新聞類別
港聞
詳情#
【蘋果日報】執子之手，與子偕老，94歲的關伯與87歲的鳳婆婆廝守67年，近月關伯出現腦退化，雙腳無力需長期卧床，出入亦要坐輪椅。負責照顧丈夫的鳳婆婆亦自身難保，她因股骨退化，「行三步要唞兩步」，眼見老伴健康惡化，鳳婆婆想過生與死的問題，「如果佢走先，我咪好靜，得一個人，好淒涼，每次諗到都流眼淚，喊一場」。
過去幾個月，關伯行動不便長期卧床，上廁所亦要妻子攙扶，令鳳婆婆百上加斤，爭拗增加，「凌晨3點叫我斟茶畀佢飲，冇話唔該你」、「有時半夜叫醒我起身去廁所，我話你掛咗尿袋，就咁屙就得啦！」聽到妻子投訴，一直卧床的關伯不敢作聲，半閉着眼，卻鬼馬地伸出滿佈皺紋、蒼白的手觸碰妻子的手，然後十指緊扣，化解了一場危機。
「愛到最後嗰時啦」
前半生丈夫是一家之主，晚年到鳳婆婆披甲上陣，以87歲高齡當上丈夫的看護，2016年關伯因前列腺肥大需用尿袋協助排尿，近日上廁所或洗澡都要鳳婆婆攙扶，現時鳳婆婆隔日替丈夫洗澡，「每次要成個鐘，好攰㗎！」除了替丈夫清理尿袋、鳳婆婆每日亦要到街市買菜煮飯。
雖然他們的60餘歲獨女替爸爸輪候護老院，但是鳳婆婆堅持照顧丈夫是她的天職，更對丈夫入護老院有保留：「啲人話去安老院仲快死，一個人照顧十幾個人，我喺屋企自己有個伴。」
眼見丈夫健康日差，鳳婆婆心裏有數：「如果我走先，佢就好慘，冇人服侍佢；如果佢走先，我咪好靜，得一個人，好淒涼，每次諗到都流眼淚，喊一場。」
縱然丈夫的記憶不斷流失，鳳婆婆還經常發問考考丈夫，「我係邊個，我叫乜名？」每次聽到丈夫快而準地說出自己名字都樂上半天，她更說二人獨處時會問「關先生，你愛唔愛我呀？」當聽到老伴說：「愛到百年歸老。」她便忘卻一切不快：「唔愛佢點會對佢咁好吖，60幾年……愛到最後嗰時啦。」
■記者金敏琍、徐雲庭、謝頌昕
長青網 - 一站式長者及護老者生活資訊網站
過去幾個月，關伯行動不便長期卧床，上廁所亦要妻子攙扶，令鳳婆婆百上加斤，爭拗增加，「凌晨3點叫我斟茶畀佢飲，冇話唔該你」、「有時半夜叫醒我起身去廁所，我話你掛咗尿袋，就咁屙就得啦！」聽到妻子投訴，一直卧床的關伯不敢作聲，半閉着眼，卻鬼馬地伸出滿佈皺紋、蒼白的手觸碰妻子的手，然後十指緊扣，化解了一場危機。
「愛到最後嗰時啦」
前半生丈夫是一家之主，晚年到鳳婆婆披甲上陣，以87歲高齡當上丈夫的看護，2016年關伯因前列腺肥大需用尿袋協助排尿，近日上廁所或洗澡都要鳳婆婆攙扶，現時鳳婆婆隔日替丈夫洗澡，「每次要成個鐘，好攰㗎！」除了替丈夫清理尿袋、鳳婆婆每日亦要到街市買菜煮飯。
雖然他們的60餘歲獨女替爸爸輪候護老院，但是鳳婆婆堅持照顧丈夫是她的天職，更對丈夫入護老院有保留：「啲人話去安老院仲快死，一個人照顧十幾個人，我喺屋企自己有個伴。」
眼見丈夫健康日差，鳳婆婆心裏有數：「如果我走先，佢就好慘，冇人服侍佢；如果佢走先，我咪好靜，得一個人，好淒涼，每次諗到都流眼淚，喊一場。」
縱然丈夫的記憶不斷流失，鳳婆婆還經常發問考考丈夫，「我係邊個，我叫乜名？」每次聽到丈夫快而準地說出自己名字都樂上半天，她更說二人獨處時會問「關先生，你愛唔愛我呀？」當聽到老伴說：「愛到百年歸老。」她便忘卻一切不快：「唔愛佢點會對佢咁好吖，60幾年……愛到最後嗰時啦。」
■記者金敏琍、徐雲庭、謝頌昕
長青網 - 一站式長者及護老者生活資訊網站
回應 (0)
