新聞類別
副刊
港聞
詳情#
【蘋果日報】「一梳梳到尾，二梳梳到白髮齊眉，三梳梳到兒孫滿地……」耳熟能詳得彷彿有聲有畫，大妗姐替新人上頭時，句句鏗鏘，梳足十梳，為新人完成成人禮。當年無綫甘草演員陳鳳冰（冰姐）戲裏戲外都是一名星級大妗姐，形象深入民心，六年前仙遊的她，生前經常擔任大妗姐課程導師，桃李滿門，希望將傳統中式嫁娶禮儀傳承後世。陳月華（華姨）是冰姐眾多徒弟之一，她在這行頭經歷了十四個寒暑，嫁娶喜宴場面興高采烈是常態，但突如其來的憾事更教她深刻。儘管如此，大妗姐仍得隨機應變主持大局，履行職責。
記者：張珮琪 攝影：劉柏麟
「我出世爸爸媽媽幫我改個名叫月華，佢哋幫我改呢個名已經定咗我嘅終生職業，『花月佳期有華姨，榮華富貴福祿來』，我個名入面已經有呢個行業喺度，好似係天注定！」華姨笑說。更實在的是，華姨的媽媽亦做過大妗姐，加上華姨一向喜歡研究中國傳統禮儀，閒時會看書吸收知識，她的子女成家立室，她對喜慶事更為上心。
當大妗姐也頗講求福氣，十五年前，華姨的第一個孫女出世，「我覺得我儲夠福氣喇，上有高堂、夫妻和睦恩愛、有兒有孫，四代同堂，我可以去做大妗姐，帶啲福氣畀新人，就搵師傅學！」根據宋朝孟元老撰寫的《東京夢華錄》記載，大妗姐這個行業距今至少有900年歷史。據說，廣東人稱呼舅母為大妗，從前後輩亦會找舅母充當婚禮的大妗姐工作，舅母有輩份，為了分辨聘請而來的大妗，遂加上「姐」字以資識別，變成「大妗姐」。
六、七十年代香港工業發達，大妗姐行業曾經一度式微，華姨稱：「婦女做工廠妹，收入穩定啲，突然間好似少咗人搵大妗姐，近年傳統行業復興番，懷舊意識重咗，好多新人都覺得大妗姐重要嘅，尤其屋企人多，更加需要有個大妗姐喺度主持。」華姨因緣際會遇上冰姐任大妗姐課程的導師，學習近一年便正式加入大妗姐行列。
冰姐教她要用心對待每一對新人，視他們為自己兒女去關心服侍，做好婚宴每一個細節，華姨一直秉持。華姨如今內孫外孫、孫子孫女齊全，堪稱全福人或好命婆。
大妗姐的工作，主要是提點及安排新人做足「六禮」，即是首要擇好良辰吉日，順序進行過大禮、搬嫁妝、安床、上頭、迎親禮節。華姨形容，過大禮猶如整個婚禮的序幕，相當重要。
從前迎親大日子，大紅花轎接新娘、新郎踢轎門，再由大妗姐揹住新娘子步入男家門，甚至地下放有一包包米袋，「踏米」入門，意思是新娘子會帶旺家門，不落地亦顯示新娘矜貴。
時移世易，那些場面已不復見，現時新人出門時，大妗姐會為新娘撐紅傘、撒米及唱出門歌。在新人出門、入門的時候，大妗姐要打點好茶水、準備蓮子，提點新人做足拜天地、拜祖先、向雙親長輩敬茶、夫妻交拜的儀式。
新娘入門，老爺奶奶飲新抱茶之際，又是大妗姐出場的時候，「飲過新抱茶，富貴又榮華，茶到口呀財到手，健康財富都樣樣有！」而傳統新娘三朝回門的習俗，隨着時代步伐急速，通常也會安排即日回門，迎親當日行程可謂非常緊湊，大妗姐需要從旁提示勿誤吉時之外，亦要抓緊時間。十四年來，名人、有財勢人士筵開過百席的世紀婚禮，華姨都以大妗姐身份參與過，開心事眾多，反而傷感事更覺深刻。
「我好記得有一次，有一對新人結婚前兩個月搵我，新郎都有話爸爸身體有啲唔舒服喺醫院，希望快啲搞場婚事等佢飲咗杯新抱茶，敬謝父母之恩。」可惜，至大婚前一晚，華姨準備為新郎上頭，對方向她透露，當日早上爸爸已離世。大妗姐按其意願，按原定計劃舉行婚禮。
大妗姐深諳人情世故，適當時候充當不同角色，必要時化身長輩，挽着新娘的手進場，將她交給新郎；新人或長輩有拗撬時，又要做中間人調停；當新人家庭有突發白事之際，就要為他們注入正能量：「可能新郎爸爸嘅意思等佢放心去結婚！」
事實沒人知，何不向好的一面想？「當然大妗姐知道唔會太鋪張，嗰朝唔講得太多恭賀說話，滿堂吉慶嗰啲我哋就唔講，最緊要拜天地，做咗基本嘅嘢。」婚禮最終順利完成。
又不是每個結局都帶着遺憾，華姨透露，試過有另一位新郎的爸爸同樣病重留醫，婚禮當日新人的出門、入門儀式改在醫院進行，「醫院好好，安排咗一間活動室，新郎爸爸着晒筆挺西裝，我知道佢插晒喉，因為都鋪咗塊布喺下半身遮住……老爺好順意飲咗新抱茶，好感觸，奶奶喺身邊，佢向對新人好簡單講咗句：『你哋白頭到老』。」婚禮一周之後，老爺便離世，大家都如願以償，華姨亦感安慰。
冰姐生前曾經說過，希望徒弟青出於藍，華姨謂：「青出於藍我唔敢講，我希望我冇辜負佢，將大妗姐行業做得更加好！」華姨都有教學生、收徒弟，兩年前，更在自小長大的大埔墟，開設專門店售賣結婚用品，為新人提供更便利的服務。
她手執九旬媽媽舊時當大妗姐用的大葵扇，珍而重之，「把扇要嚟保存，依家唔需要用到佢，我都希望傳到畀我嘅下一代，繼續做大妗姐！」
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
記者：張珮琪 攝影：劉柏麟
「我出世爸爸媽媽幫我改個名叫月華，佢哋幫我改呢個名已經定咗我嘅終生職業，『花月佳期有華姨，榮華富貴福祿來』，我個名入面已經有呢個行業喺度，好似係天注定！」華姨笑說。更實在的是，華姨的媽媽亦做過大妗姐，加上華姨一向喜歡研究中國傳統禮儀，閒時會看書吸收知識，她的子女成家立室，她對喜慶事更為上心。
當大妗姐也頗講求福氣，十五年前，華姨的第一個孫女出世，「我覺得我儲夠福氣喇，上有高堂、夫妻和睦恩愛、有兒有孫，四代同堂，我可以去做大妗姐，帶啲福氣畀新人，就搵師傅學！」根據宋朝孟元老撰寫的《東京夢華錄》記載，大妗姐這個行業距今至少有900年歷史。據說，廣東人稱呼舅母為大妗，從前後輩亦會找舅母充當婚禮的大妗姐工作，舅母有輩份，為了分辨聘請而來的大妗，遂加上「姐」字以資識別，變成「大妗姐」。
六、七十年代香港工業發達，大妗姐行業曾經一度式微，華姨稱：「婦女做工廠妹，收入穩定啲，突然間好似少咗人搵大妗姐，近年傳統行業復興番，懷舊意識重咗，好多新人都覺得大妗姐重要嘅，尤其屋企人多，更加需要有個大妗姐喺度主持。」華姨因緣際會遇上冰姐任大妗姐課程的導師，學習近一年便正式加入大妗姐行列。
冰姐教她要用心對待每一對新人，視他們為自己兒女去關心服侍，做好婚宴每一個細節，華姨一直秉持。華姨如今內孫外孫、孫子孫女齊全，堪稱全福人或好命婆。
大妗姐的工作，主要是提點及安排新人做足「六禮」，即是首要擇好良辰吉日，順序進行過大禮、搬嫁妝、安床、上頭、迎親禮節。華姨形容，過大禮猶如整個婚禮的序幕，相當重要。
從前迎親大日子，大紅花轎接新娘、新郎踢轎門，再由大妗姐揹住新娘子步入男家門，甚至地下放有一包包米袋，「踏米」入門，意思是新娘子會帶旺家門，不落地亦顯示新娘矜貴。
時移世易，那些場面已不復見，現時新人出門時，大妗姐會為新娘撐紅傘、撒米及唱出門歌。在新人出門、入門的時候，大妗姐要打點好茶水、準備蓮子，提點新人做足拜天地、拜祖先、向雙親長輩敬茶、夫妻交拜的儀式。
新娘入門，老爺奶奶飲新抱茶之際，又是大妗姐出場的時候，「飲過新抱茶，富貴又榮華，茶到口呀財到手，健康財富都樣樣有！」而傳統新娘三朝回門的習俗，隨着時代步伐急速，通常也會安排即日回門，迎親當日行程可謂非常緊湊，大妗姐需要從旁提示勿誤吉時之外，亦要抓緊時間。十四年來，名人、有財勢人士筵開過百席的世紀婚禮，華姨都以大妗姐身份參與過，開心事眾多，反而傷感事更覺深刻。
「我好記得有一次，有一對新人結婚前兩個月搵我，新郎都有話爸爸身體有啲唔舒服喺醫院，希望快啲搞場婚事等佢飲咗杯新抱茶，敬謝父母之恩。」可惜，至大婚前一晚，華姨準備為新郎上頭，對方向她透露，當日早上爸爸已離世。大妗姐按其意願，按原定計劃舉行婚禮。
大妗姐深諳人情世故，適當時候充當不同角色，必要時化身長輩，挽着新娘的手進場，將她交給新郎；新人或長輩有拗撬時，又要做中間人調停；當新人家庭有突發白事之際，就要為他們注入正能量：「可能新郎爸爸嘅意思等佢放心去結婚！」
事實沒人知，何不向好的一面想？「當然大妗姐知道唔會太鋪張，嗰朝唔講得太多恭賀說話，滿堂吉慶嗰啲我哋就唔講，最緊要拜天地，做咗基本嘅嘢。」婚禮最終順利完成。
又不是每個結局都帶着遺憾，華姨透露，試過有另一位新郎的爸爸同樣病重留醫，婚禮當日新人的出門、入門儀式改在醫院進行，「醫院好好，安排咗一間活動室，新郎爸爸着晒筆挺西裝，我知道佢插晒喉，因為都鋪咗塊布喺下半身遮住……老爺好順意飲咗新抱茶，好感觸，奶奶喺身邊，佢向對新人好簡單講咗句：『你哋白頭到老』。」婚禮一周之後，老爺便離世，大家都如願以償，華姨亦感安慰。
冰姐生前曾經說過，希望徒弟青出於藍，華姨謂：「青出於藍我唔敢講，我希望我冇辜負佢，將大妗姐行業做得更加好！」華姨都有教學生、收徒弟，兩年前，更在自小長大的大埔墟，開設專門店售賣結婚用品，為新人提供更便利的服務。
她手執九旬媽媽舊時當大妗姐用的大葵扇，珍而重之，「把扇要嚟保存，依家唔需要用到佢，我都希望傳到畀我嘅下一代，繼續做大妗姐！」
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
留言 (0)
