新聞類別
財經
詳情#
【蘋果日報】【地產專題】80後從事金融業的陳太去年年中以約2,000萬元買入新世界（017）北角柏蔚山一個三房單位，其後樓價似有轉勢，但陳太深信只是樓市調整，不是冧市，認為「有需要咪買囉，價錢又啱自己預算，我覺得嗰陣時係最好時機」。
記者：陳家雄
陳太買入北角新盤柏蔚山，主要為兒子，「本身住天后單幢樓，大仔兩歲，細仔剛出世，但屋苑無設施。港島區大型新盤，又kids friendly，睇過就得柏蔚山」。其實同區有新地（016）北角海璇，但陳太表示：「海璇目標客戶感覺係單身貴族、內地客。比較價錢，其他人嚟講可能覺得值，但對我嚟講偏高。值唔值見仁見智，但海璇唔係我考慮嘅樓盤。當時九龍站擎天半島呎價2萬多元，樓齡當然有分別，但一間海璇買到兩間擎天半島。」
「投資賺錢冇得分享」
去年5月柏蔚山開價，首批折實呎價2.5萬至3.6萬元，她稱：「當時太古城呎價都2.2萬元至2.3萬元，柏蔚山全新，太古城咁多年樓齡，所以覺得好合理。」遂以約2,000萬元買入一個三房單位，實用808方呎，呎價約2.5萬元，首期支付一半，即約1,000萬元。
從事金融業的她坦言：「筆錢係我同丈夫儲番嚟，屋企都有幫手，亦有一路投資賺番嚟。呢啲冇得分享，有人炒樓會發達，有人炒樓會破產，冇得教。社會上有好多投資班，我成日諗，如果我係佢，仲要開班收人錢，靠呢份糧維生，咁係咪真係一個投資高手呢？你唔會見到畢菲特開班教人投資囉！」精打細算的她還考慮到單位日後安排，「單位可投資，又可以自住，幾年後小朋友去九龍區讀書，呢度要出租，呢個面積會比較容易」。
不過，樓市去年下半年開始轉勢，她認為：「經常睇新聞話劈價劈價，你見到係地區性，樓市係咪真係轉勢呢？未必。你睇中半山傳統豪宅區，好多有實力嘅業主供斷晒，係咪急售、劈價賣樓呢？一定要有一大班人、突然很多供應先可以拖低整個市場嘅價錢，有冇呢個情況出現？我唔係好覺。」
她又指出，公屋將會越來越多，但需求仍在，「等好耐又抽唔到嘅人會轉去買細啲嘅私樓。需求一直存在，我唔覺得樓市會轉向，或者好似有人講跌三至四成，甚至五成，我自己就唔係咁睇。跌10%是調整，我唔會形容為冧市。市場總有調整，唔好睇得太複雜，來來去去都係講緊升跌兩個字，都係一半機會，邊個有水晶球可以睇到個市點走呀！」
「四叔睇股市睇咁多年，有咁多資訊，佢都未必睇得準，更何況我作為一個小市民，只能自己分析去決定係咪一個啱時機，你冇可能永遠係best timing去買樓。」那麼去年買樓是否最好的時機？她回應稱：「你有需要咪買囉，咁價錢又啱自己預算，我覺得嗰陣時係最好時機。」
長青網 - 一站式長者及護老者生活資訊網站
記者：陳家雄
陳太買入北角新盤柏蔚山，主要為兒子，「本身住天后單幢樓，大仔兩歲，細仔剛出世，但屋苑無設施。港島區大型新盤，又kids friendly，睇過就得柏蔚山」。其實同區有新地（016）北角海璇，但陳太表示：「海璇目標客戶感覺係單身貴族、內地客。比較價錢，其他人嚟講可能覺得值，但對我嚟講偏高。值唔值見仁見智，但海璇唔係我考慮嘅樓盤。當時九龍站擎天半島呎價2萬多元，樓齡當然有分別，但一間海璇買到兩間擎天半島。」
「投資賺錢冇得分享」
去年5月柏蔚山開價，首批折實呎價2.5萬至3.6萬元，她稱：「當時太古城呎價都2.2萬元至2.3萬元，柏蔚山全新，太古城咁多年樓齡，所以覺得好合理。」遂以約2,000萬元買入一個三房單位，實用808方呎，呎價約2.5萬元，首期支付一半，即約1,000萬元。
從事金融業的她坦言：「筆錢係我同丈夫儲番嚟，屋企都有幫手，亦有一路投資賺番嚟。呢啲冇得分享，有人炒樓會發達，有人炒樓會破產，冇得教。社會上有好多投資班，我成日諗，如果我係佢，仲要開班收人錢，靠呢份糧維生，咁係咪真係一個投資高手呢？你唔會見到畢菲特開班教人投資囉！」精打細算的她還考慮到單位日後安排，「單位可投資，又可以自住，幾年後小朋友去九龍區讀書，呢度要出租，呢個面積會比較容易」。
不過，樓市去年下半年開始轉勢，她認為：「經常睇新聞話劈價劈價，你見到係地區性，樓市係咪真係轉勢呢？未必。你睇中半山傳統豪宅區，好多有實力嘅業主供斷晒，係咪急售、劈價賣樓呢？一定要有一大班人、突然很多供應先可以拖低整個市場嘅價錢，有冇呢個情況出現？我唔係好覺。」
她又指出，公屋將會越來越多，但需求仍在，「等好耐又抽唔到嘅人會轉去買細啲嘅私樓。需求一直存在，我唔覺得樓市會轉向，或者好似有人講跌三至四成，甚至五成，我自己就唔係咁睇。跌10%是調整，我唔會形容為冧市。市場總有調整，唔好睇得太複雜，來來去去都係講緊升跌兩個字，都係一半機會，邊個有水晶球可以睇到個市點走呀！」
「四叔睇股市睇咁多年，有咁多資訊，佢都未必睇得準，更何況我作為一個小市民，只能自己分析去決定係咪一個啱時機，你冇可能永遠係best timing去買樓。」那麼去年買樓是否最好的時機？她回應稱：「你有需要咪買囉，咁價錢又啱自己預算，我覺得嗰陣時係最好時機。」
長青網 - 一站式長者及護老者生活資訊網站
回應 (0)
