合作《降魔的2》的譚凱琪：
「馬明唔會主動談感情事，佢唔主動講我哋唔會去了解，呢幾日大家都要開工。」
吳浩康：
「車鏡頭本身為道路安全係好普遍，自己經歷咁多事，喺行為上會收斂啲，講嘢都唔敢粗魯。」
李思捷：
「外人冇資格去講，兩個我都識，唔想傷害佢哋，唔講係對佢哋嘅尊重，我知道咗個心都好唔舒服。男歡女愛，外人唔知道個故事，咁多年嘅成就因為呢件事而影響到，身為藝人會覺得好心噏，真相係點得佢哋先知，希望佢哋快啲搵到快樂，我唔敢睇條片。」
長青網 - 一站式長者及護老者生活資訊網站