成功需奮鬥　靚女更要加把勁

【蘋果日報】滙豐香港一姐施穎茵（Diana）是中葡混血兒，樣子標緻，相信從小到大「靚女」稱譽已伴隨成長。對於「靚女係咪特別有着數」，平凡眾生可能都很想探究，這位香港女舵手如此回應：「首先我覺得太誇獎啦，太誇獎啦，不過我都好appreciate（感謝稱讚）……如果有（着數），我就冇感受到啦，哈哈哈。」
或許像富二、三代，為要擺脫靠父幹影子，便得加倍努力搏到盡，證明自己有實力兼有腦。Diana也舉了個例子，說明成功需奮鬥。「我用一個比喻講，好多靚仔靚女明星藝人，可能絕大部份人覺得，佢哋係靚仔靚女唔識做戲嘅，於是你要特別再加把勁，去convince（說服）大家，覺得真係做到戲喎……」
06年帶頭減按息　震撼業界
除了混血兒特徵，她估計可能與自己成日喜歡笑，「人哋覺得friendly（友善）啲」，讓人較容易記憶有關。說到底，被人稱讚靚女，她坦率表示，「一定唔係negative（負面），但你話係咪好postive（正面）？我又覺得未必囉。」
畢竟一姐的職場是金融世界，交唔交到數、成績是否達標才最實際。20年來，施穎茵在滙豐香港及亞太區市場，不同業務崗位及產品部門之間，穿疏調遷，拾級而上。
外界對一姐印象最深，當數2006年初她帶頭「劈價」減按息一役。當年伊人擔任滙豐亞太區個人理財業務存款、按揭及專項業務主管，趁年初閃電出招，提供全城最低浮息按揭，震撼業界，亦為她贏得「按揭一姐」的美譽。
長青網 - 一站式長者及護老者生活資訊網站