同劇臨記猝死　王浩信：唔開心

【蘋果日報】64歲的臨時演員劉何志，星期三早上被發現在尖東海旁長凳入睡時猝死。劉何志死前一晚剛為TVB劇集《極度怪咖》演出。昨日《極道怪咖》一眾台前幕後在將軍澳電視城進行拜神儀式，對於劉何志收工後在海旁露宿猝死，《極》劇監製林志華稱：「嗰日booking係下午6點至11點半，根據臨時演員公司資料，佢都係11點半就收工。臨時演員公司話佢收工時冇咩異樣，嗰日有6、70個臨時演員，所以我冇特別留意個別，當時亦冇人同我提過有人唔舒服。」林志華表示已聯絡臨時演員公司，看看有甚麼可以協助。他坦承對演員心情有一定影響：「始終係人間不幸，其他演員都好關心周圍嘅人。」
友人：佢自稱退休警
《極》劇男主角王浩信表示有留意事件，他說：「我對呢位臨時演員冇印象，因為我當晚好多對白，知道呢件事都覺得唔開心。」女主角高海寧則表示：「我嗰日唔使開工，佢突然唔喺度，覺得好惋惜。」王浩信及高海寧表示打算聯同其他台前幕後，透過監製一同向死者家屬送上帛金以表心意。
此外，《蘋果》聯絡到劉何志臨時演員友人阿玲（化名），她澄清他並非露宿者，亦沒有財政壓力，做臨時演員只為打發時間：「佢話自己係退休警察，屋企喺佐敦，佢仲講過有仔女喺澳洲讀書，仲有太太。」香港電影工作者總會會長田啟文稱，他有學生認識死者，他會交予這位學生處理此事。
長青網 - 一站式長者及護老者生活資訊網站