宜恒常改密碼

【蘋果日報】若信用卡號碼外洩，可向發卡銀行要求重發，但身份證號碼「伴隨一生」，根本無法改變。從事網絡保安30年的網絡保安專家Michael Gazeley直言，「根本好多機會都可以洩露ID，你去中環是但入一幢大廈，保安都一定要攞你張id card，唔係佢都唔畀你上去……又或者洩露屋企地址的話，唔通你一家大細又搬咩！」
Michael更擔憂，「黑客會將偷到個人資料放上Dark Web，假如一個hack到你銀行，一個hack到醫療資料，加埋加埋就好似鏡頭focus咁，越校越清楚。」他直言「黑客所掌握的資料，可能比你本人更為清晰。」建議用戶要恒常更改登入密碼，且將不同電郵戶口，分類處理不同所需。
香港資訊科技商會榮譽會長方保僑相信，事件只是冰山一角，直言事主十分「唔好彩」，但肯定唔係唯一例子。「環聯根本無做過KYC（認識你的客戶），報告有晒每個人嘅私隱資料，買樓、買車做過嘅按揭等等信貸紀錄，點解把關可以咁混賬？」他指金融機構如銀行間互換信貸紀錄是有實質需要，但質疑環聯與第三方平台的商業合作，導致市民的信貸資料被用作交易，「咁同當年八達通出賣客戶『日日賞』資料有咩分別？兩者之間係咪應該劃清界線呢？」
長青網 - 一站式長者及護老者生活資訊網站