新聞類別
財經
詳情#
【蘋果日報】豬年想過肥年，要睇月底台戲！1月30日，副總理劉鶴將會出訪華盛頓，同美國「鷹派」貿易代表萊特希澤展開貿易談判。咁啱呢日，亦係美國引渡華為老闆女孟晚舟嘅最後限期。死線臨近，美國兩路追殺華為，又刑事調查，又禁售法案。月底，睇鶴叔點拆彈！
鶴叔此行，唔係加碼買貨、擴大市場准入就拆得掂，最棘手嘅，係拆解經濟結構問題，包括知識產權、技術轉移等。不過，睇美國總統特朗普連日唱好中美貿易談判，照計點都會傾掂個協議框架。
中國剛公佈嘅上季GDP顯示，受中美貿易戰影響，工業減速、投資不振，增長降至6.4%。數據符合預期，救市憧憬持續。恒指昨日收報27196，一度升穿前浪頂27260，此為雙底頸線阻力，後市若能企穩其上，量度升幅可見29980。
中美貿易談判，預計仍係未來幾周主導股市嘅關鍵。睇返舊年5月中鶴叔訪美前出現升市，估計大市喺佢月底訪美前仍有上升空間。不過，要注意嘅係，就算「鶴」同「鷹」達成協議，貿易戰偃旗，但關稅嘅威脅唔會即刻消失，受影響嘅產業，投資風險亦唔會即刻消散。
阿爺勢將加碼刺激經濟，不妨留意國策股如基建、內房、5G等。講到基建股，習主席近排喺京津冀一帶考察，第一站就係濶別兩年、被佈局為「千年大計」嘅河北雄安新區。隨着雄安規劃落實，市場估計，今年該區固定資產投資可望突破1,000億元。
雄安連同京津冀其他地區嘅基建項目相繼動工，單計高鐵項目，今年就能帶動水泥需求增加1,000萬噸，金隅（2009）同該集團持股嘅冀東水泥（深：000401）最為受惠，皆因兩者喺京津冀嘅產能合計佔比高達六成。金隅現價2.56元，升穿頭肩底頸線。
割柑人
本欄逢周二刊出
長青網 - 一站式長者及護老者生活資訊網站
鶴叔此行，唔係加碼買貨、擴大市場准入就拆得掂，最棘手嘅，係拆解經濟結構問題，包括知識產權、技術轉移等。不過，睇美國總統特朗普連日唱好中美貿易談判，照計點都會傾掂個協議框架。
中國剛公佈嘅上季GDP顯示，受中美貿易戰影響，工業減速、投資不振，增長降至6.4%。數據符合預期，救市憧憬持續。恒指昨日收報27196，一度升穿前浪頂27260，此為雙底頸線阻力，後市若能企穩其上，量度升幅可見29980。
中美貿易談判，預計仍係未來幾周主導股市嘅關鍵。睇返舊年5月中鶴叔訪美前出現升市，估計大市喺佢月底訪美前仍有上升空間。不過，要注意嘅係，就算「鶴」同「鷹」達成協議，貿易戰偃旗，但關稅嘅威脅唔會即刻消失，受影響嘅產業，投資風險亦唔會即刻消散。
阿爺勢將加碼刺激經濟，不妨留意國策股如基建、內房、5G等。講到基建股，習主席近排喺京津冀一帶考察，第一站就係濶別兩年、被佈局為「千年大計」嘅河北雄安新區。隨着雄安規劃落實，市場估計，今年該區固定資產投資可望突破1,000億元。
雄安連同京津冀其他地區嘅基建項目相繼動工，單計高鐵項目，今年就能帶動水泥需求增加1,000萬噸，金隅（2009）同該集團持股嘅冀東水泥（深：000401）最為受惠，皆因兩者喺京津冀嘅產能合計佔比高達六成。金隅現價2.56元，升穿頭肩底頸線。
割柑人
本欄逢周二刊出
長青網 - 一站式長者及護老者生活資訊網站
留言 (0)
