特稿：麥玲玲︰偏財運旺 港股今年宜短炒

【蘋果日報】豬年港股明天開局，講到今年股市，不少人擔心今年己亥年，股市會否比狗年戊戌年更差，堪輿學家麥玲玲（圖）表示，「今年情況唔係咁悲觀，因為上年戊戌年火土太重，股票唔會好，而且戊戌年立春八字真係冇財星。不過到己亥年，水旺，香港行金水運都唔差，第二立春八字有財星，而且係偏財星。」
看好物流旅遊基建股
她表示，己亥年立春八字火旺，估計今年股市炒賣活躍，「第一唔係行單邊，上年點玩都係輸，今年係有贏有輸，上落幅度大，係一個好炒嘅年份，如果你眼明手快係賺到錢。」她提醒，今年短炒較炒長線易有勝算。
她預期，港股今年整體波動較大，但走勢不過不失，其中農曆9月至10月是全年經濟走勢最穩健的月份，市場投資氣氛樂觀，外圍有利好消息帶動，整體交投比早前活躍。不過，全年要特別小心正月、農曆4月、農曆7月；其中農曆4月，火土重，市場受悲觀情緒籠罩；至於農曆7月強烈受沖，風險亦會較高。
板塊方面，立春八字金、水重，有利銀行業增長，但更嚴格的監管，對銀行帶來一定制肘；另外，物流、旅遊、基建股亦有不俗表現。至於屬木的行業偏弱，較易受衝擊，如傳統紙媒、環保股。
科技股方面，科技屬火，會面臨衝擊，市場汰弱留強，部份或會被市場淘汰。另外，流年八白財星飛臨中宮，象徵受到囚禁，「即係成個財星俾人拉咗，今年成個市場炒賣係活躍，但拎唔拎到啲錢走呢？要去到2020年，財星出囚，咁就鬆動啲。」
麥玲玲建議，豬年偏財運旺，賺快錢機會多，但市場大上大落，投資者要有糊就食，見好即收，尤其上半年更要謹慎行事。
人民幣方面，她認為不宜睇得太淡，因為豬年四綠文昌星飛正北，「分分鐘一個屈尾十佢又反彈。」她預料，今年中國、日本經濟不俗，反而歐美仍多爭端，或會重新洗牌。金價方面，料上半年走勢平穩，但至農曆6、7月，會迎來一段升勢。
提到貿易戰，她表示，歷史不斷循環，對上兩個己亥年，即1899年，美國提出門戶開放政策，「夾硬拎嘢入來畀你賣，大家瓜分利益，同樣今年各國喺貿易戰上，會達成一啲協議，打開一啲窗口。」觀乎特朗普八字，她今年離開本命年，「今年行返水運，個人通咗，理論上決斷會英明咗。」她預期，今年各國就貿易議題上，問題雖未能即時解決，但關係未必會如去年般緊張，情況有好轉。
沈大師料金價反覆向上
另外，訊匯證券行政總裁沈振盈（沈大師）指，豬年二黑位對美國不利，估計美元第一季或反彈，然後向下走，展開大跌浪。由於美元跌，黃金及外幣都變好，「今年除了要留意黃金，亦要留意外幣，最旺地方係西北，即係英國、歐洲，尤其英鎊係重點，值得留意，日圓都會不錯。」
至於金價，沈大師看好今年可升至每盎斯1,400美元，因為假如貨幣政策有變，金價便有上升空間，而假如全球經濟下行，黃金又有避險作用，估計未來一兩年會反覆向上。
記者：倪敏慧　鍾耀恆
長青網 - 一站式長者及護老者生活資訊網站