挑戰老父　整雞仔餅被彈

【蘋果日報】謝興之當年從澳洲學成歸來，第一次做餅給爸爸吃，就是「越級挑戰」製作爸爸最擅長的雞仔餅。結果爸爸卻「有彈無讚，彈到依家都仲彈緊，話味道同軟度都唔及得佢做嘅」。不過，謝興之笑言老父像老師傅一樣愛面子，他自覺當時的雞仔餅比爸爸所做的更勝一籌。
學識做人要有信念
在謝興之眼中，爸爸謝禎原對做餅要求很嚴格，甚至有點藝術家性格。他舉例說：「爸爸教整老婆餅，話味道要清，唔可以太甜，大人細路都可以食，就算凍咗食都食到，仲要外形個個一樣。」雖然謝興之也曾經質疑不用這麼高要求，控制成本似乎更重要，但從老父身上，他學懂了做人要有信念的道理。
多年來謝興之記得自己製作的餅食，似乎沒有多少次獲得爸爸稱讚，「係其中一次我整黃綾嫁女餅，爸爸就話個皮做得幾滑」。他深知爸爸性格，很少當面稱讚他做餅做得好，「通常佢認為滿意，會叫我記住點做」。至於謝興之最拿手做的餅，他說是合桃酥，「因為唔難做，小學生都識做，幾種粉搓埋就得。」
長青網 - 一站式長者及護老者生活資訊網站