盧惠光燈架擊中見紅應太歲

【蘋果日報】盧惠光近日在內地拍網劇，前日開工時被現場一個燈架擊中左邊近額角受傷，他昨日回覆《蘋果》表示：「開工拍廠景，一盞企燈突然跌咗落嚟，打中個頭，嗰時心諗唔好爆缸，開頭啲工作人員都話冇事，冇流血。點知過咗一陣啲血先流出嚟，傷口超過3吋。」
受傷後到當地醫院治理的盧惠光，之後再返廠補戲，他自言想不通為何出意外：「真係冇可能跌落嚟，可能我今年犯太歲，都已經攝咗。噚日係第二日開工，唔知係咪第一日開工冇拜神燒香，所以事後都即刻燒番香拜神，心安理得。總之大步檻過，我有乜錯唔好見怪。其實算好彩，打中眼就實盲，打深啲至少縫20針，算係應咗太歲。」
採訪：李森
長青網 - 一站式長者及護老者生活資訊網站