荔園中菜館 賣懷舊回憶 邱達根嘆本地品牌難做

【蘋果日報】【周末專題】「荔園小天地，最多快樂陪住我哋。」荔園這個上一代港人的「集體回憶」逐漸褪色，荔園主席邱達根從父親邱德根手上接過荔園這個招牌，曾將這個主題樂園「無限復活」，一度在添馬艦設嘉年華樂園，又開茶餐廳，惟結業收場，今天重新出發，在荔枝角開中菜館，大賣懷舊回憶。
記者：陳新政
邱達根（Duncan）認為土地問題，限制了香港的創意及發揮，並感慨香港品牌難做，「以前香港嘅好嘢係會出口，但現在香港只鍾意外國嘢，一支外國瓶裝水喺香港賣好貴都得，但港產就無人支持。」
荔園於1997年3月結業，當時捱不過香港7月回歸，荔園的大笨象「天奴」，是樂園的生招牌。遊樂園對上一代港人有回憶有感情，但新一代年輕人連這個遊樂園都未去過，Duncan認為樂園並非老土：「用2019年嘅眼光去睇，荔園一定老土，但從六、七十年代睇，當時全世界最新嘅喺荔園都有。」2015年暑假，Duncan斥六千萬元，在中環海濱開設荔園嘉年華，將鬼屋及大笨象天奴覓地重生，他認為當時尚算有成績。
引入「民園麵家」
經過中環的嘉年華後，Duncan再將這個招牌改造，2017年於尖沙嘴開設茶餐廳，當時月租高達35萬元，在人流不俗的加連威老道開店，卻在不足兩年內結業，明顯失敗收場，他直言當時上了一課：「當時餐廳裝修、食品同荔園冇關係，係純茶記，但原來客人嚟到，係想睇返荔園以前嘅嘢。」
他於是意識到，客人其實是想尋找對荔園的回憶：「唔係貼荔園個名就得。」於是今次再度出擊，在荔枝角工廈開設過千呎的「流金歲月」，將中菜及「民園麵家」二合為一。餐廳所在位置，便是羅氏國際家族旗下的D2 Place，羅氏跟邱氏份屬老友，開店一拍即合。
荔園咖啡杯重現
為免重犯上次茶餐廳的錯誤，今次新餐廳在裝潢上用了很多荔園舊時的擺設，例如龍船、恐龍、咖啡杯等等，讓客人呃Like打卡，同時購入民園麵家品牌，請創辦人李建強夫婦出山，提高食品質素。
Duncan表示不會再強求重建荔園，要以另一種方式發展這個品牌。第一步是透過荔園去吸引客人，然後再加入新的內容：「摸索咗好耐，其實品牌可以更靈活地使用，以前講荔園係一套電影，現在就變咗電影製作商。」他認為切合需要，便會用荔園的招牌，若不適合，不會強行加名字上去。
以往主題樂園主要推銷本土情懷，惟Duncan認為目前的市場環境，本土只適合部份人士：「咁樣會限制咗自己發揮。」他續指出，以往香港是擔當帶動潮流的角色，但現在只會崇洋：「香港當日係將文化出口，希望人哋接受香港嘅創意及文化，但現在港產卻十分難做，一支外國瓶裝水喺香港賣好貴都得，但其實只係普通嘢，香港製造嘅品牌反而不受歡迎。」
同時，土地問題亦限制發揮，Duncan表示，「喺香港搵個大啲嘅空間非常困難，西九又冇咗，中環有較多固定活動，作為盛事之都，如果多啲選擇會係好事。」目前公司已北望神州，今年會在成都開設室內遊樂場所，他認為一間香港歷史悠久的公司，本身已是優勢，對傾生意絕對有幫助。
長青網 - 一站式長者及護老者生活資訊網站