新聞類別
港聞
詳情#
【蘋果日報】「每個年紀都有唔同理解能力，當時你覺得：我本來是個歌手，現在要做個反派，仲要斬人，我斯文形象冇晒……自己又倔強，唔肯簽電視台……唔可以話嘥時間，係自己條路好似停咗。
「有時都會唔開心。今時今日仲有人講：『你今次又係反派？』反派總帶住一種貶義。係解釋唔到，與其要解釋，不如唔好解釋。諗返轉頭，陳嘉上（導演）畀了我一個好好嘅轉捩點，起碼畀我喺娛樂圈好好生存落去。」
譚耀文說的是一九九八年港產片《野獸刑警》，當時票房八百多萬，卻拿了當年香港電影金像獎差不多所有獎項，應該說，可以得到的，都得到了：最佳電影最佳導演最佳編劇最佳男主角，最佳男配角是㩒釘華，啊，應該是譚耀文。
廿年過去，譚耀文的確好好生存下來。驀然回首，那個決定不過是個等價交易。失去的得到的，算一算，沒有誰欠誰。
大家可能已經忘記了，譚耀文是一九八八年新秀歌唱大賽的金獎得主，不計精選，他出過六張唱片，那年的銅獎得主叫鄭秀文；只是他選了不同的路，唱Jazz唱Rhythm and Blues，跟流行音樂漸行漸遠。
「係去到好極端。」他補充。
保守也好極端也好，都過去了。
譚耀文說，他是個向前看的人，還在努力追求自己的目標，只是他的「目標」和大家認知的「目標」可能有點落差。
那個下午，除了歲月風霜，譚耀文跟廿多年前出道時差不多，一樣的自信一樣的堅持。
假如記憶沒出錯，廿多年前的某個下午，我是訪問過他。
這次，應該是最後一次。
撰文：李志豪 《壹週刊》前總編輯
攝影：羅錦波
唔賣回憶
沒有戲拍的日子，譚耀文還是會躲在錄音室看樂譜，彈結他，一個人靜靜的學樂理。不是發夢復出，也不是為此營生，只是純粹喜歡。
「其實歌唱事業算是遺憾，但曾經擁有的，都幾豐富。是值得回味啊！攞到人家最好的cover version，翻唱Simply Red（英國組合），然後有香港最好填詞人林振強先生歌詞，林敏怡監製……
「懷念啊！現在大家不是好懷念那個年代嗎？不是好多人在開懷舊演唱會嗎？大家都在擁抱過去，害怕未來。」
既然如此懷念，為何不去電視台的流行經典唔知幾多年，大家穿條珠片裙着件螢光衫，跳跳十字舞，懷緬留不住的青春，雖然現在這年代，出現過都叫流行，閃一閃都是經典，最緊要自我感覺良好。
譚耀文說不了。
「其實個節目都搵了我三年，導演好有誠意，三年內託好多人找我，好appreciate。
「點解會推？我認知嘅自己唔係咁，我希望有一日假如做返歌手，係全面嘅；唔需要將回憶擺得太重。出來賣回憶？唔係，我係個向前追求嘅人，音樂樂理都仲學緊。為做歌手？為開演唱會？我都曾經不斷反問自己；其實好簡單，一個將近50歲嘅男人，唔愛打機，只不過希望喺音樂方面搵返自己。
「好多事好得意，做嘅時候唔去學；好似拍古裝，夾硬騎馬，好在冇跌死。到冇古裝拍，反而去學，現在叫做學識了，差在未跳欄；我諗音樂都係。上年，我用好多力做《風雲》音樂劇，冇人噓，叫做合格，但如果真真正正再做歌手，係冇可能一邊拍電影一邊唱歌。
「依家學結他，percussions（敲擊樂），可以自彈自唱。技巧上，對音樂認識都比當年好好多，但我已經唔相信自己可以再做歌手這件事。」
但做歌星好像是件很虛榮的事，識唱唔識唱都千方百計爭住唱……
「喺華星（唱片公司）嘅時候，如果以人多比較，我最幸福。起碼兩個助手，好多高層圍住你。有試過迷失，大家不停奉承你……其實唔可以講奉承，我又唔係皇帝：
『嘩！好型啊你！』
『好靚啊！』
『剛剛嗰個，得啊！』
『好掂！』
一個19、20歲嘅男仔，識幾多吖！真係以為係……依家回頭睇，就算係真，呢啲說話可能對一個人都無乜好處。
「依家有家庭，仔女都有兩個。我可以反過來照顧經理人、助手、宣傳。其他嘢冇需要。
「唔好講我入咗娛樂圈，就算未入我都唔鍾意約人食飯，嘻嘻哈哈。其實呢個圈好多人好selfish（自私），飲咗兩杯，唔係講自己有幾叻就講自己有幾慘，成日飲到醉晒，唔知為乜！由我唱歌年代開始，亦見過好多人一朝得志，語無倫次，唔係佢哋錯，係大家唔同。我怕㗎！一見到即刻閃。」
好定唔好
2000年至2012年，譚耀文比其他人行前很多，到大陸拍電影電視劇。不用熱身唔使適應，那些年，都是香港導演香港編劇；他不停拍不停拍，除了回來結婚，每年幾部電影一百集電視劇，好人反派照做，古裝現代通殺，日復日年復年，開始有點累，漸漸頭暈眼花。那一年，女兒出世。
是時候了。
「想睇住個女大。」譚耀文說。
「返香港拍電影唔容易，之前糧倉夠，你可以頂得住，但要pick up快。始終香港電影好有影響力，只要你有份參與，內地亞洲其他地方都會睇到。」
不是說市場一直萎縮嗎？
「呢行好得意，當你自己冇工開，就會怨：『呢行唔得嘞！』但隔籬嗰個又會講：『唔係噃！阿邊個邊個開緊戲噃！』有時好似冇，有時又好似好有生機。人點講，我唔介意，呢行唔會冇嘢做，不過是一年好啲一年差啲。
「可以選擇其實唔係好多，做演員，最開心係；拍完，無論一日戲又好十日戲都好，導演同你講：『唔該晒，阿譚！』『多謝你啊！多謝晒！』呢啲唔係用錢買到。」
樂觀好絕望好，人揀你你揀人；說到底，譚耀文過去一年還是拍了八部電影電視劇，還要有所堅持。
「電影係藝術，係藝術就唔可以濫做。唔係有錢就一定要搵。有啲事，做唔到你可能覺得好可惜，但做咗你又覺得好唔舒服，不如不做。條命係咁，惟有認命。
我都學緊
譚耀文2003年結婚，有個12歲的兒子一個6歲的女兒。女兒外向兒子內向。跟其他父母一樣，除了關心，還有費心。
「之前覺得佢stubborn（倔強），12歲，開始唔聽你意見，開始有自己睇法，你會驚佢做錯事，或者驚佢繼續stubborn，唔出聲做宅男。
「你唔逼佢就得，越逼就會越反抗。我諗佢叻嘅，細細個已經自己睇書，好鍾意乜都攞嚟玩，可以背晒天上所有星星個名，英文噃！佢應該有讀書天份，而且太太教育好好，呢方面冇擔心過。
「我擔心係做人。讀書幾叻都好，但你驕傲囂張冇禮貌睇唔起人，都係冇用。我做娛樂圈，見咁多嘢睇咁多人，知道生存重要性，點樣求生先係最緊要。
「我喺屋企係反派，太太做好人，我一出聲一定係話佢，judge佢，你承擔嘅風險係佢唔鍾意你。我諗所有老竇都一樣，點樣拿揑得準確，我都學緊。
「好認真，作為藝人，有時都顧唔掂自己情緒，好多男人，返到屋企，好攰唔想有表情唔想講嘢，但唔得嘛！嚴格嚟講，屋企都係戰場，好多流彈。」
法拉利
譚耀文說，兩個戰場，他都應付得來，雖然不至於得心應手，但危難焦急時，總會有人幫忙，家裏是太太，電影是合作多年的經理人。
要如何評價自己的大半生，譚耀文說了個故事。
有天，他和古天樂拍戲，古生剛好新車落地，相請不如偶遇，他順理成章做了第一個乘客，當場安全地合法地兜了個圈，主客盡歡。
「好多謝古仔，終於知道法拉利威力。」譚耀文說。
「以前同好多人一樣，都希望擁有超級跑車，住大屋，但睇返自己歷程，原來我一直將感覺放喺第一位。屋企人都話我自私，但我真係想做一個藝術家。
「冇遺憾，我自己目標同諗法從來一致，希望有日做到Al Pacino（阿爾柏仙奴），唔需要high profile（高調），唔需要八卦，但聽到個名，自然會睇。」
快樂時失落時，譚耀文還是會聽啟蒙他的音樂，Pink Floyd、Guns & Roses、Aerosmith、Unplugged的Eric Clapton、暗黑的玉置浩二，外加Tom Waits，這個年代，不太主流的音樂。但大家不要誤會，聽完以後不表示你遺世獨立或高人一等，正如看完韓劇，你也不相信自己會變宋慧喬或朴寶劍。
選擇而已品味而已，就看你能吸收多少，會否過電，沒有其他。
Make up: Alfred Tsang@hk seven sense Hair: Kieron Sun@hair culture
長青網 - 一站式長者及護老者生活資訊網站
「有時都會唔開心。今時今日仲有人講：『你今次又係反派？』反派總帶住一種貶義。係解釋唔到，與其要解釋，不如唔好解釋。諗返轉頭，陳嘉上（導演）畀了我一個好好嘅轉捩點，起碼畀我喺娛樂圈好好生存落去。」
譚耀文說的是一九九八年港產片《野獸刑警》，當時票房八百多萬，卻拿了當年香港電影金像獎差不多所有獎項，應該說，可以得到的，都得到了：最佳電影最佳導演最佳編劇最佳男主角，最佳男配角是㩒釘華，啊，應該是譚耀文。
廿年過去，譚耀文的確好好生存下來。驀然回首，那個決定不過是個等價交易。失去的得到的，算一算，沒有誰欠誰。
大家可能已經忘記了，譚耀文是一九八八年新秀歌唱大賽的金獎得主，不計精選，他出過六張唱片，那年的銅獎得主叫鄭秀文；只是他選了不同的路，唱Jazz唱Rhythm and Blues，跟流行音樂漸行漸遠。
「係去到好極端。」他補充。
保守也好極端也好，都過去了。
譚耀文說，他是個向前看的人，還在努力追求自己的目標，只是他的「目標」和大家認知的「目標」可能有點落差。
那個下午，除了歲月風霜，譚耀文跟廿多年前出道時差不多，一樣的自信一樣的堅持。
假如記憶沒出錯，廿多年前的某個下午，我是訪問過他。
這次，應該是最後一次。
撰文：李志豪 《壹週刊》前總編輯
攝影：羅錦波
唔賣回憶
沒有戲拍的日子，譚耀文還是會躲在錄音室看樂譜，彈結他，一個人靜靜的學樂理。不是發夢復出，也不是為此營生，只是純粹喜歡。
「其實歌唱事業算是遺憾，但曾經擁有的，都幾豐富。是值得回味啊！攞到人家最好的cover version，翻唱Simply Red（英國組合），然後有香港最好填詞人林振強先生歌詞，林敏怡監製……
「懷念啊！現在大家不是好懷念那個年代嗎？不是好多人在開懷舊演唱會嗎？大家都在擁抱過去，害怕未來。」
既然如此懷念，為何不去電視台的流行經典唔知幾多年，大家穿條珠片裙着件螢光衫，跳跳十字舞，懷緬留不住的青春，雖然現在這年代，出現過都叫流行，閃一閃都是經典，最緊要自我感覺良好。
譚耀文說不了。
「其實個節目都搵了我三年，導演好有誠意，三年內託好多人找我，好appreciate。
「點解會推？我認知嘅自己唔係咁，我希望有一日假如做返歌手，係全面嘅；唔需要將回憶擺得太重。出來賣回憶？唔係，我係個向前追求嘅人，音樂樂理都仲學緊。為做歌手？為開演唱會？我都曾經不斷反問自己；其實好簡單，一個將近50歲嘅男人，唔愛打機，只不過希望喺音樂方面搵返自己。
「好多事好得意，做嘅時候唔去學；好似拍古裝，夾硬騎馬，好在冇跌死。到冇古裝拍，反而去學，現在叫做學識了，差在未跳欄；我諗音樂都係。上年，我用好多力做《風雲》音樂劇，冇人噓，叫做合格，但如果真真正正再做歌手，係冇可能一邊拍電影一邊唱歌。
「依家學結他，percussions（敲擊樂），可以自彈自唱。技巧上，對音樂認識都比當年好好多，但我已經唔相信自己可以再做歌手這件事。」
但做歌星好像是件很虛榮的事，識唱唔識唱都千方百計爭住唱……
「喺華星（唱片公司）嘅時候，如果以人多比較，我最幸福。起碼兩個助手，好多高層圍住你。有試過迷失，大家不停奉承你……其實唔可以講奉承，我又唔係皇帝：
『嘩！好型啊你！』
『好靚啊！』
『剛剛嗰個，得啊！』
『好掂！』
一個19、20歲嘅男仔，識幾多吖！真係以為係……依家回頭睇，就算係真，呢啲說話可能對一個人都無乜好處。
「依家有家庭，仔女都有兩個。我可以反過來照顧經理人、助手、宣傳。其他嘢冇需要。
「唔好講我入咗娛樂圈，就算未入我都唔鍾意約人食飯，嘻嘻哈哈。其實呢個圈好多人好selfish（自私），飲咗兩杯，唔係講自己有幾叻就講自己有幾慘，成日飲到醉晒，唔知為乜！由我唱歌年代開始，亦見過好多人一朝得志，語無倫次，唔係佢哋錯，係大家唔同。我怕㗎！一見到即刻閃。」
好定唔好
2000年至2012年，譚耀文比其他人行前很多，到大陸拍電影電視劇。不用熱身唔使適應，那些年，都是香港導演香港編劇；他不停拍不停拍，除了回來結婚，每年幾部電影一百集電視劇，好人反派照做，古裝現代通殺，日復日年復年，開始有點累，漸漸頭暈眼花。那一年，女兒出世。
是時候了。
「想睇住個女大。」譚耀文說。
「返香港拍電影唔容易，之前糧倉夠，你可以頂得住，但要pick up快。始終香港電影好有影響力，只要你有份參與，內地亞洲其他地方都會睇到。」
不是說市場一直萎縮嗎？
「呢行好得意，當你自己冇工開，就會怨：『呢行唔得嘞！』但隔籬嗰個又會講：『唔係噃！阿邊個邊個開緊戲噃！』有時好似冇，有時又好似好有生機。人點講，我唔介意，呢行唔會冇嘢做，不過是一年好啲一年差啲。
「可以選擇其實唔係好多，做演員，最開心係；拍完，無論一日戲又好十日戲都好，導演同你講：『唔該晒，阿譚！』『多謝你啊！多謝晒！』呢啲唔係用錢買到。」
樂觀好絕望好，人揀你你揀人；說到底，譚耀文過去一年還是拍了八部電影電視劇，還要有所堅持。
「電影係藝術，係藝術就唔可以濫做。唔係有錢就一定要搵。有啲事，做唔到你可能覺得好可惜，但做咗你又覺得好唔舒服，不如不做。條命係咁，惟有認命。
我都學緊
譚耀文2003年結婚，有個12歲的兒子一個6歲的女兒。女兒外向兒子內向。跟其他父母一樣，除了關心，還有費心。
「之前覺得佢stubborn（倔強），12歲，開始唔聽你意見，開始有自己睇法，你會驚佢做錯事，或者驚佢繼續stubborn，唔出聲做宅男。
「你唔逼佢就得，越逼就會越反抗。我諗佢叻嘅，細細個已經自己睇書，好鍾意乜都攞嚟玩，可以背晒天上所有星星個名，英文噃！佢應該有讀書天份，而且太太教育好好，呢方面冇擔心過。
「我擔心係做人。讀書幾叻都好，但你驕傲囂張冇禮貌睇唔起人，都係冇用。我做娛樂圈，見咁多嘢睇咁多人，知道生存重要性，點樣求生先係最緊要。
「我喺屋企係反派，太太做好人，我一出聲一定係話佢，judge佢，你承擔嘅風險係佢唔鍾意你。我諗所有老竇都一樣，點樣拿揑得準確，我都學緊。
「好認真，作為藝人，有時都顧唔掂自己情緒，好多男人，返到屋企，好攰唔想有表情唔想講嘢，但唔得嘛！嚴格嚟講，屋企都係戰場，好多流彈。」
法拉利
譚耀文說，兩個戰場，他都應付得來，雖然不至於得心應手，但危難焦急時，總會有人幫忙，家裏是太太，電影是合作多年的經理人。
要如何評價自己的大半生，譚耀文說了個故事。
有天，他和古天樂拍戲，古生剛好新車落地，相請不如偶遇，他順理成章做了第一個乘客，當場安全地合法地兜了個圈，主客盡歡。
「好多謝古仔，終於知道法拉利威力。」譚耀文說。
「以前同好多人一樣，都希望擁有超級跑車，住大屋，但睇返自己歷程，原來我一直將感覺放喺第一位。屋企人都話我自私，但我真係想做一個藝術家。
「冇遺憾，我自己目標同諗法從來一致，希望有日做到Al Pacino（阿爾柏仙奴），唔需要high profile（高調），唔需要八卦，但聽到個名，自然會睇。」
快樂時失落時，譚耀文還是會聽啟蒙他的音樂，Pink Floyd、Guns & Roses、Aerosmith、Unplugged的Eric Clapton、暗黑的玉置浩二，外加Tom Waits，這個年代，不太主流的音樂。但大家不要誤會，聽完以後不表示你遺世獨立或高人一等，正如看完韓劇，你也不相信自己會變宋慧喬或朴寶劍。
選擇而已品味而已，就看你能吸收多少，會否過電，沒有其他。
Make up: Alfred Tsang@hk seven sense Hair: Kieron Sun@hair culture
長青網 - 一站式長者及護老者生活資訊網站
留言 (0)
