新聞類別
港聞
詳情#
【蘋果日報】【依依不捨】
【蘋果日報】農曆新年團圓歡樂，可是觀塘裕民坊卻會在過年後曲終人散。隨重建巨輪逼近，裕民坊一眾老店終要離場。印刷店老闆劉太，近年要兼賣利是封等幫補，難忘多年前火災燒毀三萬元利是封，今年不少街坊知悉店舖快要結業，紛紛前來慰問，「46年感情，啲街坊真係好好」。亦有豆品店老夫婦說，熟客都不捨他們結業，惟有打消退休念頭，租用日後的商場舖位繼續經營。
記者：李詠希
劉太雖年過80歲，但開舖對她來說可謂「工多藝熟」，先推起沉甸甸的鐵捲閘，搬出多個紙箱及多叠利是封，再用三張不同高矮的凳仔排成「樓梯」，一個箭步靈巧地掛上各式揮春。早在1973年，劉太的丈夫及姐夫以1.4萬元，向「業主」購入此舖，頂手做印刷和圖章，後來劉太頂替丈夫，加上姐夫離世，她就獨力經營至今。近年印刷生意減少，劉太要兼賣利是封和揮春等幫補。
老店捱過火災不敵重建
經營46年，劉太見證裕民坊種種變遷。她的舖頭「新華印務」對正觀塘道，位處連接apm的天橋下，她憶述以前此處只是爛空地，「好似好荒涼咁樣，藍田小巴站啲車就喺度泊，好多小販車仔喺度。跟住呢度封咗，小巴改咗去後面，（小販）趕走晒，起apm個樓梯」。不變的，就只有兩旁的小店，「佢哋冇轉過手，一齊做咗咁耐」。
劉太說，當年為求有「皇氣」照應，申領了靠牆小販牌，但仍難忘八年前食環署突然無理「抄牌」，「差啲要拉上差館，街坊都有幫口，話唔公平，個個唔拉淨係拉我」。13年前又試過火燭，燒毀三萬元利是封，事後又要花2.5萬元重修，「哈哈哈，（損失）都幾多。我一年先入三轉貨，嗰陣啱啱入咗貨。夜晚燒嘅，我到第二朝先知」。
小店捱得過火災，敵不過重建。劉太的店將於下月28日遷出，面對46年老店即將畫上句號，最不捨還是一班街坊，「46年感情，啲街坊好好，成日會嚟關心（我），跌咗嘢會幫你執，有咩又會通知你，隔籬左右都好好，去廁所就幫我睇檔」，又指近日不少街坊知道即將結業，就前來關心和購物。她說，所持的小牌將轉為兒子姓名，日後搬至對面市集，由兒子經營，「我就退而不休，幫吓手囉。好話唔好聽，以後都冇乜機會見到」。
同樣下月28日關門的，還有擁20多年歷史的「永興豆漿王」，老闆劉先生說兩夫婦原已打算結業，「唔捨得都冇辦法，佢哋（客人）話你哋冇得做，都唔知去邊搵咁靚嘅豆腐花食。本來我哋諗住唔做㗎啦，想退休，又驚第日商場貴租做唔住，但太多街坊想我哋繼續做」。
市建局賠償僅數十萬
「見啲客開心，我哋就開心，佢哋都食咗好多年。唔係淨係搵錢，同街坊都好有好感（情）」，劉生與太太90年代起已在裕民坊擺街邊檔，笑言是裕民坊小店帶旺觀塘。至97年後向「業主」購入此舖位，「我哋唔係霸」。他指，當時花數十萬元購入舖位，惟市建局今次賠償亦僅數十萬，「依家淨係希望市建局到時畀個合適舖位我哋，繼續服務街坊」。
市建局去年擲一億向第五發展區（裕民坊一帶）的違例構築物作出特別搬遷賠償方案。市建局說，該處有約98個搭建在私人樓宇公用地方的違例構築物，當中八成半用戶已接受方案，最遲要在2月28日遷出，截止本月24日已有19個用戶交吉或約定交吉日期，13個用戶將到第二及第三發展區（即凱匯位置），新落成的商場繼續經營業務；其餘不接受方案的用戶，市建局將引用《收回土地條例》收地。
長青網 - 一站式長者及護老者生活資訊網站
【蘋果日報】農曆新年團圓歡樂，可是觀塘裕民坊卻會在過年後曲終人散。隨重建巨輪逼近，裕民坊一眾老店終要離場。印刷店老闆劉太，近年要兼賣利是封等幫補，難忘多年前火災燒毀三萬元利是封，今年不少街坊知悉店舖快要結業，紛紛前來慰問，「46年感情，啲街坊真係好好」。亦有豆品店老夫婦說，熟客都不捨他們結業，惟有打消退休念頭，租用日後的商場舖位繼續經營。
記者：李詠希
劉太雖年過80歲，但開舖對她來說可謂「工多藝熟」，先推起沉甸甸的鐵捲閘，搬出多個紙箱及多叠利是封，再用三張不同高矮的凳仔排成「樓梯」，一個箭步靈巧地掛上各式揮春。早在1973年，劉太的丈夫及姐夫以1.4萬元，向「業主」購入此舖，頂手做印刷和圖章，後來劉太頂替丈夫，加上姐夫離世，她就獨力經營至今。近年印刷生意減少，劉太要兼賣利是封和揮春等幫補。
老店捱過火災不敵重建
經營46年，劉太見證裕民坊種種變遷。她的舖頭「新華印務」對正觀塘道，位處連接apm的天橋下，她憶述以前此處只是爛空地，「好似好荒涼咁樣，藍田小巴站啲車就喺度泊，好多小販車仔喺度。跟住呢度封咗，小巴改咗去後面，（小販）趕走晒，起apm個樓梯」。不變的，就只有兩旁的小店，「佢哋冇轉過手，一齊做咗咁耐」。
劉太說，當年為求有「皇氣」照應，申領了靠牆小販牌，但仍難忘八年前食環署突然無理「抄牌」，「差啲要拉上差館，街坊都有幫口，話唔公平，個個唔拉淨係拉我」。13年前又試過火燭，燒毀三萬元利是封，事後又要花2.5萬元重修，「哈哈哈，（損失）都幾多。我一年先入三轉貨，嗰陣啱啱入咗貨。夜晚燒嘅，我到第二朝先知」。
小店捱得過火災，敵不過重建。劉太的店將於下月28日遷出，面對46年老店即將畫上句號，最不捨還是一班街坊，「46年感情，啲街坊好好，成日會嚟關心（我），跌咗嘢會幫你執，有咩又會通知你，隔籬左右都好好，去廁所就幫我睇檔」，又指近日不少街坊知道即將結業，就前來關心和購物。她說，所持的小牌將轉為兒子姓名，日後搬至對面市集，由兒子經營，「我就退而不休，幫吓手囉。好話唔好聽，以後都冇乜機會見到」。
同樣下月28日關門的，還有擁20多年歷史的「永興豆漿王」，老闆劉先生說兩夫婦原已打算結業，「唔捨得都冇辦法，佢哋（客人）話你哋冇得做，都唔知去邊搵咁靚嘅豆腐花食。本來我哋諗住唔做㗎啦，想退休，又驚第日商場貴租做唔住，但太多街坊想我哋繼續做」。
市建局賠償僅數十萬
「見啲客開心，我哋就開心，佢哋都食咗好多年。唔係淨係搵錢，同街坊都好有好感（情）」，劉生與太太90年代起已在裕民坊擺街邊檔，笑言是裕民坊小店帶旺觀塘。至97年後向「業主」購入此舖位，「我哋唔係霸」。他指，當時花數十萬元購入舖位，惟市建局今次賠償亦僅數十萬，「依家淨係希望市建局到時畀個合適舖位我哋，繼續服務街坊」。
市建局去年擲一億向第五發展區（裕民坊一帶）的違例構築物作出特別搬遷賠償方案。市建局說，該處有約98個搭建在私人樓宇公用地方的違例構築物，當中八成半用戶已接受方案，最遲要在2月28日遷出，截止本月24日已有19個用戶交吉或約定交吉日期，13個用戶將到第二及第三發展區（即凱匯位置），新落成的商場繼續經營業務；其餘不接受方案的用戶，市建局將引用《收回土地條例》收地。
長青網 - 一站式長者及護老者生活資訊網站
回應 (0)
