新聞類別
港聞
詳情#
【蘋果日報】農曆新年掛新年曆食糖果，儲錢到士多辦館潛紙買膠兵仔的歲月，大概是60後至80後香港人的童年集體回憶，時移世易，昔日情懷不再，但仍可溫故知新。玩具收藏家劉任輝（Ricky）出過書、開過Pop-up快閃展覽，至一年多前在深水埗租舖展出及買賣舊物玩具，讓同好者可聚首一堂，回味那段動人時光。
位於深水埗南昌街的「店小二小店」，門面還留有前身繩線廠的招牌，兩邊玻璃櫥窗陳列架均來自上一手業主，現年50多歲的Ricky前年年底透過朋友介紹租下老店，完整保留店內一磚一瓦的神髓，凸顯舊日老香港味道。
記者：莫家文 攝影：劉柏麟
店內陳列品包羅萬有，既有鐵皮玩具、賀年塑膠糖果盒、新年廣告月曆牌、舊式四方電視箱及上海鑽石牌老式時鐘，亦有舊日報紙雜誌膠袋，藏品多達四至五千款，大多為60至80年代產物，當中不少為農曆新年曾經使用的物品，猶如一個藏寶庫等待知音人賞識。
「去到呢個年紀，希望減慢腳步去睇返以前行得太快嘅童年日子。」
「舊一輩人拜年比較客氣，拜年一定送生果、朱古力或餅乾，家家戶戶準備定糖果盒派糖，有錢人就用木盒，普通巿民咪用紅A或者國貨頂檔，香港塑膠工業當年好強，塑膠盒造出水晶花紋圖案效果，用落唔會失禮。」Ricky隨手從架上取來糖果膠盒及朱古力舊鐵罐細訴歷史。
60及70後新年另一個難忘記憶，必然包括到士多辦館「潛紙」抽獎，Ricky取起潛紙板及膠劍娓娓道來，「細個到新年儲到啲錢，就會去士多用一毫潛紙仔，抽到一個號碼，核對塊紙板有冇中獎，不過中親都係膠兵仔膠劍呢類細獎，日本模型真係貴到要儲錢儲到過年先有能力買」。
無論是香港製造的塑膠或鐵皮玩具，抑或舊電器，均由劉任輝與拍檔袁艾迪（Eddie）一手一腳逐一收集回來。Ricky回憶在英國留學期間，親眼見證外國人如何重視舊物保育，當他90年代畢業返港，從事藝術及設計教育工作時，發現自己童心未泯，開始收集塑膠玩具。「其實都係一種細路仔情懷，去到呢個年紀，希望減慢腳步去睇返以前行得太快嘅童年日子」。
其後他越儲越多，港產膠玩具收藏多達300多種，於是萌生與大眾共享共賞的念頭，2017年中他將所有玩具藏品圖文並茂集結成書，在灣仔書展推出，得到外界正面迴響，機緣巧合之下，同年8月獲朋友介紹到太子黃竹街一間空置街舖進行快閃玩具展覽，至同年底正式租用現址開始舊物買賣生意。這間小店不但吸引舊雨新知到場朝聖，甚至被旅發局列入潮流舊物店推介名單中，還獲內地旅遊網站撰文介紹，吸引不少中外遊客慕名到訪。
目前店內展出物品，包括收藏家寄賣，亦有個人多出的藏品，容許任何人以合理價錢買入，Ricky笑稱顧客年紀由8歲至80歲不等，「香港、日韓、歐洲客都有，佢哋都係鍾意睇以前舊物而嚟到呢度，希望搵返巿面不再常見嘅物品」。
Ricky並非只重視買賣，若非脆弱紙品或已破損物件，容許任何人拿上手仔細參詳。「我個人力量好有限，舊物實體店喺本港少之又少，我希望拉闊層面，為平時只喺網上交流心得嘅本土收藏家，提供一個實體平台落嚟交流，達到保育本土文化目的」。
「以前雜貨糧油舖或金舖，每逢新年出鐵板年曆送畀舊客。」
「畢竟我廿幾年前收膠玩具，可以喺舊士多、玩具店、地攤收，依家冇晒呢啲，就要喺網上搵寄賣物品，或者舊樓清拆時有人兜售收返嚟。」他拿起一本古舊廣告鐵板，板面印出陳慧琳肖像，同時印有萬事勝意，陳慧琳猶在，但表面銹蝕蓋不住歲月的風霜痕迹，「以前雜貨糧油舖或金舖，每逢新年出鐵板年曆送畀舊客，元朗仲有老店堅持年年印，不過依家唔興呢啲嘢，更何況過年感覺冇晒氣氛。」他苦笑說。
舊物處處凸顯老式香港人情味，Ricky沒有掛在口邊，但仍然忘不了。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
位於深水埗南昌街的「店小二小店」，門面還留有前身繩線廠的招牌，兩邊玻璃櫥窗陳列架均來自上一手業主，現年50多歲的Ricky前年年底透過朋友介紹租下老店，完整保留店內一磚一瓦的神髓，凸顯舊日老香港味道。
記者：莫家文 攝影：劉柏麟
店內陳列品包羅萬有，既有鐵皮玩具、賀年塑膠糖果盒、新年廣告月曆牌、舊式四方電視箱及上海鑽石牌老式時鐘，亦有舊日報紙雜誌膠袋，藏品多達四至五千款，大多為60至80年代產物，當中不少為農曆新年曾經使用的物品，猶如一個藏寶庫等待知音人賞識。
「去到呢個年紀，希望減慢腳步去睇返以前行得太快嘅童年日子。」
「舊一輩人拜年比較客氣，拜年一定送生果、朱古力或餅乾，家家戶戶準備定糖果盒派糖，有錢人就用木盒，普通巿民咪用紅A或者國貨頂檔，香港塑膠工業當年好強，塑膠盒造出水晶花紋圖案效果，用落唔會失禮。」Ricky隨手從架上取來糖果膠盒及朱古力舊鐵罐細訴歷史。
60及70後新年另一個難忘記憶，必然包括到士多辦館「潛紙」抽獎，Ricky取起潛紙板及膠劍娓娓道來，「細個到新年儲到啲錢，就會去士多用一毫潛紙仔，抽到一個號碼，核對塊紙板有冇中獎，不過中親都係膠兵仔膠劍呢類細獎，日本模型真係貴到要儲錢儲到過年先有能力買」。
無論是香港製造的塑膠或鐵皮玩具，抑或舊電器，均由劉任輝與拍檔袁艾迪（Eddie）一手一腳逐一收集回來。Ricky回憶在英國留學期間，親眼見證外國人如何重視舊物保育，當他90年代畢業返港，從事藝術及設計教育工作時，發現自己童心未泯，開始收集塑膠玩具。「其實都係一種細路仔情懷，去到呢個年紀，希望減慢腳步去睇返以前行得太快嘅童年日子」。
其後他越儲越多，港產膠玩具收藏多達300多種，於是萌生與大眾共享共賞的念頭，2017年中他將所有玩具藏品圖文並茂集結成書，在灣仔書展推出，得到外界正面迴響，機緣巧合之下，同年8月獲朋友介紹到太子黃竹街一間空置街舖進行快閃玩具展覽，至同年底正式租用現址開始舊物買賣生意。這間小店不但吸引舊雨新知到場朝聖，甚至被旅發局列入潮流舊物店推介名單中，還獲內地旅遊網站撰文介紹，吸引不少中外遊客慕名到訪。
目前店內展出物品，包括收藏家寄賣，亦有個人多出的藏品，容許任何人以合理價錢買入，Ricky笑稱顧客年紀由8歲至80歲不等，「香港、日韓、歐洲客都有，佢哋都係鍾意睇以前舊物而嚟到呢度，希望搵返巿面不再常見嘅物品」。
Ricky並非只重視買賣，若非脆弱紙品或已破損物件，容許任何人拿上手仔細參詳。「我個人力量好有限，舊物實體店喺本港少之又少，我希望拉闊層面，為平時只喺網上交流心得嘅本土收藏家，提供一個實體平台落嚟交流，達到保育本土文化目的」。
「以前雜貨糧油舖或金舖，每逢新年出鐵板年曆送畀舊客。」
「畢竟我廿幾年前收膠玩具，可以喺舊士多、玩具店、地攤收，依家冇晒呢啲，就要喺網上搵寄賣物品，或者舊樓清拆時有人兜售收返嚟。」他拿起一本古舊廣告鐵板，板面印出陳慧琳肖像，同時印有萬事勝意，陳慧琳猶在，但表面銹蝕蓋不住歲月的風霜痕迹，「以前雜貨糧油舖或金舖，每逢新年出鐵板年曆送畀舊客，元朗仲有老店堅持年年印，不過依家唔興呢啲嘢，更何況過年感覺冇晒氣氛。」他苦笑說。
舊物處處凸顯老式香港人情味，Ricky沒有掛在口邊，但仍然忘不了。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
回應 (0)
