富貴長者少接觸社區易中招

【蘋果日報】倫敦金騙案不乏富貴長者中招，今次更有八旬老翁損失達5.8億元巨款，香港社會工作者總工會前會長葉建忠究其原因，相信主要因為這些富貴長者有錢自理，日常較少接觸社區中心，亦未必獲子女特別關顧，所以往往未掌握防騙資訊，成為騙徒下手的高危目標。
籲子女多關心父母
葉建忠指，現時不少老人中心都有向長者介紹防騙資訊，惟社區長者服務對這些富貴長者而言，存在一大空隙，一般到中心的公公婆婆都是低下階層。葉指：「佢哋（富貴長者）好多時都有外傭照顧，日常都唔會去社區中心。」
另一方面，葉又指這些富貴長者因為有錢，「子女日常都未必會特別理佢哋，咁老人家就仲易俾人呃，俾人呃咗又唔會搵人傾訴。」葉又形容富貴長者一般有錢之餘亦有學識，「可能佢哋自恃唔會咁易俾人呃嘅，結果就中晒騙徒嘅圈套。」他呼籲子女多關心父母，不時提醒父母有關騙徒的手法，慎防受騙。
■記者黎國剛
長青網 - 一站式長者及護老者生活資訊網站