集會者心聲：病人瞓走廊　姑娘心痛

【蘋果日報】明愛醫院急症室護士陳小姐任職護士逾20年，她指出席遊行不是因為自己工作辛苦，而是為了病人情況發聲，心痛看到病人「瞓走廊」私隱全無，「平時有道簾隔一隔，依家一擘大眼周圍都係人」。她批評政府多年來沒改善情況，流感年年發生，當局應增加護士培訓、解決人手不足問題，「其實大約五年前已經開始有問題，點解到依家都唔預先規劃？」她又指難以想像他日若自己有需要入住病房，得到的醫療服務是如何。
男護斥局方請臨時工
現職急症室護士陳先生入行五年，曾在內科病房工作，他批評局方過去所謂增加人手，「其實係請agency nurse（中介護士），唔熟手變相幫到嘅嘢唔多」。他回想剛入職時護士病人比例已高達1比16，「一個病房其實個基數係38人，收到48人我已經做到好黐線，依家據我所知去到56、57都好似好等閒」。他指最大問題是人手及儀器不足，而急症室情況同樣嚴峻，「依家去醫院等24個鐘好似好等閒；同事好努力解決問題但唔得囉。」
懷孕護士促豁免返夜
現行制度下，護士要懷孕32周才可豁免夜更工作，懷孕37周護士黃小姐出指，懷孕後值班時同事亦會擔心，「返夜得兩個人，你大住個肚，同你返工嘅都辛苦，有時夜晚要過床等等，佢寧願做埋你嗰份，唔擔心整親你個人都擔心整親BB」。她希望所有懷孕護士可豁免夜更工作，並批評局方着重文件多於病人得到的醫療質素，舉例現時監測心跳等儀器非常不足，「就算搵到機，都要拉住好多拖板，拖嚟拖去」。
長青網 - 一站式長者及護老者生活資訊網站