直認好勝　強調與家人融洽

【蘋果日報】「我的好勝唔係來自我屋企人！」何猷君直認自己好勝，但訪問中多次強調家人間相處融洽，「外界可能對我哋兄弟姊妹有誤解，可能覺得我哋鬥得好誇張；但（其實）對我哋嚟講好輕鬆。」

上台攞獎　成就感很大
他自言這種性格來自他小時候，「應該係我細個攞數學獎嗰時，贏咗你同班同學，贏咗同年紀，成個香港唔同學生嗰個成就感，係好大嘅。」當時何猷君11歲，數學獎的頒獎嘉賓是賭王何鴻燊。十多年過去，他提起往事仍歷歷在目，坦言由爸爸手中接過獎項，成功感加倍，「有咗嗰種上台攞獎嘅感覺之後，我發覺唔得啦，上咗癮。」
他自言小至打機踢波，大至上市，都在追求贏別人的榮譽感，「人生每一個階段，每一個行業，做每一件事，我都要重複搵到呢種感覺。」
雖然好勝，但面對家人，何猷君卻甘願做爸爸和哥哥背後的男人。早前兄長何猷亨接受專訪時指，爸爸是一副啤牌中的King，「（而）我會想做隻9仔，（為甚麼？）莊家9點。」何猷君大讚哥哥這一句是金句，因為在百家樂中，莊家9點，一開牌就自動成為贏家。
配合哥哥　甘願做10點
為了跟哥哥的9點配合，他費煞思量近一小時，「我冇理由話自己係Ace咁乞人憎，哈哈。」若是選A，他和哥哥相加就會等於零點，幾乎一定輸。由Ace選至Jack，他最後決定配合哥哥選10點，「世事唔係所有嘢都係做莊，如果我哋受到挑戰要做player時，你需要第2隻牌。阿哥你做9點（的話），我覺得兄弟同心其利斷金，我配合你，我做10點，咁我哋加埋亦係通殺。」
牌桌上選牌為家人讓步，他學業則選擇走自己想走的路。賭王熱愛英式教育，「佢一直同我哋講，希望佢啲細路仔入到劍橋或牛津。」事與願違，何猷君是賭王十七個子女中第一個考入劍橋，同時都是第一個放棄不讀這間英國名牌大學。他最終選擇到人生路不熟的美國讀麻省理工學院，全因留在劍橋會沒有挑戰，「學唔到新嘢，見識會同我（喺）中學差唔多。」
事業同樣選擇向外闖，離開賭業，選擇創業的他，會不會有回家的一天？「我現時投身咗另一個行業，一定要喺呢個行業做啲成績，先會考慮其他。如果第日有機會係哥哥需要我幫忙，咁我一定會返去的。」長青網 - 一站式長者及護老者生活資訊網站