新聞類別
港聞
詳情#
【蘋果日報】藍塘傲業主收樓收到一肚火的又豈只一個，伍先生以約570萬元買入藍塘傲437方呎單位，其母伍太太第一眼看見房間地板發黑就擰擰頭，她最擔心廁所地台去水問題，日後浸霉客廳地板就「弊傢伙」，「500幾萬嘅樓喺我心目中質素好好，點知收樓望過啲嘢係一般！」
伍太獨力養大兩名兒子，大仔早年靠自己在東涌買樓，細仔則在公屋定居，自問無本事幫助兒子支付首期，兩年前細仔將捱足十年的血汗錢作為首期，以約570萬元買入藍塘傲一個437方呎單位。她指，細仔做份正職加兼職，日以繼夜工作，兩人雖同住一間屋，但最長有十日無見面。
伍太勸過兒子注意健康，但兒子說：「為咗層樓冇辦法，香港生活個個都係咁。」值得嗎？伍太覺得：「一半半啦，一半覺得值得係趁後生，呢段時間係需要捱，叫佢休息吓，佢話冇得選擇，因為佢真係為咗錢，畀兩成首期計埋雜費都百四、百五萬，工作量咪要多囉！另外一半就係擔憂佢身體，始終係辛苦！」兩年多前買樓，今日樓價轉勢，伍太回應：「買嗰時香港嘅樓不停起價，冇諗到將來起定跌，佢惟有趁後生搵到錢嘅時候博一博。二手樓都有同阿仔講過，但建議買新樓，因為二手市場都唔係平得去邊，不如索性買新樓。」
廁所去水慢 玻璃崩裂
收樓後，伍太指：「去水位唔係咁好，塞起上嚟，因為客廳用木地，浸咗起過又要錢，好擔憂呢個問題，露台去水位去得慢，兩個去水位都唔好，尤其廁所。有幾個業主講過廁所吸嘴做得唔好、有個窿，我好擔心，如果廁所去水去得唔好，滲出嚟地板咪發霉。仲有房間同廁所之間嘅趟門冇門鎖……牆身凹凸不平多波浪紋。」
資深驗樓師賴達明驗收上述單位，露台去水暢順，惟浴室地台「科水」不足，即地面微斜內向去水位，不過近年新樓浴室地板採用易潔物料，鼓勵使用濕布擦洗，而不鼓勵用大量清水。至於房間地板發黑，經儀器檢測後相信並非發霉，現場亦沒有霉味，料是木材物料問題。
賴指廳房玻璃窗不是出現普通刮花裂紋、而是崩裂，肉眼可見凹入，日後打風吹爆玻璃機會高，建議業主要求發展商更換。另外，企缸兩地磚出現裂紋，不是石紋，摸落感到起級，由於處於企缸位置長期用水，清水會揳入磚底，有滲漏風險，認為有需要更換。
藍塘傲發言人表示正與業主聯絡預約上門維修日期，就單位業主提出的意見已第一時間跟進及處理。
■記者陳家雄
長青網 - 一站式長者及護老者生活資訊網站
伍太獨力養大兩名兒子，大仔早年靠自己在東涌買樓，細仔則在公屋定居，自問無本事幫助兒子支付首期，兩年前細仔將捱足十年的血汗錢作為首期，以約570萬元買入藍塘傲一個437方呎單位。她指，細仔做份正職加兼職，日以繼夜工作，兩人雖同住一間屋，但最長有十日無見面。
伍太勸過兒子注意健康，但兒子說：「為咗層樓冇辦法，香港生活個個都係咁。」值得嗎？伍太覺得：「一半半啦，一半覺得值得係趁後生，呢段時間係需要捱，叫佢休息吓，佢話冇得選擇，因為佢真係為咗錢，畀兩成首期計埋雜費都百四、百五萬，工作量咪要多囉！另外一半就係擔憂佢身體，始終係辛苦！」兩年多前買樓，今日樓價轉勢，伍太回應：「買嗰時香港嘅樓不停起價，冇諗到將來起定跌，佢惟有趁後生搵到錢嘅時候博一博。二手樓都有同阿仔講過，但建議買新樓，因為二手市場都唔係平得去邊，不如索性買新樓。」
廁所去水慢 玻璃崩裂
收樓後，伍太指：「去水位唔係咁好，塞起上嚟，因為客廳用木地，浸咗起過又要錢，好擔憂呢個問題，露台去水位去得慢，兩個去水位都唔好，尤其廁所。有幾個業主講過廁所吸嘴做得唔好、有個窿，我好擔心，如果廁所去水去得唔好，滲出嚟地板咪發霉。仲有房間同廁所之間嘅趟門冇門鎖……牆身凹凸不平多波浪紋。」
資深驗樓師賴達明驗收上述單位，露台去水暢順，惟浴室地台「科水」不足，即地面微斜內向去水位，不過近年新樓浴室地板採用易潔物料，鼓勵使用濕布擦洗，而不鼓勵用大量清水。至於房間地板發黑，經儀器檢測後相信並非發霉，現場亦沒有霉味，料是木材物料問題。
賴指廳房玻璃窗不是出現普通刮花裂紋、而是崩裂，肉眼可見凹入，日後打風吹爆玻璃機會高，建議業主要求發展商更換。另外，企缸兩地磚出現裂紋，不是石紋，摸落感到起級，由於處於企缸位置長期用水，清水會揳入磚底，有滲漏風險，認為有需要更換。
藍塘傲發言人表示正與業主聯絡預約上門維修日期，就單位業主提出的意見已第一時間跟進及處理。
■記者陳家雄
長青網 - 一站式長者及護老者生活資訊網站
留言 (0)
