食客恐要「捱貴嘢食」

【蘋果日報】沙角邨的大牌檔可算是包羅萬有，由茶餐廳、火鍋店、小炒到茶樓式一盅兩件都有。冬菇亭要關閉翻新，街坊都說不捨，「冬菇亭係香港特色嚟，拆咗就無，保留到梗係最好」。有居民則擔心日後要「捱貴嘢食」，有建築師認為舊式冬菇亭代表着昔日屋邨基層生活模式，甚具香港特色，故即使改建後冬菇亭獲保留，已失去原來風味。
建築師：反映昔日屋邨生活
71歲的鍾先生每月會幫襯新廣發數次，因街坊價火鍋吸引，「料就無得同出面酒樓比，但有蠔、蝦、沙白、魚，喺呢度附近無可能搵到咁平」。更重要是食客和東主的鄰里情，「同夥計有傾有講，老闆娘都好熟」，訪問期間老闆娘走來「八卦」他說甚麼，鍾先生笑言：「講咗幾句，鬧吓你咁囉」，這是大牌檔的街坊情，老闆和客人是鄰居亦是朋友。他說冬菇亭屬於基層的，「始終有啲唔捨得，好代表香港」，但社會要變，即使加租加價亦無可避免。
沙角居民協會副主席蔡寶玲亦是大牌檔食客之一，她稱食物屬街坊價，但擔心日後加租，食物亦會加價，「好唔捨得，好多街坊食慣大牌檔，朝早飲茶又好抵食，16蚊有4件蘿蔔糕」。她認為冬菇亭應獲保留，「先進啲都好，但唔希望改頭換面」。
香港建築師學會副會長余烽立指，冬菇亭以往多由房屋署管理，食物價錢低廉，反映了昔日屋邨生活模式，其設計屬中央廚房，店舖四面均可做生意，商戶可因此將店舖範圍延伸至店外，「係好有香港特色同風味，但始終社會轉變，呢種模式未必能配合依家市民嘅生活水平」，若在冬菇亭加裝冷氣及牆身等，雖然冬菇亭可獲保留，但「已經唔係當時嘅風味。」
近年多個公屋的冬菇亭陸續改建，屹立何文田愛民邨42年的本港首個冬菇亭，領展也於去年要求商戶清拆伸延的帆布簷篷重新發展。大圍顯徑邨冬菇亭商戶去年亦被領展要求進行美化工程；沙田禾輋邨冬菇亭去年底亦被領展進行改建，兩間食肆被迫結業。
■記者鍾雅宜長青網 - 一站式長者及護老者生活資訊網站