新聞類別
港聞
詳情#
記者：黃學潤 郭美華 張軍
眼前的阿成，外表斯斯文文，沒有染金毛、沒有耳環加粗頸鏈、沒有粗口爛舌，身上就連一個小小的紋身也沒有，沒半點「古惑仔味」，但他總是避開油尖旺這些「舊地盤」，每次與記者見面也不斷轉地點，深怕被人跟蹤，說穿了，他怕被昔日的「兄弟」尋仇，「喺嗰一年，我對佢哋（黑幫）講嘅每一句話，冇乜邊句係真，令我覺得好唔舒服」。
這段血汗交織的卧底生涯，就在阿成學堂畢業不久開始。他在警校畢業後隨即被辭退，被安排混入一個社團大佬身旁，從那一刻開始，警察委任證、警察部電腦紀錄及原本身份證資料都一一消失，變成一個「古惑仔」。
模仿語氣姿態 熟讀大佬背景
為了盡快加入黑幫，成為大佬的親信，阿成花了好幾個月熟讀目標人物的背景、喜好，連走路時齖齖齰齰的姿態、說話語氣，也用了一個月模仿，「最初都係行行企企咋，但我要喺呢段時間了解大佬身邊有乜嘢人、佢哋負責乜嘢、講嘢係咪可靠，因為呢啲隨時係情報之一」。
為免身份被揭穿，阿成向母親佯稱參與一個警隊特別任務，數個月不能回家，「因為怕家人擔心，所以絕對唔會同佢哋講我做卧底！」若數月後仍未完成任務，他只能加上其他藉口，例如參加其他行動或長期訓練。
當卧底的日子，阿成每刻都精神繃緊，「當時日夜顛倒，我哋跟住大佬瞓到日上三竿，之後飲吓茶、傾閒偈，但我唔能夠放鬆，因為可能聽到情報，又怕自己講錯嘢露出馬腳；每晚瞓覺我都瞓唔稔，因為驚會發開口夢暴露身份」。
卧底豈會是單單收料那麼簡單，更多是人性的考驗，阿成最記得三年前8月的一個深夜，手機突然響起，聽筒傳來大佬「吹雞」，叫他立即去旺角砵蘭街追斬一名仇家，阿成故作鎮定爽快答應，並隨即動身「擸架生」，但事實是內心極度掙扎，「呢次真係驚，因為隨時會斬死人，但我唔可以唔去，因為唔知大佬今次真係想尋仇，定係想測試我！」
當晚阿成與一班兄弟手持牛肉刀戒備，當仇家現身，隨即有人大喝一聲：「衝上去！」刀光劍影一剎，阿成故意放慢腳步，「如果真係要斬落去，我衝力冇咁大嘅話，斬都冇咁傷！」
幸好仇家在分叉路逃脫，阿成才鬆一口氣。經過多次「好表現」，阿成火速上位，僅花四個月便成為其中一名頭目的左右手。
怕被跟蹤 轉折返安全屋
徘徊在黑白邊緣，阿成每天反問自己：「我仲係咪警察？」最令他難受是在街頭「晒馬」，被反黑組警員帶返警局，「嗰次俾反黑打咗幾鎚都預咗㗎喇，打得都好甘吓，但我最痛嘅唔係身，而係個心，如果我係古惑仔，我俾你打，我心甘命抵，但事實大家都係警察、自己人，你做緊嘢時我都係㗎，但我有口難言唔講得」。他獲釋後躲在安全屋流下男兒淚，「仲問自己點解要做呢啲嘢，到底我仲係咪警察？」
每天返安全屋寫「卧底日記」，才讓阿成重拾「我係一個警察」的實在感。他定期與操控員（Handler）在安全屋見面，阿成直言安全屋遍佈全港，除了住宅外，還有唐樓、工廠大廈單位等，不過卧底每次去安全屋也要用非常轉折的方法，根本不會如電影《無間道》般，跟上級在天台見面那樣開揚，「例如安全屋喺旺角區，會坐車去大角嘴之後行一陣，再搭的士去旺角，去到附近都唔會即刻上去，會在下面行吓街、睇吓嘢，因為怕俾人跟蹤」。
至於記錄目標人物行事資料的記事簿一般收在安全屋內，詳列目標人物接觸過的人，跟過甚麼人說過甚麼、有何行動、身邊有甚麼人出現過等，作為日後上庭的證據。
由於卧底生涯辛苦難耐，他曾問操控員：「我仲要捱幾耐，會唔會好似電影咁三年又三年，佢每次只係話好快做完㗎喇，到時可以做返自己㗎喇。」阿成一度萌生歪念，更想過若要做卧底超過一年便會辭職，「日日見到佢哋（古惑仔）嘻嘻哈哈，我做乜仲要做卧底，做乜要俾人打？做乜要咁辛苦？」幸而剛好一年時間，主管認為時機成熟「收網」，最終黑幫頭目亦被判有罪，阿成得以重生，回復警察身份。
長青網 - 一站式長者及護老者生活資訊網站
眼前的阿成，外表斯斯文文，沒有染金毛、沒有耳環加粗頸鏈、沒有粗口爛舌，身上就連一個小小的紋身也沒有，沒半點「古惑仔味」，但他總是避開油尖旺這些「舊地盤」，每次與記者見面也不斷轉地點，深怕被人跟蹤，說穿了，他怕被昔日的「兄弟」尋仇，「喺嗰一年，我對佢哋（黑幫）講嘅每一句話，冇乜邊句係真，令我覺得好唔舒服」。
這段血汗交織的卧底生涯，就在阿成學堂畢業不久開始。他在警校畢業後隨即被辭退，被安排混入一個社團大佬身旁，從那一刻開始，警察委任證、警察部電腦紀錄及原本身份證資料都一一消失，變成一個「古惑仔」。
模仿語氣姿態 熟讀大佬背景
為了盡快加入黑幫，成為大佬的親信，阿成花了好幾個月熟讀目標人物的背景、喜好，連走路時齖齖齰齰的姿態、說話語氣，也用了一個月模仿，「最初都係行行企企咋，但我要喺呢段時間了解大佬身邊有乜嘢人、佢哋負責乜嘢、講嘢係咪可靠，因為呢啲隨時係情報之一」。
為免身份被揭穿，阿成向母親佯稱參與一個警隊特別任務，數個月不能回家，「因為怕家人擔心，所以絕對唔會同佢哋講我做卧底！」若數月後仍未完成任務，他只能加上其他藉口，例如參加其他行動或長期訓練。
當卧底的日子，阿成每刻都精神繃緊，「當時日夜顛倒，我哋跟住大佬瞓到日上三竿，之後飲吓茶、傾閒偈，但我唔能夠放鬆，因為可能聽到情報，又怕自己講錯嘢露出馬腳；每晚瞓覺我都瞓唔稔，因為驚會發開口夢暴露身份」。
卧底豈會是單單收料那麼簡單，更多是人性的考驗，阿成最記得三年前8月的一個深夜，手機突然響起，聽筒傳來大佬「吹雞」，叫他立即去旺角砵蘭街追斬一名仇家，阿成故作鎮定爽快答應，並隨即動身「擸架生」，但事實是內心極度掙扎，「呢次真係驚，因為隨時會斬死人，但我唔可以唔去，因為唔知大佬今次真係想尋仇，定係想測試我！」
當晚阿成與一班兄弟手持牛肉刀戒備，當仇家現身，隨即有人大喝一聲：「衝上去！」刀光劍影一剎，阿成故意放慢腳步，「如果真係要斬落去，我衝力冇咁大嘅話，斬都冇咁傷！」
幸好仇家在分叉路逃脫，阿成才鬆一口氣。經過多次「好表現」，阿成火速上位，僅花四個月便成為其中一名頭目的左右手。
怕被跟蹤 轉折返安全屋
徘徊在黑白邊緣，阿成每天反問自己：「我仲係咪警察？」最令他難受是在街頭「晒馬」，被反黑組警員帶返警局，「嗰次俾反黑打咗幾鎚都預咗㗎喇，打得都好甘吓，但我最痛嘅唔係身，而係個心，如果我係古惑仔，我俾你打，我心甘命抵，但事實大家都係警察、自己人，你做緊嘢時我都係㗎，但我有口難言唔講得」。他獲釋後躲在安全屋流下男兒淚，「仲問自己點解要做呢啲嘢，到底我仲係咪警察？」
每天返安全屋寫「卧底日記」，才讓阿成重拾「我係一個警察」的實在感。他定期與操控員（Handler）在安全屋見面，阿成直言安全屋遍佈全港，除了住宅外，還有唐樓、工廠大廈單位等，不過卧底每次去安全屋也要用非常轉折的方法，根本不會如電影《無間道》般，跟上級在天台見面那樣開揚，「例如安全屋喺旺角區，會坐車去大角嘴之後行一陣，再搭的士去旺角，去到附近都唔會即刻上去，會在下面行吓街、睇吓嘢，因為怕俾人跟蹤」。
至於記錄目標人物行事資料的記事簿一般收在安全屋內，詳列目標人物接觸過的人，跟過甚麼人說過甚麼、有何行動、身邊有甚麼人出現過等，作為日後上庭的證據。
由於卧底生涯辛苦難耐，他曾問操控員：「我仲要捱幾耐，會唔會好似電影咁三年又三年，佢每次只係話好快做完㗎喇，到時可以做返自己㗎喇。」阿成一度萌生歪念，更想過若要做卧底超過一年便會辭職，「日日見到佢哋（古惑仔）嘻嘻哈哈，我做乜仲要做卧底，做乜要俾人打？做乜要咁辛苦？」幸而剛好一年時間，主管認為時機成熟「收網」，最終黑幫頭目亦被判有罪，阿成得以重生，回復警察身份。
長青網 - 一站式長者及護老者生活資訊網站
留言 (0)
