Can Bank：太遲公佈惹的禍

【蘋果日報】今年渣馬半馬賽事挑戰組新增兩個截跑點，主辦單位公佈新安排後，引起部份跑手不滿。主辦單位解釋，新安排係為咗配合金級賽道嘅要求，避免全馬精英運動員受到半馬速度相關較慢的選手影響。
渣馬早於2016年已成IAAF金級賽道，所謂金級賽道，當然要符合IAAF嘅安全準則，今次新增截跑點，對一般跑手影響頗大，選手要兩個鐘內跑到首20公里先有機會避開截跑。
有唔少網上評論指，若選手兩個半鐘都跑唔到半馬，就唔應該報挑戰組，表面上好似幾有道理，問題在於掃尾巴士上，挑戰組最早起步，時間係5點45分，但掃尾巴士只會在半馬二組才出現，換言之，三個鐘都跑唔晒半馬會被趕上掃尾巴士嘅人，只會出現在8點半起跑的半馬二組，而挑戰組及一組，由於起跑時間早，反而有更多時間完成賽事。
主辦單位今次搞出個公關災難，問題在於太遲公佈，唔少選手在無心理準備之下，就要成為真正嘅挑戰組選手，好彩呢個只係馬拉松比賽，如果係上市公司遲發盈警，成班公司董事都要俾證監捉晒去上堂。
散子
http://fb.com/ 散子-257101397966975
長青網 - 一站式長者及護老者生活資訊網站