新聞類別
財經
詳情#
【蘋果日報】下星期就過年，嚟緊幾日好戲連場，包括周二嘅英國脫歐鬧劇；周二、周三嘅美國議息（香港時間周四凌晨3時揭盅）。至於狗年壓軸戲，就係周三、周四上畫嘅中美貿易談判！不過，聽近日美方口風，未必傾得埋欄；晚舟歸航，更難寄望。
中美貿談嘅障礙，在於美國唔信中國會落實協議，要求每年審核；中國當然唔想返回加入世貿前，每年要美國批准先有最惠國待遇。講到入世，20年前，中國代表石廣生同美國代表白茜芙講數，講足6日6夜，講到拍枱，最後一刻，總理朱鎔基加入先互相讓步。今趟又點呢？
貿談前夕，中美齊齊釋出「放水」訊號。美國方面，聯儲局放風喺本周嘅議息會議，討論提前結束縮表。中國方面，人行更連環開水喉，上周三定向中期借貸便利（TMLF）剛落地，上周四又推出央行票據互換工具（CBS），市場視為中國式量化寬鬆（QE）。
受消息刺激，港股連升四日。恒指連續兩日收於雙底頸線27260之上，若連續三日收於其上，就可確認突破，量度升幅可見29980。不過，恒指周一先高後低，後市隨時回調，一來大市已由年初低位累升超過2,600點，再大升有難度；二來北水春節截流，港股少條水喉。
隨着美國放慢收水，美元走弱，人民幣走強。中美貿談在即，中方為免美方有口實，有誘因維持人民幣強勢。不過，中國貨幣政策轉鬆，人民幣日後難免受壓。
貿談陰晴不定，防守性強嘅收息股受捧。本港上市嘅10隻房託，周一半數破頂，升幅最大嘅係領展（823），升1.6%，但以息率計，只有3.1厘；息率最高嘅則係匯賢（87001），有8.2厘。不過，匯賢以人民幣計價，有滙兌風險，若果手上已有人民幣，則可諗諗。
割柑人
本欄逢周二刊出
長青網 - 一站式長者及護老者生活資訊網站
中美貿談嘅障礙，在於美國唔信中國會落實協議，要求每年審核；中國當然唔想返回加入世貿前，每年要美國批准先有最惠國待遇。講到入世，20年前，中國代表石廣生同美國代表白茜芙講數，講足6日6夜，講到拍枱，最後一刻，總理朱鎔基加入先互相讓步。今趟又點呢？
貿談前夕，中美齊齊釋出「放水」訊號。美國方面，聯儲局放風喺本周嘅議息會議，討論提前結束縮表。中國方面，人行更連環開水喉，上周三定向中期借貸便利（TMLF）剛落地，上周四又推出央行票據互換工具（CBS），市場視為中國式量化寬鬆（QE）。
受消息刺激，港股連升四日。恒指連續兩日收於雙底頸線27260之上，若連續三日收於其上，就可確認突破，量度升幅可見29980。不過，恒指周一先高後低，後市隨時回調，一來大市已由年初低位累升超過2,600點，再大升有難度；二來北水春節截流，港股少條水喉。
隨着美國放慢收水，美元走弱，人民幣走強。中美貿談在即，中方為免美方有口實，有誘因維持人民幣強勢。不過，中國貨幣政策轉鬆，人民幣日後難免受壓。
貿談陰晴不定，防守性強嘅收息股受捧。本港上市嘅10隻房託，周一半數破頂，升幅最大嘅係領展（823），升1.6%，但以息率計，只有3.1厘；息率最高嘅則係匯賢（87001），有8.2厘。不過，匯賢以人民幣計價，有滙兌風險，若果手上已有人民幣，則可諗諗。
割柑人
本欄逢周二刊出
長青網 - 一站式長者及護老者生活資訊網站
回應 (0)
