新聞類別
財經
詳情#
【蘋果日報】香港Startup故事大多是度條好橋，找「天使」投資，然後ABCDE輪融資，最後上市。今次主角黎文（Leon），並非外國名牌大學畢業，亦非金融才俊出身，欠缺兩大「先決條件」，創立女性時裝網購平台MyDress後，2015年曾獲《南華早報》斥4,000萬元收購，奈何最終告吹，Leon唯有面對現實，不再追Top line，搵方法賺錢。經歷五年時間，MyDress達成過億生意目標，靠賣Bra扭轉乾坤，成為少數賺錢的Startup。
記者：陳新政
「海歸派banker」這條Startup方程式，坊間聽到厭，而只在淘寶工作過的Leon，明顯輸在起跑線。他形容創立MyDress是「All in一鋪」，沒有退路，2013年創立公司，兩年後便獲南早提購，算是有點成績，「做咗兩年就得到認同，有公司肯收購，已諗緊未來三年計劃。」2016年馬雲入主南早，令交易告吹，突然少了一條大水喉，對Startup可算致命傷，「嗰刻我幾晴天霹靂，點同班兄弟交代」？
失財團支持 堅拒裁員
他意識到作為初創，尤其是網購平台，不能靠融資燒錢，不能只追求爆發性增長，在有限資源下，要靠自身營運去維持公司發展：「以前啲e-commerce，一路追topline，每年講緊100%、200%、300%咁增長。我哋要踏實啲，諗點維持生命先。」失去大財團支持後，Leon堅持一點，就是不裁走任何一位員工：「投資者經過一年後話要炒人，咁我哋根本唔係傳統公司，唔會有一千幾百人可以裁員嘅，同埋Startup公司，如果你裁員，機會就冇㗎啦。」
Leon選擇踏實去增加品牌數目，但不以減價去搶市佔率，靠同事拍短片宣傳吸客，網購平台要變現盈利十分困難：「冇得同人鬥平，淘寶千千萬萬件衫，我哋要做返香港特色。」他想出在網站賣Bra，更以無條件14日退貨吸客，「佢着deep V嘅晚裝，唔會拎幾套去舖頭試，咁你網上買返去，屋企private地試會更舒服。」
女同事試用拍片推銷
同時，女同事以教學模式拍廣告片推銷，親身上陣試Bra，較model照片更貼地，「女同事自己試完，由佢哋用家角度去Present。」在去年「雙十一」及「雙十二」，一晚內便賣出數千個Bra。去年Mydress生意額已由八位數升至突破一億元，更錄得盈利，會員人數達30萬，不需要靠融資便可持續經營：「過程好痛苦，因為好多生意係靠capital去增長，老實講我哋都有搵新投資者，但我哋理念已改變咗，如果只係要公司跑數的話，end up盤生意做幾多收入都係要輸嘅。」
香港市場細，網購平台競爭激烈，但Leon認為香港市場仍有拓展空間，「細仲好，買件衫可以幾小時就送到唔係天方夜譚。」同時，港人對網購心態已成熟，惟商家反而未接受：「試過同個女去買件衫，舖頭話冇size，另一間舖要去到好遠先有，幫唔到手。但之後我就去online shop搵，結果就買到！」他認為店舖的零售職員有跑數壓力，不會主動叫客人網購，站在老闆立場，網站或實體店出售都一樣，「錢都係入返老闆個袋，但好多人忽略咗網站，留唔住個客人。」
他又指港人其實對網購十分在行，每年均有大量人從海外網站買平靚正的筍貨，甚至衍生代購網站，有獨立團隊的Mydress這種一站式網站，因此有生存空間：「我有晒倉庫、客服、設計，可以幫品牌慳好多成本。」
記者：陳新政
「海歸派banker」這條Startup方程式，坊間聽到厭，而只在淘寶工作過的Leon，明顯輸在起跑線。他形容創立MyDress是「All in一鋪」，沒有退路，2013年創立公司，兩年後便獲南早提購，算是有點成績，「做咗兩年就得到認同，有公司肯收購，已諗緊未來三年計劃。」2016年馬雲入主南早，令交易告吹，突然少了一條大水喉，對Startup可算致命傷，「嗰刻我幾晴天霹靂，點同班兄弟交代」？
失財團支持 堅拒裁員
他意識到作為初創，尤其是網購平台，不能靠融資燒錢，不能只追求爆發性增長，在有限資源下，要靠自身營運去維持公司發展：「以前啲e-commerce，一路追topline，每年講緊100%、200%、300%咁增長。我哋要踏實啲，諗點維持生命先。」失去大財團支持後，Leon堅持一點，就是不裁走任何一位員工：「投資者經過一年後話要炒人，咁我哋根本唔係傳統公司，唔會有一千幾百人可以裁員嘅，同埋Startup公司，如果你裁員，機會就冇㗎啦。」
Leon選擇踏實去增加品牌數目，但不以減價去搶市佔率，靠同事拍短片宣傳吸客，網購平台要變現盈利十分困難：「冇得同人鬥平，淘寶千千萬萬件衫，我哋要做返香港特色。」他想出在網站賣Bra，更以無條件14日退貨吸客，「佢着deep V嘅晚裝，唔會拎幾套去舖頭試，咁你網上買返去，屋企private地試會更舒服。」
女同事試用拍片推銷
同時，女同事以教學模式拍廣告片推銷，親身上陣試Bra，較model照片更貼地，「女同事自己試完，由佢哋用家角度去Present。」在去年「雙十一」及「雙十二」，一晚內便賣出數千個Bra。去年Mydress生意額已由八位數升至突破一億元，更錄得盈利，會員人數達30萬，不需要靠融資便可持續經營：「過程好痛苦，因為好多生意係靠capital去增長，老實講我哋都有搵新投資者，但我哋理念已改變咗，如果只係要公司跑數的話，end up盤生意做幾多收入都係要輸嘅。」
香港市場細，網購平台競爭激烈，但Leon認為香港市場仍有拓展空間，「細仲好，買件衫可以幾小時就送到唔係天方夜譚。」同時，港人對網購心態已成熟，惟商家反而未接受：「試過同個女去買件衫，舖頭話冇size，另一間舖要去到好遠先有，幫唔到手。但之後我就去online shop搵，結果就買到！」他認為店舖的零售職員有跑數壓力，不會主動叫客人網購，站在老闆立場，網站或實體店出售都一樣，「錢都係入返老闆個袋，但好多人忽略咗網站，留唔住個客人。」
他又指港人其實對網購十分在行，每年均有大量人從海外網站買平靚正的筍貨，甚至衍生代購網站，有獨立團隊的Mydress這種一站式網站，因此有生存空間：「我有晒倉庫、客服、設計，可以幫品牌慳好多成本。」
留言 (0)
