新聞類別
港聞
詳情#
【蘋果日報】【藐視法庭案】72歲的劉鐵民，原本只是一名平凡不過的無家者。惟今年10月，法官陳慶偉指他積極參與佔旺，裁定他刑事藐視法庭罪成，判囚四個月，令他瞬間與一眾政治明星「齊名」，成為同類案件中首名被判入獄的普通市民，並於服刑13天後才獲准保釋。直到昨天，上訴庭頒令劉上訴得直，大幅減刑，不用重返牢獄。不過，他沒到庭聽取結果。劉從記者口中得悉判決後難掩興奮，但亦苦笑戲言：「法官都要食飯，搵唔到人，咪搵個潦倒、落泊嘅阿伯頂住先。佢都要同共產黨交代。」
記者︰蘇曉欣 陸羽平
佔領旺角2014年落幕，但時至今日，仍有不少佔領人士被指未有依從禁制令而被判罰。除了耀眼的政治明星，當中更多的是升斗市民，流浪漢劉鐵民便是其中之一。
法官陳慶偉早前指，劉當日高舉「我要真普選」橫額，又協助拆走平台，並站於警方防線前面，實屬「持續地藐視」，重判他監禁四個月。以往多宗佔旺藐視法庭案件中，只有黃浩銘、黃之鋒及鄭錦滿三名政治人物被判入獄，劉是首名被判囚市民。
陳官判刑惹來社會反響，劉鐵民服刑13天後，獲准保釋外出，等候就刑期提出上訴。上訴庭三名法官昨指，本案判刑異常，因劉明顯並非運動組織者，刑期卻與鄭錦滿等組織者無異。此外，劉的案情其實與同案另一被告翁耀聲相似，但翁卻僅判罰款1.5萬元及緩刑。上訴庭裁定陳官判刑出錯，劉上訴得直，以13天監禁取代之前刑期。
記者昨日在一處天橋底找到劉鐵民，向他親口宣佈喜訊。劉聞言即咧嘴而笑，口中念着：「唔使我到庭都得喇！」他自言不知上訴結果，「冇人話畀我聽，係你話畀我聽。我同任何人都冇來往」。
憶述牢獄 「企喺度都捱打」
劉鐵民是民主運動的忠實支持者，一直獨來獨往，不受黨派拘束。他說：「啲人話我，劉鐵民你俾人利用喇。但我由頭到尾都係一個人，我俾邊個利用呀？我自己利用自己？」
一眾被告之中，劉鐵民年紀最大，他自言對上訴結果感開心，「年紀又大喇，個個年輕都唔使坐監，我都72歲喇，過埋幾日就73歲」。但回想起13天牢獄生涯，他猶有餘悸，言詞間流露擔憂之情，「坐監都唔容易坐， 你知坐監個個犯罪、搞搞震，好似企喺度都打你幾槌」。
劉鐵民一直以天地為家，靠每月領取的二千多元綜援維生，簡樸度日。他直言監獄內雖三餐溫飽，有瓦遮頭，但仍不及自由空氣好，「就好似雀仔喺好靚嘅雀籠，望到出面，都想自己飛翔，自由好啲」。
嚮往自由，不限於監獄內四幅牆，還有為社會這個大牢籠、為下一代爭取自由。說起四年前的佔旺，他表示只為爭取真普選，笑言：「得唐英年梁振英兩個人，普選？」
劉亦為下一代幸福着想，「有正義行動，大家應該去爭取」。他舉例：「好似共產黨搞到香港唔似樣。搞個人工島，開大數。你幾代都還唔晒！咁下一代都冇乜嘢好使，咪好慘？」
案件編號：CACV539/18
長青網 - 一站式長者及護老者生活資訊網站
記者︰蘇曉欣 陸羽平
佔領旺角2014年落幕，但時至今日，仍有不少佔領人士被指未有依從禁制令而被判罰。除了耀眼的政治明星，當中更多的是升斗市民，流浪漢劉鐵民便是其中之一。
法官陳慶偉早前指，劉當日高舉「我要真普選」橫額，又協助拆走平台，並站於警方防線前面，實屬「持續地藐視」，重判他監禁四個月。以往多宗佔旺藐視法庭案件中，只有黃浩銘、黃之鋒及鄭錦滿三名政治人物被判入獄，劉是首名被判囚市民。
陳官判刑惹來社會反響，劉鐵民服刑13天後，獲准保釋外出，等候就刑期提出上訴。上訴庭三名法官昨指，本案判刑異常，因劉明顯並非運動組織者，刑期卻與鄭錦滿等組織者無異。此外，劉的案情其實與同案另一被告翁耀聲相似，但翁卻僅判罰款1.5萬元及緩刑。上訴庭裁定陳官判刑出錯，劉上訴得直，以13天監禁取代之前刑期。
記者昨日在一處天橋底找到劉鐵民，向他親口宣佈喜訊。劉聞言即咧嘴而笑，口中念着：「唔使我到庭都得喇！」他自言不知上訴結果，「冇人話畀我聽，係你話畀我聽。我同任何人都冇來往」。
憶述牢獄 「企喺度都捱打」
劉鐵民是民主運動的忠實支持者，一直獨來獨往，不受黨派拘束。他說：「啲人話我，劉鐵民你俾人利用喇。但我由頭到尾都係一個人，我俾邊個利用呀？我自己利用自己？」
一眾被告之中，劉鐵民年紀最大，他自言對上訴結果感開心，「年紀又大喇，個個年輕都唔使坐監，我都72歲喇，過埋幾日就73歲」。但回想起13天牢獄生涯，他猶有餘悸，言詞間流露擔憂之情，「坐監都唔容易坐， 你知坐監個個犯罪、搞搞震，好似企喺度都打你幾槌」。
劉鐵民一直以天地為家，靠每月領取的二千多元綜援維生，簡樸度日。他直言監獄內雖三餐溫飽，有瓦遮頭，但仍不及自由空氣好，「就好似雀仔喺好靚嘅雀籠，望到出面，都想自己飛翔，自由好啲」。
嚮往自由，不限於監獄內四幅牆，還有為社會這個大牢籠、為下一代爭取自由。說起四年前的佔旺，他表示只為爭取真普選，笑言：「得唐英年梁振英兩個人，普選？」
劉亦為下一代幸福着想，「有正義行動，大家應該去爭取」。他舉例：「好似共產黨搞到香港唔似樣。搞個人工島，開大數。你幾代都還唔晒！咁下一代都冇乜嘢好使，咪好慘？」
案件編號：CACV539/18
長青網 - 一站式長者及護老者生活資訊網站
留言 (0)
