羊肉太補　「10℃以下先好食」

【蘋果日報】天寒地凍，不少人愛吃羊腩煲，或打邊爐暖身。註冊中醫陳俊傑稱，羊肉性溫，進食後確可保暖，但最好氣溫跌到10℃以下才進食，否則過於溫補反會令人失眠、生口瘡及口苦。至於冬天打邊爐「烚下烚下」，同樣可驅寒，惟港人多夜瞓易上火，建議間中吃一兩次就好，否則與食羊一樣容易出現熱症狀。
易胃脹生口瘡
陳稱，香港即使寒冷，氣溫仍有11、12℃，「凍嚟講溫度仍然係高」，若進食羊肉，因為太溫補，人容易過熱，反而會出現口瘡等症狀，且羊肉較難消化，脾胃差者進食後容易胃脹，故不建議港人多食。至於打邊爐，雖能驅寒，但香港人多為夜瞓，平日亦容易上火，間中食當作與朋友聯誼就可，多吃就會與食羊肉一樣，極易出現過補情況。
想驅寒暖胃，增強體質，熱飲最好。陳推介香茅檸檬果茶代水飲用，其中香茅可驅寒，減低感冒症狀，亦可中和水果乾性涼的特質，常飲可暖胃，惟甜度較高，糖尿病患者要小心飲用份量。番薯為偏溫食材，進食能保暖驅寒，除了大眾化的番薯煲薑糖水，亦可用來煮粥，「無直接食番薯咁滯，但同樣可暖胃驅寒」。
■記者嚴敏慧
想輕輕鬆鬆健康啲，記住留意健康蘋台
http://health.appledaily.com.hk/
長青網 - 一站式長者及護老者生活資訊網站