新聞類別
港聞
詳情#
【蘋果日報】 「對於我嚟講，今年團年飯真係有重大意義。」張慧儀擁着心臟手術成功的15歲養子說。養子Hanson患先天心臟病，去年問題越見嚴重，易倦的Hanson，生活漸受影響。故去年底在醫生建議下，動了一個近10小時、以人工導管將上下腔靜脈連接至肺動脈的心臟手術。
留院期間入過ICU及重症病房，手術後Hanson失去意識半個月，認不出媽媽。今天能大步檻過，兩母子健健康康一起吃團年飯迎新歲，對張慧儀而言，不是必然。
撰文：Sukey 攝影：黃志明
今天逐步康復的Hanson，腰間戴着他心愛的幪面超人武器，陪住媽咪張慧儀接受訪問。
「依家佢行得、走得、食得，嗰時佢樣樣都唔得，連我係邊個佢都認唔到，有呢個對比，所以今日佢完全康復，我覺得好感恩。因為佢做完手術不久，唔可以好似以往咁搭飛機返馬拉過年，所以今年我倆第一次留喺香港過年，而屋企人，例如爸爸媽媽、家姐同女兒、阿妹都飛嚟香港一齊過年。」
回想兒子在病房的日子，張慧儀每天坐立不安。「佢唔喺屋企，喺醫院狀態最唔理想嗰段時間，我真係瞓唔到覺，食唔到嘢，好難過，嗰剎那我就諗，以前佢喺屋企時都算乖，但我成日都話佢，日後佢返屋企，我要更加愛錫佢。有過今次經歷，我覺得兩母子嘅感情真係有增進，同埋會盡量抽時間喺埋一齊，我哋依家係連體嬰。」
養子動手術 失意識近月認不出母親
「最近佢要求每晚拍住佢背脊入睡，有時我拍到好攰話唔拍嘞！但轉頭都會繼續拍，因為佢慢慢長大，總會有想要自己空間嘅時候，到時我想多啲陪佢，都未必有呢個機會。」她對養子的愛，超越很多有血緣關係的母子。記者問Hanson如何報答媽咪？15歲步入青春期的他，開始對鏡頭害羞，儘管心裏有無盡的感激，但最後只簡單說了兩字：「吸塵！」在旁的張慧儀，幫他解讀：「佢依家懂事好多，會幫手做家務，吸塵、洗碗。」
兒子接受手術前，張慧儀擔心得每晚躲在房裏哭，手術後，作為母親，仍然憂慮處處。「當日Hanson做手術時有好多未知之數，亦都知道手術嘅複雜性，之後佢留咗好長時間喺深切治療部同重症病房。因為手術過程唔算太順利，所以手術後要令佢深層睡眠三日三夜，用嚟保護個腦，呢個俗稱叫冷凍，大概意思就係深層睡眠幾日嚟保護佢。我睇住佢瞓咗幾日，當時心情好複雜，因為佢未醒，每一日行入ICU之前都好驚，個心會跳得好快，因為我唔知道今日會有乜嘢信息畀我。
「我返到屋企，佢坐過嘅梳化我唔敢坐，唔知點解自己會咁樣，係逃避定係咩原因？半夜瞓唔到坐喺床，會不停叫住Hanson，嗰一刻會諗：只要你健康好番，要媽媽點樣都得。
「過咗三、四日之後，我行入病房見到佢開咗眼，我第一個反應係好開心，但後來發現佢冇意識，又唔知我係邊個，嗰一刻我就好驚，佢呢種狀態維持咗一段好長時間，我諗有十幾廿日，唔認得我係邊個，就算我同佢講佢最喜歡嘅幪面超人，佢都唔知係咩！嗰段時間我好擔憂。」
養子跟頑疾搏鬥，她跟心思搏鬥。
「我叫自己唔可以倒下，唔可以有任何負面想法，不斷同自己講，呢個只不過係一個過程，佢一定會慢慢好番。直至有一日，我喺重症病房忍唔住，因為我見到護士幫佢換片，嗰一刻好心痛，終於忍唔到，衝出病房搵個地方，將多日累積嘅情緒爆發出嚟，喊完之後就舒服好多。」張慧儀說。
當刻看着兒子的狀況，她作過最壞打算。「坦白講我有諗過，佢一直唔認得我的話，我問自己：『如果係咁樣我會點呢？』我好肯定咁答自己，無論Hanson變成點，媽媽都唔會離棄你，我只會更愛錫你。如果真係咁樣，或者我哋會用另一種方式，未必會喺香港生活，帶佢返馬拉重新嚟過，我會咁樣諗。
「見到佢好心痛，成身插晒喉，又冇意識，連自己生活都自理唔到，我非常心痛。如果我哋冇經歷呢啲，對起身、食飯、行路、飲水，都會覺得理所當然嘅一件事，但依家深切體會，幸福的確唔係必然。所以只要佢健康就OK，我哋去邊度都會一齊，依家我哋係連體嬰。」
現年48歲的張慧儀，2003年因被拉丁舞王未婚夫霍紹裘當「沙包」，身心受創，帶住情傷離開香港，到北京尋找新生活及工作。豈料在北京沒碰上真命天子，卻遇到改變她生命的養子。2006年張慧儀在北京的一間孤兒院「平安之家」當義工，對當時只有三歲、患有先天性心臟病、被雙親遺棄的Hanson甚憐愛。
長憂九十九 創傷後遺經常促子洗手
當時Hanson獲一對美國夫婦領養，當義工的張慧儀只是暫養，但最終那對美國夫婦縮沙，與Hanson已培養出感情的張慧儀，不管他有先天心臟病，令腦缺氧影響小肌肉發展及說話能力，仍堅決取得領養權，擔起養母的責任，她曾說：「有次Hanson突然間叫咗我一聲：媽媽！我感動到喊咗出嚟。」從此兩母子緊扣地生活。Hanson從母姓，中文名叫張晃維，不過因領養手續繁複，至2013年才辦理完成。
踏入豬年，兩母子要實現15年來想做但未做的事。「我最想2019下半年，Hanson可以坐飛機嘅時候，同爸爸媽媽帶埋佢一齊去旅行，因為佢好想去日本，已經講咗好多年，但未試過實行，希望2019年可以實現呢個夢想，因為佢好鍾意幪面超人」。在旁的Hanson，立刻幪面超人上身，看在張慧儀眼裏，只要兒子能康復，哪怕割了她的肉都沒關係。
開開心心接養子Hanson出院，張慧儀兩母子可過一個團圓新年。縱然她身份是養母，但俗語有云「養兒一百歲，長憂九十九」，在張慧儀身上也絕對合用。為Hanson的心臟大手術心力交瘁，就算兒子現在身體逐漸康復，但張慧儀仍不敢鬆懈，甚至出現創傷後遺反應。
「我覺得自己有創傷後遺症，因為呢個回憶對於我嚟講都好恐懼，好難形容嗰段日子嘅心情，係我一世人從來未試過。對佢未來能否康復嘅未知之數充滿恐懼，所以令我好難忘。點解我話自己有創傷後遺症呢？依家我只要見到佢稍為唔精神就會好驚，擔心佢係咪病？係咪發燒？會即刻幫佢量度體溫，經常會好敏感。同埋經常會提佢洗手消毒，因為依家細菌好厲害，所以令到自己都有啲緊張。」張慧儀說。
雖然誠惶誠恐的心情依然伴隨，但她已積極投入做義工，希望藉着母子的經歷幫助同路人。「見到佢每一日都好健康，呢個已經係好大嘅滿足。除此之外，我希望2019年可以帶佢做多啲義工，因為我哋加入咗兒童心臟基金會成為委員。好感恩喺呢段路上，Hanson康復或者手術前，有呢個基金會陪伴我，畀我輔導，同埋精神同心靈上嘅支持。經過Hanson今次手術，都可以理解到作為家長嘅心情，希望Hanson情況再好啲嘅時候，我帶佢去做義工，呢個係我哋應該做嘅事，回饋社會，係一種感恩方式」。
場地：嘉里酒店 服裝：Laurel HK
長青網 - 一站式長者及護老者生活資訊網站
留院期間入過ICU及重症病房，手術後Hanson失去意識半個月，認不出媽媽。今天能大步檻過，兩母子健健康康一起吃團年飯迎新歲，對張慧儀而言，不是必然。
撰文：Sukey 攝影：黃志明
今天逐步康復的Hanson，腰間戴着他心愛的幪面超人武器，陪住媽咪張慧儀接受訪問。
「依家佢行得、走得、食得，嗰時佢樣樣都唔得，連我係邊個佢都認唔到，有呢個對比，所以今日佢完全康復，我覺得好感恩。因為佢做完手術不久，唔可以好似以往咁搭飛機返馬拉過年，所以今年我倆第一次留喺香港過年，而屋企人，例如爸爸媽媽、家姐同女兒、阿妹都飛嚟香港一齊過年。」
回想兒子在病房的日子，張慧儀每天坐立不安。「佢唔喺屋企，喺醫院狀態最唔理想嗰段時間，我真係瞓唔到覺，食唔到嘢，好難過，嗰剎那我就諗，以前佢喺屋企時都算乖，但我成日都話佢，日後佢返屋企，我要更加愛錫佢。有過今次經歷，我覺得兩母子嘅感情真係有增進，同埋會盡量抽時間喺埋一齊，我哋依家係連體嬰。」
養子動手術 失意識近月認不出母親
「最近佢要求每晚拍住佢背脊入睡，有時我拍到好攰話唔拍嘞！但轉頭都會繼續拍，因為佢慢慢長大，總會有想要自己空間嘅時候，到時我想多啲陪佢，都未必有呢個機會。」她對養子的愛，超越很多有血緣關係的母子。記者問Hanson如何報答媽咪？15歲步入青春期的他，開始對鏡頭害羞，儘管心裏有無盡的感激，但最後只簡單說了兩字：「吸塵！」在旁的張慧儀，幫他解讀：「佢依家懂事好多，會幫手做家務，吸塵、洗碗。」
兒子接受手術前，張慧儀擔心得每晚躲在房裏哭，手術後，作為母親，仍然憂慮處處。「當日Hanson做手術時有好多未知之數，亦都知道手術嘅複雜性，之後佢留咗好長時間喺深切治療部同重症病房。因為手術過程唔算太順利，所以手術後要令佢深層睡眠三日三夜，用嚟保護個腦，呢個俗稱叫冷凍，大概意思就係深層睡眠幾日嚟保護佢。我睇住佢瞓咗幾日，當時心情好複雜，因為佢未醒，每一日行入ICU之前都好驚，個心會跳得好快，因為我唔知道今日會有乜嘢信息畀我。
「我返到屋企，佢坐過嘅梳化我唔敢坐，唔知點解自己會咁樣，係逃避定係咩原因？半夜瞓唔到坐喺床，會不停叫住Hanson，嗰一刻會諗：只要你健康好番，要媽媽點樣都得。
「過咗三、四日之後，我行入病房見到佢開咗眼，我第一個反應係好開心，但後來發現佢冇意識，又唔知我係邊個，嗰一刻我就好驚，佢呢種狀態維持咗一段好長時間，我諗有十幾廿日，唔認得我係邊個，就算我同佢講佢最喜歡嘅幪面超人，佢都唔知係咩！嗰段時間我好擔憂。」
養子跟頑疾搏鬥，她跟心思搏鬥。
「我叫自己唔可以倒下，唔可以有任何負面想法，不斷同自己講，呢個只不過係一個過程，佢一定會慢慢好番。直至有一日，我喺重症病房忍唔住，因為我見到護士幫佢換片，嗰一刻好心痛，終於忍唔到，衝出病房搵個地方，將多日累積嘅情緒爆發出嚟，喊完之後就舒服好多。」張慧儀說。
當刻看着兒子的狀況，她作過最壞打算。「坦白講我有諗過，佢一直唔認得我的話，我問自己：『如果係咁樣我會點呢？』我好肯定咁答自己，無論Hanson變成點，媽媽都唔會離棄你，我只會更愛錫你。如果真係咁樣，或者我哋會用另一種方式，未必會喺香港生活，帶佢返馬拉重新嚟過，我會咁樣諗。
「見到佢好心痛，成身插晒喉，又冇意識，連自己生活都自理唔到，我非常心痛。如果我哋冇經歷呢啲，對起身、食飯、行路、飲水，都會覺得理所當然嘅一件事，但依家深切體會，幸福的確唔係必然。所以只要佢健康就OK，我哋去邊度都會一齊，依家我哋係連體嬰。」
現年48歲的張慧儀，2003年因被拉丁舞王未婚夫霍紹裘當「沙包」，身心受創，帶住情傷離開香港，到北京尋找新生活及工作。豈料在北京沒碰上真命天子，卻遇到改變她生命的養子。2006年張慧儀在北京的一間孤兒院「平安之家」當義工，對當時只有三歲、患有先天性心臟病、被雙親遺棄的Hanson甚憐愛。
長憂九十九 創傷後遺經常促子洗手
當時Hanson獲一對美國夫婦領養，當義工的張慧儀只是暫養，但最終那對美國夫婦縮沙，與Hanson已培養出感情的張慧儀，不管他有先天心臟病，令腦缺氧影響小肌肉發展及說話能力，仍堅決取得領養權，擔起養母的責任，她曾說：「有次Hanson突然間叫咗我一聲：媽媽！我感動到喊咗出嚟。」從此兩母子緊扣地生活。Hanson從母姓，中文名叫張晃維，不過因領養手續繁複，至2013年才辦理完成。
踏入豬年，兩母子要實現15年來想做但未做的事。「我最想2019下半年，Hanson可以坐飛機嘅時候，同爸爸媽媽帶埋佢一齊去旅行，因為佢好想去日本，已經講咗好多年，但未試過實行，希望2019年可以實現呢個夢想，因為佢好鍾意幪面超人」。在旁的Hanson，立刻幪面超人上身，看在張慧儀眼裏，只要兒子能康復，哪怕割了她的肉都沒關係。
開開心心接養子Hanson出院，張慧儀兩母子可過一個團圓新年。縱然她身份是養母，但俗語有云「養兒一百歲，長憂九十九」，在張慧儀身上也絕對合用。為Hanson的心臟大手術心力交瘁，就算兒子現在身體逐漸康復，但張慧儀仍不敢鬆懈，甚至出現創傷後遺反應。
「我覺得自己有創傷後遺症，因為呢個回憶對於我嚟講都好恐懼，好難形容嗰段日子嘅心情，係我一世人從來未試過。對佢未來能否康復嘅未知之數充滿恐懼，所以令我好難忘。點解我話自己有創傷後遺症呢？依家我只要見到佢稍為唔精神就會好驚，擔心佢係咪病？係咪發燒？會即刻幫佢量度體溫，經常會好敏感。同埋經常會提佢洗手消毒，因為依家細菌好厲害，所以令到自己都有啲緊張。」張慧儀說。
雖然誠惶誠恐的心情依然伴隨，但她已積極投入做義工，希望藉着母子的經歷幫助同路人。「見到佢每一日都好健康，呢個已經係好大嘅滿足。除此之外，我希望2019年可以帶佢做多啲義工，因為我哋加入咗兒童心臟基金會成為委員。好感恩喺呢段路上，Hanson康復或者手術前，有呢個基金會陪伴我，畀我輔導，同埋精神同心靈上嘅支持。經過Hanson今次手術，都可以理解到作為家長嘅心情，希望Hanson情況再好啲嘅時候，我帶佢去做義工，呢個係我哋應該做嘅事，回饋社會，係一種感恩方式」。
場地：嘉里酒店 服裝：Laurel HK
長青網 - 一站式長者及護老者生活資訊網站
回應 (0)
