新聞類別
港聞
詳情#
【蘋果日報】
特首林鄭月娥為拆收緊長者綜援安排這個政治炸彈，早前親率一眾局長、官員見記者公佈補鑊方案，可是昨日政府宣佈撤回三隧分流議案，林鄭卻選擇在她離港後，由署理特首張建宗及運房局長陳帆面對公眾。有政界人士笑言，同樣是政府要讓步，從林鄭處理兩件事手法不同，正好反映林鄭要面子、唔衰得的心態。
「遲早會再犯更大嘅失誤」
有民主派中人笑言，若有留意林鄭當日交代收緊長者綜援安排的補鑊方案，她在記者會發言中，從未承認有關政策有失誤，只說從立法會議員、傳媒報道及評論，反映政策執行上出現問題，她作為行政長官責無旁貸要解決，「即係話政策冇錯，唔係佢作為特首嘅政治責任，而係下面嘅官員執行政策出咗問題，所以由特首出嚟解決」，所以林鄭肯現身親自交代，「因為林鄭覺得錯不在佢，反而係出嚟幫下面救亡，可以攞分」。
不過三隧分流方案是林鄭自己提出方案，之前她在立會更高調為方案護航，更揚言若議員不支持大可以不做，「佢押晒自己落去，仲放晒風話親自上北京傾個方案，現在搞到要撤回三隧分流議案，點計個責任都喺佢自己身上」，所以無論她如何解釋，也難掩其必須承擔的政治責任，「所以最好等自己離開香港，留畀下屬去頂，起碼唔使畀記者追問，要佢公開認政治失誤」，但林鄭如此「唔衰得」的心態，作為特首只會令她不懂反省，「遲早會再犯更大嘅失誤」。
季陶
周一、三、五刊出
長青網 - 一站式長者及護老者生活資訊網站
特首林鄭月娥為拆收緊長者綜援安排這個政治炸彈，早前親率一眾局長、官員見記者公佈補鑊方案，可是昨日政府宣佈撤回三隧分流議案，林鄭卻選擇在她離港後，由署理特首張建宗及運房局長陳帆面對公眾。有政界人士笑言，同樣是政府要讓步，從林鄭處理兩件事手法不同，正好反映林鄭要面子、唔衰得的心態。
「遲早會再犯更大嘅失誤」
有民主派中人笑言，若有留意林鄭當日交代收緊長者綜援安排的補鑊方案，她在記者會發言中，從未承認有關政策有失誤，只說從立法會議員、傳媒報道及評論，反映政策執行上出現問題，她作為行政長官責無旁貸要解決，「即係話政策冇錯，唔係佢作為特首嘅政治責任，而係下面嘅官員執行政策出咗問題，所以由特首出嚟解決」，所以林鄭肯現身親自交代，「因為林鄭覺得錯不在佢，反而係出嚟幫下面救亡，可以攞分」。
不過三隧分流方案是林鄭自己提出方案，之前她在立會更高調為方案護航，更揚言若議員不支持大可以不做，「佢押晒自己落去，仲放晒風話親自上北京傾個方案，現在搞到要撤回三隧分流議案，點計個責任都喺佢自己身上」，所以無論她如何解釋，也難掩其必須承擔的政治責任，「所以最好等自己離開香港，留畀下屬去頂，起碼唔使畀記者追問，要佢公開認政治失誤」，但林鄭如此「唔衰得」的心態，作為特首只會令她不懂反省，「遲早會再犯更大嘅失誤」。
季陶
周一、三、五刊出
長青網 - 一站式長者及護老者生活資訊網站
回應 (0)
