「續患者」停治療　處處撞板

【蘋果日報】「好多時我已經好用心、好盡力去做，但其他人會輕視、會唔信。」26歲的阿軒讀幼稚園時確診ADHD，由於被同學歧視，中學階段「扮好返」，未再接受藥物治療。受病情影響，他難以集中注意力，中四輟學，更加入黑社會，濫用大麻及冰毒。一次差點喪命的經歷令他走回正途，但之後在工作上仍處處撞板，三年前接受評估，才知ADHD病徵仍在，接受治療後情況好轉，工作表現亦有改善。
轉介精神科　 生活回正軌
阿軒稱，年幼時常坐不定，老師視他為「難搞」分子，長大後做事不專心，「明明做緊一樣嘢，突然諗起有其他嘢搞，就會轉去做其他，唔記得原本做緊嗰樣」；做事亦很多甩漏，「細節嘢可以做晒，但大路嘢就漏」，上司會認為他無心裝載，女友覺得他沒有承擔。明明已盡力做但得不到肯定，他情緒低落，更萌生自殺念頭，到急症室求助獲轉介精神科治療始有好轉。
數年前他曾在坊間尋找私人精神科服務，查詢下每小時收費800元，無力負擔惟有放棄，至三年前獲中大邀請接受評估，才確認仍有ADHD病徵，之後一直接受藥物治療，工作表現改善，生活也回到正軌。
同樣26歲的Tommy，小三時確診ADHD，中二停止覆診，兩年多前做評估後才繼續治療。他指小時候周身郁、坐不定，長大後雖有改善，但說話上較有攻擊性，經常打斷人說話，時間管理較差，健忘等一直未有改善。他大專時讀醫療科學，現在護老院任保健員，工作上需專注及有很好的組織能力，及良好時間管理；為避免工作上有甩漏，他用兩本記事簿記下注意事項，同事亦不時提點，以求有更好工作表現。
■記者嚴敏慧
長青網 - 一站式長者及護老者生活資訊網站