新聞類別
港聞
詳情#
【蘋果日報】【學會珍惜】
【蘋果日報】年廿八「洗邋遢」，不少家庭都趕在歲晚大掃除，不少舊物被送往堆填區。但舊物是否毫無價值？昨日超過20檔換物地攤齊集尖沙嘴麼地道花園，與公眾一起交換衣物、玩具、CD，場面墟冚。他們不收分文，旨在收集、交換和分享，只因相信舊物背後總會有一個故事。
記者：陳芷昕
二手衫推廣組織「衫言」第二年舉辦的換物地攤《換嘢一嚿舊》，麼地道花園入口中間處，三個擺滿玩具的地攤成功吸引一家大細的目光，昔日童玩和模型重出江湖，小孩玩得過癮之餘，大人也重拾童真。幾百件玩具全來自社企「再生玩具店」，從2017年教小朋友製作玩具起，負責人黎俊業發現香港人原來經常丟棄玩具，於是開始收集和在社區推廣二手玩具。
第二年獲邀參與活動的黎俊業，希望港人在大掃除之時，重新反思去舊迎新的定義，「好多時個氣氛令香港人覺得新年要買新嘢，利是封要買新、衫要買新、玩具都要買新，尤其係送禮。但新年係咪唔可以送二手？其實呢啲二手玩具，你拎番去抹乾淨送畀人，對嗰個人嚟講一樣係新㗎」。推廣二手玩具，不只為了減少浪費，也讓人學會珍惜擁有物。昨日，他們改變了平日一換一的換玩具形式，「我哋有準備毛巾同清潔工具，小朋友可以幫手清潔玩具，之後就可以拎走。我哋相信小朋友都可以自己付出少少，因為要學識珍惜，就要先付出」。
「有個女仔擺低公仔就喊」
擺地攤的還有facebook專頁「港女友」創辦人周浩兒，愛在網上寫作的她，不僅是為掃舊，也是為了以物換物，換的是別人故事，「希望將來可以出一本書，係用咖啡去換故事，我請你飲一杯咖啡，你講一個故事」，她今次姑且先以舊物代替咖啡。第一次擺地攤的周浩兒從家中拿來不要的書籍和衣物，望有心人能與她交換新故事的靈感，參加者的分享也確實讓她感到意外。「有個女仔擺低咗隻公仔，隻公仔係佢想送畀初戀情人，但最後送唔成。佢擺低嗰下，我哋叫佢同佢講byebye，佢就喊咗，之後拎走咗我支鋼筆。」
「舊衫嘅故事令價值昇華」
同一活動上，策劃單位之一的「衫言」以「衫言故事檔：拎得起放得低」為主題，邀請參加者拿起聽筒，聽聽每一件舊衫背後的故事。「未必係好驚天動地、可歌可泣嘅故事，可能係父母傳畀子女嘅衫，就有一代傳一代嘅意義」，收集衣物小品的背後，是深信二手衣物因故事而精采如昔。
本身有賣二手衣物的Kathy說：「好多人一知道係二手衫，心入面就會有好多疑問同挑剔，驚件衫唔知點嚟，會唔會污糟咗，但其實衫嘅故事可以令到衫嘅價值昇華。」舊物的價值，其實就在其歷史。
第二年與「衫言」合辦是次活動的「麼地道花園」可持續發展計劃統籌單位KaCaMa Design Lab負責人陳少華認為，活動成功推動社區換物，「上年搞第一年好成功，所有嘢好organic，出得嚟都係環保同願意同人分享嘅人。雖然冇錢賺，又要千辛萬苦係屋企拎嘢出嚟，但大家都志同道合，玩得好開心」。環顧現場有音樂和跳大繩的換物派對，他希望類似活動能進一步普及香港各區，「上年有個創紀之城物業管理處嘅人嚟咗，覺得好得意，今年佢就聚合公司唔要嘅嘢嚟玩。我哋係做緊啲好實驗性嘅嘢，如果可以影響其他團體搞手，已經對社區好好」。
長青網 - 一站式長者及護老者生活資訊網站
【蘋果日報】年廿八「洗邋遢」，不少家庭都趕在歲晚大掃除，不少舊物被送往堆填區。但舊物是否毫無價值？昨日超過20檔換物地攤齊集尖沙嘴麼地道花園，與公眾一起交換衣物、玩具、CD，場面墟冚。他們不收分文，旨在收集、交換和分享，只因相信舊物背後總會有一個故事。
記者：陳芷昕
二手衫推廣組織「衫言」第二年舉辦的換物地攤《換嘢一嚿舊》，麼地道花園入口中間處，三個擺滿玩具的地攤成功吸引一家大細的目光，昔日童玩和模型重出江湖，小孩玩得過癮之餘，大人也重拾童真。幾百件玩具全來自社企「再生玩具店」，從2017年教小朋友製作玩具起，負責人黎俊業發現香港人原來經常丟棄玩具，於是開始收集和在社區推廣二手玩具。
第二年獲邀參與活動的黎俊業，希望港人在大掃除之時，重新反思去舊迎新的定義，「好多時個氣氛令香港人覺得新年要買新嘢，利是封要買新、衫要買新、玩具都要買新，尤其係送禮。但新年係咪唔可以送二手？其實呢啲二手玩具，你拎番去抹乾淨送畀人，對嗰個人嚟講一樣係新㗎」。推廣二手玩具，不只為了減少浪費，也讓人學會珍惜擁有物。昨日，他們改變了平日一換一的換玩具形式，「我哋有準備毛巾同清潔工具，小朋友可以幫手清潔玩具，之後就可以拎走。我哋相信小朋友都可以自己付出少少，因為要學識珍惜，就要先付出」。
「有個女仔擺低公仔就喊」
擺地攤的還有facebook專頁「港女友」創辦人周浩兒，愛在網上寫作的她，不僅是為掃舊，也是為了以物換物，換的是別人故事，「希望將來可以出一本書，係用咖啡去換故事，我請你飲一杯咖啡，你講一個故事」，她今次姑且先以舊物代替咖啡。第一次擺地攤的周浩兒從家中拿來不要的書籍和衣物，望有心人能與她交換新故事的靈感，參加者的分享也確實讓她感到意外。「有個女仔擺低咗隻公仔，隻公仔係佢想送畀初戀情人，但最後送唔成。佢擺低嗰下，我哋叫佢同佢講byebye，佢就喊咗，之後拎走咗我支鋼筆。」
「舊衫嘅故事令價值昇華」
同一活動上，策劃單位之一的「衫言」以「衫言故事檔：拎得起放得低」為主題，邀請參加者拿起聽筒，聽聽每一件舊衫背後的故事。「未必係好驚天動地、可歌可泣嘅故事，可能係父母傳畀子女嘅衫，就有一代傳一代嘅意義」，收集衣物小品的背後，是深信二手衣物因故事而精采如昔。
本身有賣二手衣物的Kathy說：「好多人一知道係二手衫，心入面就會有好多疑問同挑剔，驚件衫唔知點嚟，會唔會污糟咗，但其實衫嘅故事可以令到衫嘅價值昇華。」舊物的價值，其實就在其歷史。
第二年與「衫言」合辦是次活動的「麼地道花園」可持續發展計劃統籌單位KaCaMa Design Lab負責人陳少華認為，活動成功推動社區換物，「上年搞第一年好成功，所有嘢好organic，出得嚟都係環保同願意同人分享嘅人。雖然冇錢賺，又要千辛萬苦係屋企拎嘢出嚟，但大家都志同道合，玩得好開心」。環顧現場有音樂和跳大繩的換物派對，他希望類似活動能進一步普及香港各區，「上年有個創紀之城物業管理處嘅人嚟咗，覺得好得意，今年佢就聚合公司唔要嘅嘢嚟玩。我哋係做緊啲好實驗性嘅嘢，如果可以影響其他團體搞手，已經對社區好好」。
長青網 - 一站式長者及護老者生活資訊網站
回應 (0)
