新聞類別
港聞
詳情#
【蘋果日報】誤墮現金券騙局的受害人主要是師奶和退休人士，多年來死慳死抵儲到一筆錢留作養老或給子女應用，怎料因一時貪念一鋪清袋，更欠了一屁股債。有受害人想過尋死，終日以淚洗面，其中年近60歲的李女士要兼職還債：「啲錢唔係我㗎，全部借番嚟，依家我要孭住50幾萬債，為咗呢件事，我曾經睇唔開（自殺）。」
曾游說親友投資
李女士原本是家庭主婦，雖不算中產家庭，但有些微積蓄，生活無憂。去年3月，一名相識十多年的好友約她飲茶，直言有搵錢大計，向她介紹其兒子並游說：「我哋依家冇打工喇，淨係做簽卡，簽10萬蚊，就有1.2萬蚊利息，50日後連本帶利畀番我哋，好準時㗎，你有冇信用卡呀？」李女士半信半疑，對方教路以信用卡買現金券，既不用拿出本錢，且一個月後才找卡數，由於回報相當準時，一定不會蝕本，還可以賺取信用卡積分，「佢話背後老闆擁有澳門賭場貴賓廳，我哋簽咗大批禮券，係用嚟獎勵賭客」。
因回報高，李女士抵不住引誘投資：「佢即時畀咗6,000蚊現金作為利息，並寫上單據，指本金6萬蚊40日後會退返。」結果對方提早六天退回本金，令李女士信心大增不斷加碼，又游說親朋戚友一齊投資，令本金越滾越大，惟最後投資56萬元後，對方就以不同藉口拖延不還款。現時她要做兼職還債，「呢個根本係一個騙局，都怪自己貪心！」
另一名受害人小紅任職推銷員，每天收入僅數百元，其後有朋友稱：「你做得咁辛苦，企到腳跛，又搵唔到錢，我有位朋友認識兩位老闆，你只要每月畀10萬蚊，50日後就退返11萬蚊。」小紅見利潤不錯就拿出私己錢投資，「啲錢諗住畀個仔買樓做首期，同埋自己老咗退休慢慢搣！」起初她僅投資4萬元小試牛刀，其後對方連本帶利付予4.4萬元，於是她開始加碼，「佢隔幾日就話有VIP優惠，放10萬蚊有1.5萬利潤」。結果騙徒取走50萬元後去如黃鶴，「啲錢係我捱生捱死辛辛苦苦儲返嚟，但依家被人呃咗，老公知道後日日鬧我」。她曾多次透過朋友尋找騙徒，但一直無回音，只好報警求助。
■記者郭美華
長青網 - 一站式長者及護老者生活資訊網站
曾游說親友投資
李女士原本是家庭主婦，雖不算中產家庭，但有些微積蓄，生活無憂。去年3月，一名相識十多年的好友約她飲茶，直言有搵錢大計，向她介紹其兒子並游說：「我哋依家冇打工喇，淨係做簽卡，簽10萬蚊，就有1.2萬蚊利息，50日後連本帶利畀番我哋，好準時㗎，你有冇信用卡呀？」李女士半信半疑，對方教路以信用卡買現金券，既不用拿出本錢，且一個月後才找卡數，由於回報相當準時，一定不會蝕本，還可以賺取信用卡積分，「佢話背後老闆擁有澳門賭場貴賓廳，我哋簽咗大批禮券，係用嚟獎勵賭客」。
因回報高，李女士抵不住引誘投資：「佢即時畀咗6,000蚊現金作為利息，並寫上單據，指本金6萬蚊40日後會退返。」結果對方提早六天退回本金，令李女士信心大增不斷加碼，又游說親朋戚友一齊投資，令本金越滾越大，惟最後投資56萬元後，對方就以不同藉口拖延不還款。現時她要做兼職還債，「呢個根本係一個騙局，都怪自己貪心！」
另一名受害人小紅任職推銷員，每天收入僅數百元，其後有朋友稱：「你做得咁辛苦，企到腳跛，又搵唔到錢，我有位朋友認識兩位老闆，你只要每月畀10萬蚊，50日後就退返11萬蚊。」小紅見利潤不錯就拿出私己錢投資，「啲錢諗住畀個仔買樓做首期，同埋自己老咗退休慢慢搣！」起初她僅投資4萬元小試牛刀，其後對方連本帶利付予4.4萬元，於是她開始加碼，「佢隔幾日就話有VIP優惠，放10萬蚊有1.5萬利潤」。結果騙徒取走50萬元後去如黃鶴，「啲錢係我捱生捱死辛辛苦苦儲返嚟，但依家被人呃咗，老公知道後日日鬧我」。她曾多次透過朋友尋找騙徒，但一直無回音，只好報警求助。
■記者郭美華
長青網 - 一站式長者及護老者生活資訊網站
回應 (0)
