裝修豪宅　唔講錢講興趣

【蘋果日報】陳樹渠家族以寶聲集團為旗艦，掌舵人為陳樹渠大仔陳燿璋，陳燿陽則不時參與海外住宅發展，閒時亦會以「藝術家心態」設計及裝修豪宅。
陳燿陽與記者聊天時，本身不是談論電影，而是其位於羅便臣道一號的2,600呎複式單位，市價料最少近7,000萬元。大廈每層樓底高，已有「小複式」感覺，故單位猶如4層樓，「喺大廈入去，但好似一間屋咁，唔似單身公寓，高低感又有層次。」加上裝潢及名牌家具，市價隨時貼近億元。
陳燿陽說，用半年時間設計及選材，四個月時間裝潢，尤其滿意意大利傢俬品牌Giorgetti，「每件設計非常特別，好似勞斯萊斯咁你一睇就identify到」，他手指着一張書枱，「我真係未見過佢將木、皮、玻璃擺埋一齊擺得咁好㗎！
陳燿陽未有透露整個項目成本，「唔好講錢，呢個真係興趣，唔係可以好大量製作」，至於自住與否，他未有定案，「仲係好開心欣賞緊做咗出嚟嘅成果！」
事實上，陳燿陽從小已經參與地產，「陪屋企人開會，好細個睇住啲人點擺嘢，去遊埠睇唔同國家，酒店點擺設，係好有幫助。」未來他在香港仍然主力做自己喜愛的精品豪宅，暫時未有興趣參與本地大型住宅項目。
長青網 - 一站式長者及護老者生活資訊網站