新聞類別
財經
詳情#
【蘋果日報】【人物專訪】陳燿陽（Johnson Chan）是已故教育家陳樹渠二子、97年港姐亞軍李明慧的丈夫，當年他沾手電訊股Sunday，甚至創立互聯網服務供應商GlobalNet，在電訊界甚有名氣。千禧年後神隱十幾年，原來已踏入美國電影業成為製片人，近年與妻子李明慧重新定居香港，「想幫香港做啲嘢，帶香港電影去荷里活。」
記者：周家誠
陳燿陽家族顯赫，叔公陳濟棠是粵系軍閥，人稱「南天王」；父親陳樹渠是著名教育家、地產商人，另一身份是戲院大亨，樂聲戲院、新聲戲院於50年代街知巷聞。陳樹渠1973年病逝，妻子陳麗玲接手家族業務，已甚少沾手電影行業，市傳家族資產至今過百億元。
未出世已流着電影的血
現年52歲的陳燿陽，與早逝父親未有緣談「拍攝電影經」，但遺傳對電影的熱愛，原來他未出世已經流着電影的血。「當時家族仲有戲院，我爭啲喺放映室出世，我媽咪當時負責買片，陀BB睇緊戲，試緊片就破羊水，不過佢話：『都唔會出住，睇埋片先啦！』點知好唔好意思，令到我媽咪要C-section（剖腹手術）我。」陳燿陽說。
小時候家教嚴，陳燿陽讀家族小學時，連食糖自由都沒有；入戲院睇戲就沒有阻撓，「所以我由細到大都好鍾意睇戲」。其後13歲到美國讀書，大學修讀會計系後，多年在地產及電訊業打拼，兜兜轉轉，與電影業重拾緣份，除了是有「戲院基因」，更是因為妻子李明慧。
陳燿陽2001年時毅然離開電訊業務，為自己所愛李明慧，離開是非之地到美國定居，當年是7月，「諗住喺美國安頓好，之後一年去中東旅遊，點知唔到兩個月911，成個計劃取消晒。」陰差陽錯，李明慧留在美國讀心理學，陳燿陽則到UCLA（加州大學洛杉磯分校）學製作電影，2003年更在美國成婚。
UCLA本身出產不少電影製作人，畢業前，他巧遇《凸務之王》製片人Jay Roach，一齊製作第一套戲《Smother》，「點解叫Smother？係講個媽咪成日圍住個仔，個仔啱啱結咗婚，想生細路仔，但媽咪成日喺佢屋企，唔畀佢哋有私人時間，壓迫感好高，其實係套笑片嚟。」
陳燿陽的作品圍繞女性市場，「有套《Locked Away》講一個未成年少女大肚，家人好反對，少女喺help group識到個太太幫佢，點知係想偷佢BB，呢啲劇情就好收得。」亦有些是社會議題賣座，例如《Being Charlie》講述年輕人在毒海與愛的故事、《The Perfect Match》則是一套黑人愛情喜劇故事。
「未試過有部戲賣唔出」
或許有人會質疑一位富二代拍電影是不是玩票性質，陳燿陽指電影也是商業，「每一套戲拍返嚟都要自己負責賣，未試過有部戲賣唔出，一定要有商業水準先賣到，我覺得我無離開過從商。」現時其作品主要是在電視頻道「A&E Network」播放，電影作品約16套。
在美國潛心製作多年，他未有打算將舞台搬到香港，原因是電影有地域性，「香港人睇開電視，見到明星效應，佢做下一套一定會睇，同埋故事會盡量寫得同現實貼啲，但好多時美國發生嘅同香港好唔同。」
他在香港長大，未來想將香港文化帶入荷里活，「有同好多香港拍片朋友傾計，未搵到最好機會住。」欠甚麼機會？「故事！最緊要好嘅故事！其實都搵到個，不過又要賣關子，因為籌備緊。」陳燿陽暗示合拍片題材會與佛教有關，原來他母親逝世後，自己亦已經皈依西方寺，「我係寬運法師嘅徒弟。」除了電影製作，他亦會參照《善生經》，寫一套舞台劇予西方寺。
長青網 - 一站式長者及護老者生活資訊網站
記者：周家誠
陳燿陽家族顯赫，叔公陳濟棠是粵系軍閥，人稱「南天王」；父親陳樹渠是著名教育家、地產商人，另一身份是戲院大亨，樂聲戲院、新聲戲院於50年代街知巷聞。陳樹渠1973年病逝，妻子陳麗玲接手家族業務，已甚少沾手電影行業，市傳家族資產至今過百億元。
未出世已流着電影的血
現年52歲的陳燿陽，與早逝父親未有緣談「拍攝電影經」，但遺傳對電影的熱愛，原來他未出世已經流着電影的血。「當時家族仲有戲院，我爭啲喺放映室出世，我媽咪當時負責買片，陀BB睇緊戲，試緊片就破羊水，不過佢話：『都唔會出住，睇埋片先啦！』點知好唔好意思，令到我媽咪要C-section（剖腹手術）我。」陳燿陽說。
小時候家教嚴，陳燿陽讀家族小學時，連食糖自由都沒有；入戲院睇戲就沒有阻撓，「所以我由細到大都好鍾意睇戲」。其後13歲到美國讀書，大學修讀會計系後，多年在地產及電訊業打拼，兜兜轉轉，與電影業重拾緣份，除了是有「戲院基因」，更是因為妻子李明慧。
陳燿陽2001年時毅然離開電訊業務，為自己所愛李明慧，離開是非之地到美國定居，當年是7月，「諗住喺美國安頓好，之後一年去中東旅遊，點知唔到兩個月911，成個計劃取消晒。」陰差陽錯，李明慧留在美國讀心理學，陳燿陽則到UCLA（加州大學洛杉磯分校）學製作電影，2003年更在美國成婚。
UCLA本身出產不少電影製作人，畢業前，他巧遇《凸務之王》製片人Jay Roach，一齊製作第一套戲《Smother》，「點解叫Smother？係講個媽咪成日圍住個仔，個仔啱啱結咗婚，想生細路仔，但媽咪成日喺佢屋企，唔畀佢哋有私人時間，壓迫感好高，其實係套笑片嚟。」
陳燿陽的作品圍繞女性市場，「有套《Locked Away》講一個未成年少女大肚，家人好反對，少女喺help group識到個太太幫佢，點知係想偷佢BB，呢啲劇情就好收得。」亦有些是社會議題賣座，例如《Being Charlie》講述年輕人在毒海與愛的故事、《The Perfect Match》則是一套黑人愛情喜劇故事。
「未試過有部戲賣唔出」
或許有人會質疑一位富二代拍電影是不是玩票性質，陳燿陽指電影也是商業，「每一套戲拍返嚟都要自己負責賣，未試過有部戲賣唔出，一定要有商業水準先賣到，我覺得我無離開過從商。」現時其作品主要是在電視頻道「A&E Network」播放，電影作品約16套。
在美國潛心製作多年，他未有打算將舞台搬到香港，原因是電影有地域性，「香港人睇開電視，見到明星效應，佢做下一套一定會睇，同埋故事會盡量寫得同現實貼啲，但好多時美國發生嘅同香港好唔同。」
他在香港長大，未來想將香港文化帶入荷里活，「有同好多香港拍片朋友傾計，未搵到最好機會住。」欠甚麼機會？「故事！最緊要好嘅故事！其實都搵到個，不過又要賣關子，因為籌備緊。」陳燿陽暗示合拍片題材會與佛教有關，原來他母親逝世後，自己亦已經皈依西方寺，「我係寬運法師嘅徒弟。」除了電影製作，他亦會參照《善生經》，寫一套舞台劇予西方寺。
長青網 - 一站式長者及護老者生活資訊網站
留言 (0)
