投放二億升級網絡保安

【蘋果日報】國泰去年經歷了轟動全城的客戶資料外洩事件，國泰航空顧客及商務總裁盧家培表示，未來18個月將會投入額外二億元資金在升級版的網絡保安計劃，並指投入並非只因洩密事件，「之前發生嘅事件當然係一個教訓同轉捩點，但一般cyber attack（網絡攻擊）日日都有，係越嚟越intense（強烈）」。
6月推一鍵預辦登機
此外，他透露6月正式推行由內部研發的「一鍵預辦登機手續」服務，已登記的使用者和會員毋須填寫資料，由原先需多個步驟刪減至「每次online check-in真係㩒一下掣搞掂」。
盧又指應對颱風侵襲的「大規模航班異動」系統5月中就緒，會綜合天文台、各方和自家預測，告知公眾估算在哪段時間航空公司會暫停運作，並作出自動保護顧客等服務，「可能嚟緊10日或8日，你係可以轉返另一班同一條航線嘅機」。他說：「香港如果shut down（暫停運作）24個小時，係講緊國泰加港龍有200幾個departure（出發航班），如果係旺嘅日子講緊幾萬」。他透露，系統2017年第四季開始籌備，所用資金不太多，惟「我哋係第一間航空公司用到咁複雜，要好多團隊協作」。
記者：黃碧基
長青網 - 一站式長者及護老者生活資訊網站