新聞類別
副刊
詳情#
【蘋果日報】HMV巨人的倒下，被視為唱片業急速萎縮的預警，不過仍有人深耕細作，希望為舊黑膠碟尋出路。屹立33年的唱片店Vinyl Hero，由店主Paul哥多年來傾盡所有，收購30萬張幾近淪為垃圾的二手黑膠，視如孤兒仔「收養」在倉庫珍而重之。大半生與碟同眠，只為等候知音人賞識重見天日。
記者：莫家文 攝影：溫瑞麟
走進深水埗樓上舖Vinyl Hero，像存倉多於唱片店，數十隻不同種類的二手黑膠碟收在紙皮箱內，箱叠箱至成人般高，中間只留一條通道，容許一至兩人走過，要在碟海中尋找，很容易迷失，不過只管說出歌星或專輯名字，現年61歲的店主Paul哥擒高趴低，便很快在紙箱陣中準確找出目標，笑言自己像森林中的泰山，「你見到咁多紙皮箱好似見到成個森林咁，分唔清邊隻碟打邊隻，但係如果你係泰山，就會識得分森林內每棵樹嘅位置」。
「香港人鍾意丟嘢，83年已經有人丟緊六、七十年代嘅黑膠。」
Paul哥穿着和生活都很隨意，頭戴鴨舌帽，身穿短衫短褲兼踢拖，起居飲食大多在唱片店內完成，原本店內有一間房用作就寢休息，但黑膠數量太多，店內至少存放三萬張，最後連起居室也被侵佔，「（黑膠）孤兒仔太多，依家瞓覺直接喺通道中間鋪張床就算」，他苦笑。
他選擇與碟共眠，視拯救黑膠為人生中唯一使命。1957年出生於越南的Paul哥，在胡志明巿長大，八、九歲時越戰時期美軍駐越，開始收聽美軍電台，加上嬉皮士文化在當地流行，開始迷上The Carpenters及Bee Gees等美國音樂，他還記得當年黑膠碟不便宜，「好多都係美軍留低嘅二手碟，價格好高，每隻至少要四千越南盾，相當於當地一個月人工」。學生時代的他，只能將黑膠音樂錄於卡式帶，再與同學交換分享。
其後越戰白熱化，男丁年屆18歲被強制推上戰場，母親見不對頭，讓他17歲時帶着金器孤身乘船偷渡來港，蝸居於北角木屋區，同時令他走入黑膠的花花世界中，「香港有好多越南華僑，靠介紹做酒店練習生，嗰陣時月薪300蚊，我捨得花廿蚊買一隻黑膠」。其後他越儲越多，1983年因北角住所清拆，他遷至深水埗天台屋發現寶藏，「香港人鍾意丟嘢，83年已經有人丟緊六、七十年代嘅黑膠，由於佢哋要丟去垃圾池，所以可以用好平嘅價錢去買，以前恨唔到嘅，依家唾手可得」，為他賣二手黑膠打下奠基石。
其後Paul哥越儲越多，認識不少黑膠知音人，1984年開始在深水埗擺地攤賣黑膠為生，其後越做越大，先租地舖，至2004年正式上樓，租用惠康大廈五樓一間面積約800呎的單位經營二手黑膠店，目前廣為人知，不但有外國旅客來港慕名上門尋寶，2018年9月成為旅發局推廣深水埗遊的其中一間必遊老店。
任誰都沒想到的是，Paul哥除了經營二手唱片店，早年獨具慧眼，2001至2009年間合共花費240萬元，先後買入屯門五個工廈貨庫，成為合共逾萬呎貨倉的業主，「隨便租一個倉出去，一個月閒閒哋收二萬蚊」。不過他選擇儲碟而非收租，「九十年代CD流行，丟黑膠丟得最凶，我嘅任務係由危險嘅地方救走，由堆填區救返去安全嘅地方，用晒我所有錢都唔緊要」。現時估計倉內黑膠多達30萬張，只待適當時間讓其重光，例如剛過的聖誕節及除夕，有樂迷專誠尋找應節歌，他在倉內翻出七、八十年代日版或美版樂曲放於當眼處，讓「孤兒仔」不至永無天日。
「點解我咁愛？因為黑膠係一個人，例如張國榮走咗，佢有把聲活喺裏面。」
大半生孑然一身，媽媽及胞弟已移民外國，Paul哥唯一牽絆的是，「20幾年前同菲律賓女朋友生咗個女，依家佢21歲，剛喺城大畢業，咁多年都冇同佢住，有時佢會探吓我，我都好開心」。說來雲淡風輕，始終他心繫黑膠，「點解我咁愛？因為黑膠係一個人，例如張國榮走咗，佢有把聲活喺裏面，你整死一張等如整死一個張國榮……而且黑膠好處係唔怕暴曬或受化學劑侵蝕，三、四十年音色如舊，但埋入地下難以分解，我救得一隻得一隻，只係想其他人知道唔好淨係識買新碟，舊碟都係寶，買二手都係支持環保」。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
記者：莫家文 攝影：溫瑞麟
走進深水埗樓上舖Vinyl Hero，像存倉多於唱片店，數十隻不同種類的二手黑膠碟收在紙皮箱內，箱叠箱至成人般高，中間只留一條通道，容許一至兩人走過，要在碟海中尋找，很容易迷失，不過只管說出歌星或專輯名字，現年61歲的店主Paul哥擒高趴低，便很快在紙箱陣中準確找出目標，笑言自己像森林中的泰山，「你見到咁多紙皮箱好似見到成個森林咁，分唔清邊隻碟打邊隻，但係如果你係泰山，就會識得分森林內每棵樹嘅位置」。
「香港人鍾意丟嘢，83年已經有人丟緊六、七十年代嘅黑膠。」
Paul哥穿着和生活都很隨意，頭戴鴨舌帽，身穿短衫短褲兼踢拖，起居飲食大多在唱片店內完成，原本店內有一間房用作就寢休息，但黑膠數量太多，店內至少存放三萬張，最後連起居室也被侵佔，「（黑膠）孤兒仔太多，依家瞓覺直接喺通道中間鋪張床就算」，他苦笑。
他選擇與碟共眠，視拯救黑膠為人生中唯一使命。1957年出生於越南的Paul哥，在胡志明巿長大，八、九歲時越戰時期美軍駐越，開始收聽美軍電台，加上嬉皮士文化在當地流行，開始迷上The Carpenters及Bee Gees等美國音樂，他還記得當年黑膠碟不便宜，「好多都係美軍留低嘅二手碟，價格好高，每隻至少要四千越南盾，相當於當地一個月人工」。學生時代的他，只能將黑膠音樂錄於卡式帶，再與同學交換分享。
其後越戰白熱化，男丁年屆18歲被強制推上戰場，母親見不對頭，讓他17歲時帶着金器孤身乘船偷渡來港，蝸居於北角木屋區，同時令他走入黑膠的花花世界中，「香港有好多越南華僑，靠介紹做酒店練習生，嗰陣時月薪300蚊，我捨得花廿蚊買一隻黑膠」。其後他越儲越多，1983年因北角住所清拆，他遷至深水埗天台屋發現寶藏，「香港人鍾意丟嘢，83年已經有人丟緊六、七十年代嘅黑膠，由於佢哋要丟去垃圾池，所以可以用好平嘅價錢去買，以前恨唔到嘅，依家唾手可得」，為他賣二手黑膠打下奠基石。
其後Paul哥越儲越多，認識不少黑膠知音人，1984年開始在深水埗擺地攤賣黑膠為生，其後越做越大，先租地舖，至2004年正式上樓，租用惠康大廈五樓一間面積約800呎的單位經營二手黑膠店，目前廣為人知，不但有外國旅客來港慕名上門尋寶，2018年9月成為旅發局推廣深水埗遊的其中一間必遊老店。
任誰都沒想到的是，Paul哥除了經營二手唱片店，早年獨具慧眼，2001至2009年間合共花費240萬元，先後買入屯門五個工廈貨庫，成為合共逾萬呎貨倉的業主，「隨便租一個倉出去，一個月閒閒哋收二萬蚊」。不過他選擇儲碟而非收租，「九十年代CD流行，丟黑膠丟得最凶，我嘅任務係由危險嘅地方救走，由堆填區救返去安全嘅地方，用晒我所有錢都唔緊要」。現時估計倉內黑膠多達30萬張，只待適當時間讓其重光，例如剛過的聖誕節及除夕，有樂迷專誠尋找應節歌，他在倉內翻出七、八十年代日版或美版樂曲放於當眼處，讓「孤兒仔」不至永無天日。
「點解我咁愛？因為黑膠係一個人，例如張國榮走咗，佢有把聲活喺裏面。」
大半生孑然一身，媽媽及胞弟已移民外國，Paul哥唯一牽絆的是，「20幾年前同菲律賓女朋友生咗個女，依家佢21歲，剛喺城大畢業，咁多年都冇同佢住，有時佢會探吓我，我都好開心」。說來雲淡風輕，始終他心繫黑膠，「點解我咁愛？因為黑膠係一個人，例如張國榮走咗，佢有把聲活喺裏面，你整死一張等如整死一個張國榮……而且黑膠好處係唔怕暴曬或受化學劑侵蝕，三、四十年音色如舊，但埋入地下難以分解，我救得一隻得一隻，只係想其他人知道唔好淨係識買新碟，舊碟都係寶，買二手都係支持環保」。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
留言 (0)
