新聞類別
財經
詳情#
【蘋果日報】中美貿易休戰之後嘅第三輪談判，上周五喺北京結束，第四輪本周喺華盛頓展開。不過，今輪未到戲肉，大佬都未出場！傾咗幾輪，貿易問題大致拆掂，中國加碼買貨箒，但經濟結構問題就拆唔掂，據講起草中嘅MOU無解決方案，要等大佬定奪。
上周五晚，中美大佬習近平、特朗普，各自唱好貿談取得進展，美股應聲反彈。周一，中港股市承接升勢，滬股飆2.7%，港股飆1.6%。滬指率先旗形突破，升破上周三高位，恒指有望跟隨。不過，恒指由年初24896衝上28533，爆升3,637點或14.6%，或需先行消化升幅。
美銀美林2月基金經理調查出爐，結果出人意表。基金增持現金係2009年1月以嚟最多，超過四成；另外，「造好新興市場」首度成為最擁擠交易，但一個月前，「造淡新興市場」係最擁擠交易第三位，一個月內倉位反轉。基金增持現金，似係正向指標。現時基金現金持倉佔投資組合比例為4.8%，據美銀美林指標，只要高過4.5%，反而顯示倉位保守，往往係股市唔會大跌嘅訊號。此外，基金揀股，傾向防守性強股份，例如高息嘅房託（REITs）、必需消費品等。
基金偏好房託，其實關環球央行事。環球央行轉向寬鬆，藉以刺激經濟復蘇。以中國嚟睇，代表貨幣創造嘅領先指標M1，增速持續放緩，預示經濟繼續下滑。市場唔信央行能夠創造需求，於是押注定息資產。
睇美股表現，可見一斑。今年以嚟，最強板塊正係REITs，升幅超過一成，跑贏標指嘅9.5%。至於港股，情況類似。狗年藍籌升幅之冠，就係領展（823），累升四成，恒指同期跌一成。周一，領展又破頂。經濟放緩，REITs呢類有穩定派息嘅投資工具，值得留意。
割柑人
本欄逢周二刊出
長青網 - 一站式長者及護老者生活資訊網站
上周五晚，中美大佬習近平、特朗普，各自唱好貿談取得進展，美股應聲反彈。周一，中港股市承接升勢，滬股飆2.7%，港股飆1.6%。滬指率先旗形突破，升破上周三高位，恒指有望跟隨。不過，恒指由年初24896衝上28533，爆升3,637點或14.6%，或需先行消化升幅。
美銀美林2月基金經理調查出爐，結果出人意表。基金增持現金係2009年1月以嚟最多，超過四成；另外，「造好新興市場」首度成為最擁擠交易，但一個月前，「造淡新興市場」係最擁擠交易第三位，一個月內倉位反轉。基金增持現金，似係正向指標。現時基金現金持倉佔投資組合比例為4.8%，據美銀美林指標，只要高過4.5%，反而顯示倉位保守，往往係股市唔會大跌嘅訊號。此外，基金揀股，傾向防守性強股份，例如高息嘅房託（REITs）、必需消費品等。
基金偏好房託，其實關環球央行事。環球央行轉向寬鬆，藉以刺激經濟復蘇。以中國嚟睇，代表貨幣創造嘅領先指標M1，增速持續放緩，預示經濟繼續下滑。市場唔信央行能夠創造需求，於是押注定息資產。
睇美股表現，可見一斑。今年以嚟，最強板塊正係REITs，升幅超過一成，跑贏標指嘅9.5%。至於港股，情況類似。狗年藍籌升幅之冠，就係領展（823），累升四成，恒指同期跌一成。周一，領展又破頂。經濟放緩，REITs呢類有穩定派息嘅投資工具，值得留意。
割柑人
本欄逢周二刊出
長青網 - 一站式長者及護老者生活資訊網站
回應 (0)
