艾粒自詡絕種團隊

【蘋果日報】商台DJ兼組合艾粒的少爺占和當奴日前接受訪問，宣傳4月在紅館舉行的「艾粒 Boom 紅館激戰」，二人笑說：「大家要知道有時標題同入場睇嘅嘢可以唔同，個騷冇演唱會呢三個字，雖然我哋當演唱會宣傳去做。」當奴戲言少爺占的角色充當mic stand最合適，少爺占笑說：「我好樂意，只要個騷完咗，啲錢係平均分就OK，做多做少係冇問題，有時唔可以計較咁多。」
少爺占呼籲入場觀眾要準備現金：「現場好多紀念品賣，我哋會將啲錢撥入艾粒團隊，因為搞笑團隊已經買少見少，好似MIRROR明明有啲成員係搞笑，但都走認真同有型呢個路線，所以艾粒係絕無僅有，要保育，用現金維持我哋運作。」
採訪：鄉奈仁
攝影：陳慧安
場地提供：六公館 （海港城）
長青網 - 一站式長者及護老者生活資訊網站