揀「有故事的人」拍廣告求共鳴

【蘋果日報】花旗香港網頁講得上星光熠熠，當眼處就見到方力申、朱千雪、Eric Kwok手持信用卡、稅單、銀行應用程式賣廣告。花旗集團香港及澳門區行長伍燕儀說，「從來冇話KOL或明星係我們賣廣告嘅路向」，會按需要決定，廣告策略上，素人或明星可同時兼備。
科技改良信用卡儲分制
叫座力、知名度固然重要，相比起「素人」，明星吸睛力更高，但要感動人心，代言人就必須是個「有故事的人」，伍燕儀謂，「我哋唔係去揀明星、去揀代言人嗰期有幾紅，或者有冇碟出，有冇戲上，而係揀有共鳴嘅故事」。
「楊千嬅第一次做citigold代言人，我哋請埋佢媽咪講傳承、上一代對下一代嘅期望、財富管理……」伍燕儀續指，她們分享時真情流露，客戶亦相當受落。倘「素人」的故事都能引起共鳴，伍燕儀認為未嘗不可。
花旗香港確實有段時間並無起用代言人，至2016年出現男神張智霖、股評人胡孟青的身影。她說，若產品有需要，起用明星會相得益彰，但強調這並非銀行賣廣告的路向，「我哋亦有好多產品冇用代言人」。
有好的廣告，都需要有好的產品配合。當一個制度、一個產品推出多時，總會有bug。
伍燕儀說，只要熟悉人的需要，就會見到產品或服務中的盲點，舉例信用卡儲分制沿用已久，兌換獎分手續繁複，該行便運用科技作出改良，「消費時，系統會問消費者是否想即時兌換獎分。如果想，按一個按鈕就可以」。她笑言，科技本應簡單，最重要是方便人。
長青網 - 一站式長者及護老者生活資訊網站