新聞類別
財經
詳情#
【蘋果日報】
今時今日，齋睇股市，都有唔少人隔幾日就用「貿戰紓緩」去解釋升市。如果你問孫柏文，我只可以話就算雙方高調行出來話「有進展」，我都唔信。因兩面都出晒名反口當食生菜。咁點先會信打完？一定要有某啲迹象出現，我先信。
首先，當然係美帝收兵唔打嘅迹象。要我估，一定要股市大插之餘，啲人信美股市跌係因貿戰。直到舊年年尾，其實市跌迫侵侵唔打，係有啲用。不過當聯儲局主席行出來淆底講兩句，股市已大彈，即係再跌就只因聯儲局又重拾收緊路，同貿戰無關。所以好難會見美帝自動唔打落去。
如果係咁，即係要強國自己投降。咁之前，我見啲有國際關係文憑嘅記者，話大陸又買大豆餵豬，係「釋出善意」喎。如果憑呢啲級數嘅招數就搞掂，入美大陸貨依家就唔使日日交關稅啦！
美帝鬧強國有六項。其中一個，就係要大陸零補貼啲工業。而一樣奧巴馬時代已鬧嘅位，就係大陸造鋁業。最肉酸嗰單，肯定係十幾年前由零開始，不論鋁價幾低，自己成本有幾高，污染有幾嚴重，都不斷瘋狂增產至產能世界第一嘅宏橋集團（1378）。
老實，你可以跟港交所般信佢盤數。不過如果有日，國家突然攞佢開刀，佢忽然產能（唔係產量）大減，甚至爆咗。就真係國家釋出真．善意之時。一日宏橋繼續走現路，一日貿戰都未覺完。
孫柏文
獨立股評人
http://fb.com/shuen
本欄逢周二刊出
長青網 - 一站式長者及護老者生活資訊網站
今時今日，齋睇股市，都有唔少人隔幾日就用「貿戰紓緩」去解釋升市。如果你問孫柏文，我只可以話就算雙方高調行出來話「有進展」，我都唔信。因兩面都出晒名反口當食生菜。咁點先會信打完？一定要有某啲迹象出現，我先信。
首先，當然係美帝收兵唔打嘅迹象。要我估，一定要股市大插之餘，啲人信美股市跌係因貿戰。直到舊年年尾，其實市跌迫侵侵唔打，係有啲用。不過當聯儲局主席行出來淆底講兩句，股市已大彈，即係再跌就只因聯儲局又重拾收緊路，同貿戰無關。所以好難會見美帝自動唔打落去。
如果係咁，即係要強國自己投降。咁之前，我見啲有國際關係文憑嘅記者，話大陸又買大豆餵豬，係「釋出善意」喎。如果憑呢啲級數嘅招數就搞掂，入美大陸貨依家就唔使日日交關稅啦！
美帝鬧強國有六項。其中一個，就係要大陸零補貼啲工業。而一樣奧巴馬時代已鬧嘅位，就係大陸造鋁業。最肉酸嗰單，肯定係十幾年前由零開始，不論鋁價幾低，自己成本有幾高，污染有幾嚴重，都不斷瘋狂增產至產能世界第一嘅宏橋集團（1378）。
老實，你可以跟港交所般信佢盤數。不過如果有日，國家突然攞佢開刀，佢忽然產能（唔係產量）大減，甚至爆咗。就真係國家釋出真．善意之時。一日宏橋繼續走現路，一日貿戰都未覺完。
孫柏文
獨立股評人
http://fb.com/shuen
本欄逢周二刊出
長青網 - 一站式長者及護老者生活資訊網站
留言 (0)
