新聞類別
財經
詳情#
【蘋果日報】【財經專題】八年前賣生蠔起家的Ocean Three，高峯時年賺近千萬元，創辦人何智聰近兩年更積極部署上市，惟近年行業競爭加劇，行家鬥劈價搶客，生蠔最低見過6元一隻，生意如過山車般下跌，阿聰亦面對現實放棄上市，去年起轉賣泰國無激素雞翼，專攻師奶客，意外殺出一條血路，連全港超市及街市商戶都有入貨，經營九個月後，現時每月銷量逾50噸，收入高達400萬元。
記者：陳新政
阿聰八年前跟拍檔創立Ocean Three，以平價搶佔市場，可惜創業翌年，妻子因心臟病離世，遺下兒子跟他兩人相依為命，屋漏偏逢連夜雨，公司被全港最大生蠔供應商封殺，又被內地商家走數近百萬元，令阿聰的創業路如坐過山車般下跌，後來生意十級跳，不計雞翼，現時每月收入亦達600萬元，惟生蠔業務利潤已大大萎縮：「生蠔周街都賣到好平，現在很難做，冇乜錢賺」，生蠔毛利只得15%，加上只可存貨五日，連同損耗，幾乎無錢賺，今次賣雞可算是破釜沉舟。
改變包裝 標榜無激素
約十個月前，獲日本廠商介紹認識一間雞場：「泰國有批雞翼因為包裝印字斜咗少少，肉眼都未必睇到，但日本就唔收貨，結果就轉賣畀我哋。」首批貨10噸，阿聰以平價形式，很快便沽清，但他的拍檔竟然自行再跟泰國雞農簽下一紙兩年長約，每兩月入貨兩櫃雞翼，數量十數噸，令他非常頭痛：「最初批雞翼好平咁賣，冇乜錢賺，但今次簽長約，就一定要賺錢，但首月只賣到500幾kg。」他形容若未來維持如此低銷量，合約所簽的雞翼要賣十年。
眾所周知，香港的雞翼市場競爭較生蠔更加激烈，各大超市及街市都有賣雞翼，阿聰今次加入戰場，跟自殺其實無多大分別，他亦認同要改變市場生態十分困難：「以前街市啲雞翼係雪到一大塊冰，開舖前大力掟碎啲雞翼，但我啲泰國雞翼係逐隻急凍，唔會痴埋一大嚿，望落高級同乾淨啲。」
以往為了清貨，阿聰獨沽一味將貨品大減價，但今次雞翼卻轉頭加價，每磅賣40元，較街市一般出售的巴西、中國雞翼每磅貴約15元：「如果將平等如贏，呢個係做生意大忌，因為客人唔係要平，係要一件有價值嘅貨品。」
轉做批發 超市也入貨
最初雞翼只用普通透明袋出售、價錢牌只寫上產地泰國，他則改變包裝，將無激素三隻大字印在包裝後，重新推出吸引顧客：「就算件貨好，但冇好嘅marketing，都唔會有好銷量，所以要諗到客戶嘅痛點，再去推銷，同埋搵啱客群。」今次雞翼專攻師奶客群，透過網上及手機群組推銷，向KOL及各大師奶群贈送雞翼試：「每個月都派過百包雞翼畀啲媽媽group去試食，又同佢哋講小朋友食激素雞有咩缺點。」他更拍片宣傳食激素雞的缺點，從而推銷自己的無激素雞翼。目前賣雞的毛利逾20%，而且幾乎無損耗，利潤較生蠔更高。
生意略有回升，但每60日要消化十數噸雞翼，單靠Ocean Three八間門市實在吃不消，阿聰亦放棄靠自家店銷售的策略，轉為批發：「以前覺得好嘢係要自己賣，唔益人哋，但現在覺得做大個餅更重要。」初期向凍肉舖推銷亦遇上困難，因為泰國雞售價較貴，他便包裝成中高檔品牌，以「皇室農場」名義出售，又推出無骨雞翼等等，再作低成本宣傳：「送印有牌子嘅圍裙畀啲職員，大大隻字寫住無激素。」
其後超市亦主動叩門入貨，更不收取上架費，不過批發予超市的利潤較低，但仍值得做：「就咁拎件貨搵超市，佢唔會睬你，但如果包裝好建立品牌，佢主動搵你，就係兩個世界。」他透露，若是普通貨品，超市找數期一般為三個月，惟泰國雞翼只要一個月便找數。現時每月銷量達50噸，期望一年內銷量可增至100噸。
長青網 - 一站式長者及護老者生活資訊網站
記者：陳新政
阿聰八年前跟拍檔創立Ocean Three，以平價搶佔市場，可惜創業翌年，妻子因心臟病離世，遺下兒子跟他兩人相依為命，屋漏偏逢連夜雨，公司被全港最大生蠔供應商封殺，又被內地商家走數近百萬元，令阿聰的創業路如坐過山車般下跌，後來生意十級跳，不計雞翼，現時每月收入亦達600萬元，惟生蠔業務利潤已大大萎縮：「生蠔周街都賣到好平，現在很難做，冇乜錢賺」，生蠔毛利只得15%，加上只可存貨五日，連同損耗，幾乎無錢賺，今次賣雞可算是破釜沉舟。
改變包裝 標榜無激素
約十個月前，獲日本廠商介紹認識一間雞場：「泰國有批雞翼因為包裝印字斜咗少少，肉眼都未必睇到，但日本就唔收貨，結果就轉賣畀我哋。」首批貨10噸，阿聰以平價形式，很快便沽清，但他的拍檔竟然自行再跟泰國雞農簽下一紙兩年長約，每兩月入貨兩櫃雞翼，數量十數噸，令他非常頭痛：「最初批雞翼好平咁賣，冇乜錢賺，但今次簽長約，就一定要賺錢，但首月只賣到500幾kg。」他形容若未來維持如此低銷量，合約所簽的雞翼要賣十年。
眾所周知，香港的雞翼市場競爭較生蠔更加激烈，各大超市及街市都有賣雞翼，阿聰今次加入戰場，跟自殺其實無多大分別，他亦認同要改變市場生態十分困難：「以前街市啲雞翼係雪到一大塊冰，開舖前大力掟碎啲雞翼，但我啲泰國雞翼係逐隻急凍，唔會痴埋一大嚿，望落高級同乾淨啲。」
以往為了清貨，阿聰獨沽一味將貨品大減價，但今次雞翼卻轉頭加價，每磅賣40元，較街市一般出售的巴西、中國雞翼每磅貴約15元：「如果將平等如贏，呢個係做生意大忌，因為客人唔係要平，係要一件有價值嘅貨品。」
轉做批發 超市也入貨
最初雞翼只用普通透明袋出售、價錢牌只寫上產地泰國，他則改變包裝，將無激素三隻大字印在包裝後，重新推出吸引顧客：「就算件貨好，但冇好嘅marketing，都唔會有好銷量，所以要諗到客戶嘅痛點，再去推銷，同埋搵啱客群。」今次雞翼專攻師奶客群，透過網上及手機群組推銷，向KOL及各大師奶群贈送雞翼試：「每個月都派過百包雞翼畀啲媽媽group去試食，又同佢哋講小朋友食激素雞有咩缺點。」他更拍片宣傳食激素雞的缺點，從而推銷自己的無激素雞翼。目前賣雞的毛利逾20%，而且幾乎無損耗，利潤較生蠔更高。
生意略有回升，但每60日要消化十數噸雞翼，單靠Ocean Three八間門市實在吃不消，阿聰亦放棄靠自家店銷售的策略，轉為批發：「以前覺得好嘢係要自己賣，唔益人哋，但現在覺得做大個餅更重要。」初期向凍肉舖推銷亦遇上困難，因為泰國雞售價較貴，他便包裝成中高檔品牌，以「皇室農場」名義出售，又推出無骨雞翼等等，再作低成本宣傳：「送印有牌子嘅圍裙畀啲職員，大大隻字寫住無激素。」
其後超市亦主動叩門入貨，更不收取上架費，不過批發予超市的利潤較低，但仍值得做：「就咁拎件貨搵超市，佢唔會睬你，但如果包裝好建立品牌，佢主動搵你，就係兩個世界。」他透露，若是普通貨品，超市找數期一般為三個月，惟泰國雞翼只要一個月便找數。現時每月銷量達50噸，期望一年內銷量可增至100噸。
長青網 - 一站式長者及護老者生活資訊網站
回應 (0)
