哮喘鼻敏感兒童只宜打針

【蘋果日報】兒童害怕打針或是受到家長影響。公共衞生醫學專科醫生江永明表示，家長常在小朋友打針前說出「唔使驚、打針唔痛㗎」等安慰說話，其實反而會令子女心生恐懼，抗拒打針，「小朋友可能唔係好知道究竟係發生咩事，但無端端同佢講唔使驚，根本就係講畀佢聽打針可能會痛」。若小朋友真的很抗拒打針，強行注射反而令他們產生壞印象，日後抗拒反應或會更大。
家長應幫子女分心
江建議家長帶子女打針或接種疫苗時，應以令他們分心作為策略，「同佢哋講吓開心嘅嘢，譬如去過邊度玩，將會去邊度旅行，幫佢哋分心就係最好嘅方法」。家長亦可在子女打針前播放動畫，或承諾打針後給予獎勵。
江稱，以其開設的診所為例，同時有購入針劑流感疫苗及噴鼻式流感疫苗，期望給家長提供多一個選擇。家長若發現子女對針劑疫苗較抗拒，可選擇改用噴鼻式流感疫苗，切勿因子女哭鬧就不為其接種流感疫苗。不過，他亦提醒家長應注意噴鼻式流感疫苗的限制，若子女屬患有哮喘的二至四歲小童，或當日出現鼻敏感症狀，則應改為接種傳統針劑疫苗。
■記者何家朗
長青網 - 一站式長者及護老者生活資訊網站