新聞類別
港聞
詳情#
【蘋果日報】經歷六年工程、預計造價27億元的西九文化區戲曲中心，敲定明年1月20日開幕，昨午舉行開台儀式，曾因戲曲中心而多次隔空互相駁火的西九文化區管理局董事局主席唐英年，與八和會館主席汪明荃在台上大和解，擁抱及拖手。唐英年致辭時點名感謝汪明荃；汪則稱籌備戲曲中心過程雖苦，但已苦盡甘來。
記者：李詠希
西九戲曲中心昨日舉行開台儀式並一連開放八日，昨按傳統上演《碧天賀壽》及《六國大封相》兩齣「例戲」。特首林鄭月娥昨午亦有到場觀賞演出。至傍晚，戲曲中心中庭及精品店等陸續開放。例戲演出前，西九管理局董事局主席唐英年、行政總裁栢志高、表演藝術行政總裁茹國烈及八和會館主席汪明荃等，先按戲班習俗在大劇院內舉行開台儀式，唐、汪站在舞台中央，其間二人擁抱和拖手。
「劇團演出要計清楚budget」
汪明荃致辭時指，對戲曲中心開台感到興奮、百感交集，「好似打翻咗五味架」。她以酸、苦、辛、甘、鹹五味形容開台心情，指籌備戲曲中心過程中很多挑戰需克服，「過程都幾苦」，因自己代表業界爭取興建戲曲場地，「喺第一次西九規劃之中，係冇戲曲場地嘅，後來（西九）推倒重來，經歷不少游說，先至爭取到有咁好嘅場地」；戲曲中心敲定後，又有各項事宜要處理，「好似打咗好多場硬仗，實在係有苦自己知，好彩今（昨）日係苦盡甘來」。
汪續指，當新場地開幕後，戲曲業界都希望租用，「但睇過啲場租同租用條件之後，原來係相當辣嘅，劇團要喺呢度演出，真係要計清楚班皮，即係budget」，在戲曲中心演出做好製作兼平衡開支，將是戲曲業界的挑戰。她又稱中心應專職發展本地戲曲，定位必須清晰，「千萬唔好加添其他嘅鹽份，使到角色模糊不清」。
唐英年致辭時說，戲曲中心作為香港唯一殿堂級演出場地，希望中心有機會上演全國所有戲種，傳承並發揚傳統中國及戲曲文化，令中國戲曲走向世界。
他又點名感謝八和會館，「尤其係阿Liza姐」，在籌備中心各項事宜上給予寶貴意見。唐事後被追問汪暗批中心場租太貴，唐扁嘴後說：「我相信唔係，你哋細心啲睇。」
唐、汪二人過去多次因戲曲中心事宜隔空開火，今年2月汪因開幕季不是由八和會館負責，斥西九不尊重，質疑對方「有事鍾無艷」，唐回應指汪將負責戲曲中心的首場表演，不明白汪為何有此想法。
戲迷心聲
蔡女士：「4點幾出門口，最想睇到《六國大封相》。好多老倌喺晒度，最想睇羅家英。」
陳女士：「（空手而回）好失望，應限住每人攞兩張或四張，後面啲人攞唔到唔公平。」
長青網 - 一站式長者及護老者生活資訊網站
記者：李詠希
西九戲曲中心昨日舉行開台儀式並一連開放八日，昨按傳統上演《碧天賀壽》及《六國大封相》兩齣「例戲」。特首林鄭月娥昨午亦有到場觀賞演出。至傍晚，戲曲中心中庭及精品店等陸續開放。例戲演出前，西九管理局董事局主席唐英年、行政總裁栢志高、表演藝術行政總裁茹國烈及八和會館主席汪明荃等，先按戲班習俗在大劇院內舉行開台儀式，唐、汪站在舞台中央，其間二人擁抱和拖手。
「劇團演出要計清楚budget」
汪明荃致辭時指，對戲曲中心開台感到興奮、百感交集，「好似打翻咗五味架」。她以酸、苦、辛、甘、鹹五味形容開台心情，指籌備戲曲中心過程中很多挑戰需克服，「過程都幾苦」，因自己代表業界爭取興建戲曲場地，「喺第一次西九規劃之中，係冇戲曲場地嘅，後來（西九）推倒重來，經歷不少游說，先至爭取到有咁好嘅場地」；戲曲中心敲定後，又有各項事宜要處理，「好似打咗好多場硬仗，實在係有苦自己知，好彩今（昨）日係苦盡甘來」。
汪續指，當新場地開幕後，戲曲業界都希望租用，「但睇過啲場租同租用條件之後，原來係相當辣嘅，劇團要喺呢度演出，真係要計清楚班皮，即係budget」，在戲曲中心演出做好製作兼平衡開支，將是戲曲業界的挑戰。她又稱中心應專職發展本地戲曲，定位必須清晰，「千萬唔好加添其他嘅鹽份，使到角色模糊不清」。
唐英年致辭時說，戲曲中心作為香港唯一殿堂級演出場地，希望中心有機會上演全國所有戲種，傳承並發揚傳統中國及戲曲文化，令中國戲曲走向世界。
他又點名感謝八和會館，「尤其係阿Liza姐」，在籌備中心各項事宜上給予寶貴意見。唐事後被追問汪暗批中心場租太貴，唐扁嘴後說：「我相信唔係，你哋細心啲睇。」
唐、汪二人過去多次因戲曲中心事宜隔空開火，今年2月汪因開幕季不是由八和會館負責，斥西九不尊重，質疑對方「有事鍾無艷」，唐回應指汪將負責戲曲中心的首場表演，不明白汪為何有此想法。
戲迷心聲
蔡女士：「4點幾出門口，最想睇到《六國大封相》。好多老倌喺晒度，最想睇羅家英。」
陳女士：「（空手而回）好失望，應限住每人攞兩張或四張，後面啲人攞唔到唔公平。」
長青網 - 一站式長者及護老者生活資訊網站
留言 (0)
